Genesis 48:21 - Chol: I T’an Dios

²¹ Israel tsi' sube José: I yorajlelix mic chʌmel. Dios mi caj i yajñel la' wic'ot. Mi caj i cha' pʌyetla majlel ti' lumal la' ñojte'elob.

Chol de Tumbalá Bible

²¹ Israel tsi' sube José: I yorajlelix mic chʌmel. Dios mi caj i yajñel la' wic'ot. Mi caj i cha' pʌyetla majlel ti' lumal la' ñojte'elob.

Jiñi Tsiji' bʌ Wen T'añ cha'añ Estudio

²¹ Ti wi'il Israel tsi' su'be José: —Joñon mi caj c chʌmel, pero Dios mi caj i yajñel la' wic'ot, mi caj i cha' pʌyetla sujtel ti' lumal la' ñojte'elob.

Genesis 48:21 Iomraidhean Croise

Genesis 12:5

Abram tsi' pʌyʌ majlel Sarai i yijñam yic'ot Lot, i yalobil i yʌscun yic'ot pejtelel i chubʌ'an tsa' bʌ i tempayob yic'ot pejtel jini winicob x'ixicob tsa' bʌ i yumayob ya' ti Harán. Tsa' cajiyob ti xʌmbal majlel. Tsa' c'ʌlʌl c'otiyob ti Canaán.

Genesis 15:14

Pero mi caj c mel jini winicob x'ixicob mu' bʌ i tic'lañob ti jini lum. Ti wi'il mi caj i loq'uelob ti' wenta i yumob yic'ot cabʌl i chubʌ'an.

Genesis 15:16

Jixcu a p'olbal jal mi caj i yajñelob ti yambʌ lum. Ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxix, che'en lac Yum.

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

Genesis 28:15

Añon quic'otet. Mi caj cʌntañet baqui jach ma' majlel. Mi caj c cha' pʌyet tilel ti ili lum. Ma'anic mi caj j cʌyet jinto mic mel jini tsa bʌ c subeyet, che'en.

Genesis 37:1

Ya' chumul Jacob ti jini lum ba' tsa' ñumi ti chumtʌl i tat. Jini lum i c'aba' Canaán.

Genesis 46:4

Mi caj c majlel a wic'ot ti Egipto. Isujm mi caj c cha' pʌy loq'uel a p'olbal. José mi caj i muts'beñet a wut ba' ora ma' chʌmel, che'en.

Genesis 47:29

Tsa' tili i yorajlel che' mach jalix mi' chʌmel Israel. Tsi' pʌyʌ tilel José i yalobil. Israel tsi' sube: Mi c'ux ma' wubiñon mele che' bajche' mic subeñet cha'an ma' pʌsbeñon i yutslel yic'ot i xuc'tilel a pusic'al. A wocolic mach a mucon ti Egipto.

Genesis 50:24

José tsi' sube i pi'ʌlob: I yorajlelix mic chʌmel. Isujm Dios mi caj i ña'tañetla cha'an mi' pʌyetla loq'uel ti ili lum. Mi caj i pʌyetla majlel ti lum tsa' bʌ i wersa subeyob Abraham yic'ot Isaac yic'ot Jacob cha'an mi caj i yʌq'ueñob, che'en José.

Genesis 50:6

Faraón tsi' yʌlʌ: Cucu, mucu a tat che' bajche' tsa' wersa aq'ue a t'an, che'en.

Salmos 18:46

Cuxul lac Yum. Wocolix i yʌlʌ come jiñʌch xuc'ul bʌ xajlel yilal. La' sujbic i ñuclel Dios mu' bʌ i coltañon.

Lucas 2:29

C Yum, x'e'telon a cha'an. La' pʌjyicon majlel ti' ñʌch'tʌlel c pusic'al che' bajche' tsa' wʌlʌ.

Hechos 13:36

Che' bʌ tsa' ujti i coltan i pi'ʌlob che' bajche' yom Dios, melel tsa' chʌmi David. Tsa' mujqui ba' mucul i ñojte'el. Tsa' oc'mi.

Deuteronomio 30:3

che' jini lac Yum mi caj i cha' coltañet. Mux i cha' aq'ueñet pejtelel chuqui tsa' sajti a cha'an. Mi caj i cha' p'untañet. Mi caj i cha' pʌyet loq'uel ba' pam pujq'uemetla ti yan tac bʌ tejclum ya' ba' tsi' cʌn chocoyet majlel lac Yum Dios.

Deuteronomio 31:8

Lac Yum mi caj i majlel ñaxan ti a tojlel. Mi caj i yajñel a wic'ot. Ma'anic mi caj i cʌyet. Jini cha'an mach ma' cha'len bʌq'uen, che'en.

2 Timoteo 4:6

Come mach jalix mi caj cʌjq'uel ti' majtan Dios. Lʌc'ʌlix i yorajlel cha'an mij cʌy pañimil.

Hebreos 7:3

Ma'anic i tat i ña'. Ma'anic tsa' tajle i c'aba' i ñojte'el. Ma'anic i cajibal, ma'anic i jilibal. Lajalʌch bajche' i Yalobil Dios. Motomaj ti pejtelel ora.

Hebreos 7:8

Isujm, mi' ch'ʌmob diezmo i p'olbalob Leví yujilo' bʌ chʌmel. Pero mi' subeñonla i Ts'ijbujel Dios chʌn cuxul Melquisedec.

Josue 1:5

Ma'anic majch mi caj i mʌjlel i cha'an che' mi' contrajiñet, che' wʌ'to añet ti pañimil. Che' bajche' tsa' ajniyon quic'ot Moisés mi cajñel quic'otet ja'el. Ma'anic mi caj j cʌyet ti a bajñelil. Mach p'ump'unic mi caj j cʌyet.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 23:14

Wʌle mi caj c chʌmel che' bajche' pejtelel año' bʌ ti pañimil. Yom mi la' ña'tan ti pejtelel la' pusic'al ma'anic chuqui anto yom mi' ts'ʌctiyel ti pejtelel chuqui tsi' subeyetla lac Yum Dios. Tsa'ix laj ts'ʌctiyi.

Josue 3:7

Che' jini lac Yum tsi' sube Josué: Ti ili q'uin mi caj cʌq'uet ti q'uejlel ti ñuc ti' tojlel pejtel israelob cha'an mi' ña'tañob añon a wic'ot. Che' bajche' tsa' ajniyon quic'ot Moisés, che' ja'el mi caj cajñel a wic'ot.

2 Pedro 1:14

Come cujil mach jalix mi caj j cʌy c bʌc'tal che' mic chʌmel, che' bajche' tsi' subeyon lac Yum Jesucristo.