Genesis 48:9 - Chol: I T’an Dios

⁹ José tsi' sube i tat: Calobilob tsa' bʌ i yʌq'ueyon Dios wʌ'i, che'en. Israel tsi' yʌlʌ: Pʌyʌyob tilel ba' añon. Mu'to cʌq'ueñob i yutslel c t'an, che'en.

Chol de Tumbalá Bible

⁹ José tsi' sube i tat: Calobilob tsa' bʌ i yʌq'ueyon Dios wʌ'i, che'en. Israel tsi' yʌlʌ: Pʌyʌyob tilel ba' añon. Mu'to cʌq'ueñob i yutslel c t'an, che'en.

Jiñi Tsiji' bʌ Wen T'añ cha'añ Estudio

⁹ José tsi' jac'be i tat: —Jiñʌch calobilob tsa' bʌ i yʌq'ueyon Dios ti ili lum. —Lʌc'tesañob tilel ba'añon cha'añ mi cʌq'ueñob i yutslel c t'añ, —che'en Israel.

Genesis 48:9 Iomraidhean Croise

Genesis 27:4

Melbeñon sumuc bʌ i bʌl c ñʌc' che' bajche' mic mulan. Ch'ʌmbeñon tilel cha'an mij c'uxe', cha'an mi mejlel cʌq'ueñet i yutslel c t'an che' cuxulon to, che'en.

Genesis 30:2

Jacob tsi' mich'le Raquel. Tsi' yʌlʌ: Mach Diosonic. Jiñʌch Dios tsa' bʌ i yotsayet ti to'ol wa'al jach bʌ x'ixic, che'en.

Genesis 33:5

Esaú tsi' can q'uele pañimil. Tsi' q'uele x'ixicob yic'ot i yalobilob. Tsi' yʌlʌ: ¿Majquiyob? ¿A cha'año' ba? che'en. Jacob tsi' yʌlʌ: A winicon. Jiñobʌch calobilob tsa' bʌ i yʌq'ueyon Dios ti' yutslel i pusic'al, che'en.

Genesis 49:28

Jiñobʌch lajchʌnmojt i p'olbal Israel. Jiñʌch i t'an i tat che' bʌ tsi' yʌq'ueyob i yutslel i t'an. Ti jujuntiquil tsi' yʌq'ueyob i t'an che' bajche' yom.

Salmos 127:3

Awilan, la calobilob lac majtañʌch aq'uebilonla i cha'an lac Yum, Lac chobejtʌbalob tilemo' bʌ ti lac Yum.

Isaias 8:18

Awilan, joñon quic'ot calobilob tsa' bʌ i yʌq'ueyon Dios, wa'chocobilon lojon cha'an mic tsictesʌben Israel i ñuclel lac Yum chumul bʌ ti wits i c'aba' Sion. Jiñʌch i Yum Panchan yic'ot Pañimil.

Deuteronomio 33:1

Moisés i winic Dios tsi' subu ili bendición ti' tojlel israelob che' mach jalix mi' caj ti chʌmel:

Hebreos 11:21

Cha'an tsi' ñopo Dios Jacob, tsi' yʌq'ueyob i yutslel i t'an i yalobilob José che' yomix chʌmel. Tsi' c'uchchoco i bʌ i ch'ujutesan Dios che' chucul i cha'an i xʌmbal te'.

1 Samuel 1:20

Tsi' yʌq'ue i cʌntan i yalobil. Che' bʌ tsa' ts'ʌctiyi i yorajlel cha'an mi' yʌc' ti pañimil i yalobil, Ana tsi' yotsʌbe i c'aba' Samuel. Tsi' yʌlʌ: Jiñʌch calobil tsa' bʌ j c'ajtibe lac Yum, che'en.

1 Samuel 1:27

Tsaj c'ajtibe lac Yum ili ch'iton. Tsi' yʌq'ueyon che' bajche' tsaj c'ajtibe.