Genesis 47:4 - Chol: I T’an Dios

⁴ Tsi' subeyob ja'el: Talon lojon ti poj chumtʌl lojon ti a lumal, come ma'anic lojon c jamil cha'an c tiñʌme' tac, come tsʌts jini wi'ñal ti' lumal Canaán. A winicon lojon. A wocolic la' chumlecon lojon ti' lumal Gosén, che'ob.

Chol de Tumbalá Bible

⁴ Tsi' subeyob ja'el: Talon lojon ti poj chumtʌl lojon ti a lumal, come ma'anic lojon c jamil cha'an c tiñʌme' tac, come tsʌts jini wi'ñal ti' lumal Canaán. A winicon lojon. A wocolic la' chumlecon lojon ti' lumal Gosén, che'ob.

Jiñi Tsiji' bʌ Wen T'añ cha'añ Estudio

⁴ Tsi' su'beyob ja'el faraón: —Tsa' tiliyon lojon ti chumtʌl ti a lumal, come ma'añic lojon c jamil cha'añ c tʌñʌme' lojon, x'e'telon bʌ lojon a cha'añ, come tsʌts jiñi wi'ñal ti' lumal Canaán; jiñi cha'añ awocolic ac'ʌ a t'añ cha'añ mic poj chumtʌl lojon, x'e'telon bʌ lojon a cha'añ ya' ti' lumal Gosén.

Genesis 47:4 Iomraidhean Croise

Genesis 12:10

Ya' tsi' taja wi'ñal ti jini lum. Jini cha'an Abram tsa' jubi majlel ti Egipto cha'an mi' jalijel ya'i, come wocol jini wi'nal ti' lumal.

Genesis 15:13

Lac Yum tsi' sube Abram: Yom ma' ña'tan muc'ʌch i yajñelob a p'olbal ti lum ba' mach i cha'añobic. Muc'ʌch i yochelob ti majtan e'tel ti' yum. Mi caj i yubiñob wocol jumbajc' jab.

Genesis 43:1

Wen cabʌl i wi'ñal winicob ti' lumal Canaán.

Genesis 45:10

Mux caj a chumtʌl ti lum i c'aba' Gosén. Mi caj a wajñel lʌc'ʌl ba' añon, jatet yic'ot a walobilob yic'ot a buts, yic'ot a tiñʌme' yic'ot a wʌlac' yic'ot pejtel a chubʌ'an.

Genesis 46:34

mi caj la' wʌl: “A winicon lojon, xcʌntayajon lojon cha'an alʌc'ʌl c'ʌlʌl che' ch'itoñon to lojon, joñon lojon quic'ot c tat lojon”. Che'ʌch yom mi la' suben cha'an mi mejlel la' chumtʌl ti' lumal Gosén. Come ts'a'lebilob pejtelel xcʌnta alʌc'ʌl cha'an egiptojob, che'en.

Genesis 47:5

Faraón tsi' sube José: Wʌ'an i lumal Egipto ti' tojel a wut. La' majlicob ti chumtʌl a tat yic'ot a wʌscuñob ba' mero wen jini lum. La' chumlecob ti' lumal Gosén. Mi cʌñʌl a cha'an p'ip' bʌ i pusic'al winicob ti' tojlelob, aq'ueñob i ch'ʌmob jini cʌlac' ti' wenta, che'en.

Salmos 105:23

Tsa' c'oti Israel ya' ti Egipto. Tsa' chumle Jacob ti' lumal Cam.

Isaias 52:4

Ti wajali tsajniyob ti chumtʌl ti Egipto c winicob. Ti wi'il jini asiriajob tsa' caji i to'ol tic'lañob anquese ma'anic i mul.

Hechos 7:11

Tsa' caji wi'ñal ti' lumal egiptojob yic'ot ti Canaán ja'el. An cabʌl wocol. Lac ñojte'el ma'anic tsi' tajayob i bʌl i ñʌc'.

Hechos 7:6

Dios tsi' sube Abraham ja'el: “Mi caj i majlel ti chumtʌl a p'olbal ti yambʌ lum mach bʌ i cha'añobic, ba' mi caj i yʌjq'uelob ti to'ol e'tel. Jumbajc' jab mi caj i cha'leñob majtan e'tel yic'ot wocol.

Deuteronomio 26:5

Che' jini yom ma' sub a bʌ ti' tojlel lac Yum Dios: “Jini c tat jiñʌch arameo tsa' bʌ jubi majlel ti Egipto, yic'ot winico' bʌ i yalobilob che' wi'ñayobix, che' ma'anic jaytiquilob. Tsa' chumleyob ya'i jinto tsa' wen p'ojliyob. Tsa' ajniyob ti colem tejclum.