Genesis 48:11 - Chol: I T’an Dios

¹¹ Israel tsi' sube José: Tsac lon ña'ta ma'anix mic chʌn q'uelet. Wʌle Dios woli' yʌq'ueñon j q'uel a walobilob ja'el, che'en.

Chol de Tumbalá Bible

¹¹ Israel tsi' sube José: Tsac lon ña'ta ma'anix mic chʌn q'uelet. Wʌle Dios woli' yʌq'ueñon j q'uel a walobilob ja'el, che'en.

Jiñi Tsiji' bʌ Wen T'añ cha'añ Estudio

¹¹ Israel tsi' su'be José: —Ma'añix tsa' c chʌn ña'ta j q'uel a wut, pero wʌle Dios woli' yʌq'ueñon j q'uel a walobilob ja'el.

Genesis 48:11 Iomraidhean Croise

Genesis 37:33

Jacob tsi' cʌmbe i pislel José. Tsi' subeyob: Ili bujcʌl i cha'añʌch calobil. Tic'ʌl mi tsi' tsʌnsa José jontol bʌ bʌte'el. Tic'ʌl mi bic'ti xut'ulix, che'en.

Genesis 37:35

Pejtel jini ch'iton bʌ i yalobilob yic'ot xch'oc bʌ i yalobilob tsi' lon ñopoyob i ñuq'uesʌben i pusic'al i tat. Pero ma'anic tsi' jac'ʌ i ñuq'uesʌntel. Tsi' yʌlʌ: Mu'to cuc'tan c'ʌlʌl mic majlel ba'an calobil ti' yajñib chʌmeño' bʌ, che'en.

Genesis 42:36

Jacob tsi' subeyob: Meba'on cha'an tsa'ix la' pʌyʌ majlel cha'tiquil calobilob. José ma'anix tsiquil. Ma'anix tsiquil Simeón. Wʌle la' womix la' pʌy majlel Benjamín. Pejtelel jini wocol woli' jisañon, che'en.

Genesis 45:26

Tsi' subeyob: Cuxul to José. I yumʌch pejtelel i lumal Egipto, che'ob. Tsa' toj sajti i pusic'al Jacob. Ma'anic tsi' ñopbeyob i t'an.

Genesis 48:10

Wolix ti yajpel i wut Israel come ñoxix. Ma'anix tsa' wen c'oti i wut. José tsi' pʌyʌ tilel i yalobilob ba'an Israel. Israel tsi' ts'ujts'ubeyob i wut. Tsi' tul meq'ueyob.

Genesis 48:12

José tsi' chucbeyob i c'ʌb i yalobilob. Tsi' ñucchoco i bʌ ya' ti' tojel Israel. Tsi' loc'sayob ti' pix.

Salmos 128:6

La' i yʌq'ueñet a q'uel i yalobilob a walobilob. La' i tajob i ñʌch'tilel i pusic'al jini israelob.

Proverbios 17:6

I ñuclel jini ñoxo' bʌ jiñʌch i yalobilob i yalobil. I ñuclel jini alobob jiñʌch i tatob.

Efesios 3:20

Wen cabʌl i p'ʌtʌlel woli bʌ ti e'tel ti lac pusic'al cha'an mi' mel ñumen ñuc bʌ i ye'tel bajche' pejtelel chuqui mi laj c'ajtiben yic'ot pejtelel mu' bʌ lac ña'tan.