Genesis 48:12 - Chol: I T’an Dios

¹² José tsi' chucbeyob i c'ʌb i yalobilob. Tsi' ñucchoco i bʌ ya' ti' tojel Israel. Tsi' loc'sayob ti' pix.

Chol de Tumbalá Bible

¹² José tsi' chucbeyob i c'ʌb i yalobilob. Tsi' ñucchoco i bʌ ya' ti' tojel Israel. Tsi' loc'sayob ti' pix.

Jiñi Tsiji' bʌ Wen T'añ cha'añ Estudio

¹² Jiñi cha'añ José tsi' chucuyob loq'uel i yalobilob ti' ya' Israel, tsi' c'uchchoco i bʌ ti lum ya' ti' tojel i tat.

Genesis 48:12 Iomraidhean Croise

Genesis 18:2

Tsa' caji' can q'uel pañimil. Awilan, ix tilelob uxtiquil winicob. Che' bʌ tsi' q'ueleyob, tsa' loq'ui ti pisil bʌ i yotot. Ajñel tsa' majli i tajob. Tsi' pʌcchoco i bʌ ti lum.

Genesis 19:1

Jini cha'tiquil ángelob tsa' tiliyob ti Sodoma che' wolix ti bʌjlel q'uin. Buchul Lot ti' ti' Sodoma. Che' bʌ tsi' q'uele ix tilelob, tsa' majli i tajob. Tsi' pʌcchoco i bʌ.

Genesis 23:7

Abraham tsi' c'uchchoco i bʌ ti' tojlel i yumob jini lum, jiñobʌch i yalobilob Het.

Genesis 33:3

Ñaxanix tsa' majli Jacob. Wucyajl ñuquiña tsi' mele i bʌ che' bʌ tsi' ñochta Esaú.

Genesis 42:6

José i yumʌch i lumal Egipto. Tsi' chombeyob trigo pejtel winicob. I yʌscuñob José tsa' c'otiyob. Tsi' pʌcchocoyob i bʌ ti lum ti' tojlel José.

Genesis 48:11

Israel tsi' sube José: Tsac lon ña'ta ma'anix mic chʌn q'uelet. Wʌle Dios woli' yʌq'ueñon j q'uel a walobilob ja'el, che'en.

Genesis 48:13

Che' jini José tsi' pʌyʌyob tilel ti cha'ticlel, Efraín ti ñoj bʌ i c'ʌb ba'an ts'ej bʌ i c'ʌb Israel, Manasés ti ts'ej bʌ i c'ʌb ba'an ñoj bʌ i c'ʌb Israel. Lʌc'ʌl tsi' pʌyʌyob tilel ba'an i tat.

1 Reyob 2:19

Jini cha'an tsa' majli Betsabé ba'an jini rey Salomón cha'an mi' tsictesʌben i t'an Adonías. Jini rey tsa' tejchi ti' buchlib. Tsi' licchoco i bʌ ti' tojlel i ña'. Tsa' cha' buchle ti' buchlib rey. Tsa' ch'ʌjmi tilel yambʌ buchlibʌl cha'an i ña'. Tsa' buchle ti' ñoj.

2 Reyob 4:37

Jini x'ixic tsa' ochi. Tsi' pʌcchoco i bʌ ti lum. Tsi' meq'ue i yalobil. Tsi' pʌyʌ majlel.

Exodo 20:12

C'uxbin a tat a ña' cha'an ma' jalijel ti jini lum tsa' bʌ i yʌq'ueyet a Yum Dios.

Exodo 34:8

Che' jini Moisés ti ora jach tsi' ju'sa i jol ti lum. Tsi' ch'ujutesa lac Yum.

Proverbios 31:28

Che' winicobix i yalobilob uts'atax mi' q'uelob i ña'. I ñoxi'al ja'el uts'atax mi' q'uel i yijñam.

Levitico 19:3

Yom c'ajal la' cha'an i q'uiñilel c'aj o. Mach yomic mi la' cʌyon cha'an mi la' ch'ujutesan jini dioste' tac. Mach yomic mi' la' mel dios tac. Come joñoñʌch la' Yumon, la' Dioson.

Levitico 19:32

Yom mi la' wʌq'uen cortesía jini sʌquix bʌ i jol. Yom mi la' q'uel ti ñuc. Bʌc'ñañonla, la' Yumon la' Dioson.

Efesios 6:1

Alobob, ch'ujbiben i t'an la' tat la' ña', come che'ʌch yom lac Yum tsa' bʌ i yotsayetla ti' wenta.