Genesis 48:7 - Chol: I T’an Dios

⁷ Che' bʌ tsa' loq'uiyon ti Padanaram, tsa' chʌmi Raquel ti' lumal Canaán ya' ti bij che' ñajt to an Efrata. Tsac mucu ya' ti' bijlel Efrata, jiñʌch Belén, che'en.

Chol de Tumbalá Bible

⁷ Che' bʌ tsa' loq'uiyon ti Padanaram, tsa' chʌmi Raquel ti' lumal Canaán ya' ti bij che' ñajt to an Efrata. Tsac mucu ya' ti' bijlel Efrata, jiñʌch Belén, che'en.

Jiñi Tsiji' bʌ Wen T'añ cha'añ Estudio

⁷ Che' bʌ tsa' loq'uiyon ti Padan-aram, tsa' chʌmi Raquel ti' lumal Canaán ya' ti bij che' ñajt to añ Efrata; tsa' c mucu ya' ti' bijlel Efrata, jiñʌch Belén.

Genesis 48:7 Iomraidhean Croise

Genesis 25:20

An cha'c'al i jabilel Isaac che' bʌ tsi' pʌyʌ Rebeca ti' yijñam. Rebeca jiñʌch xch'oc bʌ i yalobil Betuel jini arameo ch'oyol bʌ ti Padanaram. I yijti'añʌch Labán jini arameo.

Genesis 33:18

Uts'at tsa' c'oti Jacob ti tejclum i c'aba' Siquem ya' ti Canaán. Che' jini tsa' cha' juli tilel ti' lumal che' loq'uem ti Padanaram. Tsi' wa'choco pisil bʌ i yotot ya' ti' junwejl jini tejclum.

Genesis 35:20

Jacob tsi' wa'choco xajlel ya' ti mucoñibʌl. Ya'ʌch an jini wa'al bʌ xajlel ba' mucul Raquel c'ʌlʌ ti ili ora.

Genesis 35:9

Dios tsi' cha' pʌsʌ i bʌ ti' tojlel Jacob che' sujtelix woli, che' bʌ tsa' loq'ui ti Padanaram. Tsi' yʌq'ue i yutslel i t'an.

Genesis 48:6

A walobilob mu' bʌ caj i tilelob a cha'añobʌch. Mi caj i t'oxbentelob i chubʌ'an i tat ti' c'aba' Efraín yic'ot ti' c'aba' Manasés.

Miqueas 5:2

Jatet Belén Efrata wen ch'o'ch'oquet ti' tojlel pejtelel tejclum tac ti Judá, pero ya' mi caj i q'uel pañimil jini Rey mu' bʌ caj i cha'len yumʌl ti Israel, jini Rey cuxul bʌ c'ʌlʌl ti oñiyi.

Mateo 2:18

“Tsa' ubinti c'am bʌ t'an ya' ti Ramá, cabʌl uq'uel yic'ot we'ecña bʌ uq'uel. xRaquel woli' chʌn uc'tan i yalobilob. Ma'anic tsi' jac'ʌ i ñʌch'chocontel i pusic'al come tsa' jiliyob i yalobil”. Che' tsi' yʌlʌ jini x'alt'an.

xRut 1:2

I c'aba' jini winic jiñʌch Elimelec. I c'aba' i yijñam jiñʌch Noemí. I c'aba' jini cha'tiquil i yalobilob jiñʌch Mahlón yic'ot Quelión. Ch'oyolob ti Belén am bʌ i cha'chajplel i c'aba' Efrata ya' ti Judá. Tsa' tem majliyob ti' lumal Moab. Ya' tsa' cʌleyob.

1 Samuel 1:1

An juntiquil winic i c'aba' Elcana i yalobil Jeroham. (Jini Jeroham i yalobilʌch Eliú. Eliú i yalobilʌch Tohu. Tohu i yalobilʌch Zuf jini efrateo.) Ya' ch'oyol Elcana ti Ramataim am bʌ ti Zofim ya' ti wits i c'aba' Efraín.

1 Samuel 10:2

Che' wola' sujtel ti bij che' tsa'ix a cʌyʌyon, mi caj a taj cha'tiquil winicob ya' ba' mucul Raquel, ba' jaxʌl i lumal Benjamín ti jini xchumtʌl i c'aba' Selsa. Jini winicob mi caj i subeñetob: “Tsa'ix tajle jini burro tac tsa' bʌ sajti. Jini a tat tsa'ix i cʌyʌ i pensarin jini burro tac. Woli jax i wen mel i pusic'al cha'añet. Woli' pensarin bajche' mi caj i taj i yalobil”. Che' mi caj i yʌlob.

1 Samuel 16:4

Che'ʌch tsi' mele Samuel che' bajche' tsi' sube lac Yum. Che' bʌ tsa' c'oti ti Belén, jini xñoxob ti tejclum tsa' loq'ui i tajob, tsiltsilñayob ti bʌq'uen. Tsi' yʌlʌyob: ¿Tsa' ba tili a wʌq'ueñon lojon i yutslel a t'an? che'ob.

1 Samuel 17:12

Mach ya'ic an David i yalobil jini efrateo i c'aba' Isaí chumul bʌ ti Belén ti Judá. An waxʌctiquil i yalobilob Isaí. Ñoxix Isaí che' woli ti yumʌntel Saúl.