Genesis 47:12 - Chol: I T’an Dios

¹² Tsi' yʌq'ueyob i bʌl i ñʌc i tat yic'ot i yʌscuñob yic'ot jini año' bʌ ti' wenta i tat ti pejtelelob che' bajche' jaytiquil añob. Tsi' yʌq'ueyob waj.

Chol de Tumbalá Bible

¹² Tsi' yʌq'ueyob i bʌl i ñʌc i tat yic'ot i yʌscuñob yic'ot jini año' bʌ ti' wenta i tat ti pejtelelob che' bajche' jaytiquil añob. Tsi' yʌq'ueyob waj.

Jiñi Tsiji' bʌ Wen T'añ cha'añ Estudio

¹² José tsi' yʌq'ueyob i bʌl i ñʌc' i tat yic'ot i yerañob yic'ot pejtelel jiñi año' bʌ ti' wenta i tat che' bajche' jaytiquil i yalobilob.

Genesis 47:12 Iomraidhean Croise

Genesis 45:10

Mux caj a chumtʌl ti lum i c'aba' Gosén. Mi caj a wajñel lʌc'ʌl ba' añon, jatet yic'ot a walobilob yic'ot a buts, yic'ot a tiñʌme' yic'ot a wʌlac' yic'ot pejtel a chubʌ'an.

Genesis 45:11

Wʌ' mi caj c we'sañet wʌ'i cha'an ma'anic ma' wochel ti pobre, jatet yic'ot jini año' bʌ ti a wotot, yic'ot a chubʌ'an, come jo'p'ejl to jab an wi'ñal, che'en a walobil”. Che' yom mi la' suben c tat, che'en José.

Genesis 45:7

Dios tsi' chocoyon tilel ti' tojel la' wut cha'an mij coltañetla, cha'an ma'anic mi' jilel la' p'olbal ti pañimil. Tsi' chocoyon tilel cha'an mi la' taj ñuc bʌ la' coltʌntel.

Genesis 47:1

José tsa' majli ba'an Faraón. Tsi' sube: Julemobix c tat yic'ot cʌscuñob yic'ot tiñʌme' tac yic'ot alʌc'ʌl tac yic'ot pejtelel i chubʌ'an loq'uemo' bʌ ti' lumal Canaán. Añobix ti' lumal Gosén.

Genesis 47:21

José tsi' pʌyʌ loq'uel pejtel winicob x'ixicob ti xchumtʌl tac ti pejtelel Egipto. Tsi' chocoyob majlel ti chumtʌl ti tejclum tac.

Genesis 47:24

Che' ti yorajlel c'ajbal mi caj la' wʌq'uen Faraón junlujch trigo loq'uem bʌ ti jo'lujch. Chʌnlujch la' cha'añʌch cha'an la' pac' yic'ot cha'an i bʌl la' ñʌc'. La' cha'añʌch cha'an mi la' c'ux yic'ot la' pi'ʌlob yic'ot la' walobilob, che'en José.

Genesis 50:21

Mach yomix mi la' cha'len bʌq'uen. Joñon mi caj c we'sañetla yic'ot la' walobilob, che'en. Che' jini José tsi' ñuq'uesʌbeyob i pusic'al. Tsi' pejcayob ti uts bʌ t'an.

Exodo 20:12

C'uxbin a tat a ña' cha'an ma' jalijel ti jini lum tsa' bʌ i yʌq'ueyet a Yum Dios.

1 Tesalonicenses 2:7

Pero uts tsa' ajniyon lojon ti la' tojlel che' bajche' x'ixic mu' bʌ i c'uxbin i yalobilob.

1 Timoteo 4:8

Mi lac taj ts'ita' lac wenlel che' mi laj cʌntan lac bʌc'tal. Pero cabʌl mi lac taj che' ch'ujul mi la cajñel. Come mi' coltañonla wʌle ti ili ora yic'ot ti jini tal to bʌ ora.

1 Timoteo 5:4

Pero mi an juntiquil meba' x'ixic am bʌ i yalobil mi i buts, la' i ña'tañob i wentajʌch cha'an mi' cʌntañob i ña'. La' i q'uextʌbeñob i wenlel jini tsa' bʌ i cosayob. Come che'ʌch yom Dios. Uts'at mi' q'uel.

1 Timoteo 5:8

Mi an juntiquil mach bʌ anic mi' cʌntan jini mero i pi'ʌlob yic'ot jini año' bʌ ti' yotot, tsa'ix i cʌyʌ i ñop. Ñumen lecojʌch bajche' juntiquil mach bʌ anic mi' ñop Dios.

xRut 4:15

Mi caj a cha' ch'ejl'an cha'an a buts. Mi caj i ñuq'uesʌbeñet a pusic'al che' ñoxetix, come tsa'ix i yʌc'ʌ ti pañimil a wʌ'lib mu' bʌ i c'uxbiñet. Ñumen mi' c'uxbiñet Rut bajche' wuctiquil la calobil. Ñumen mi' pʌsbeñet i yutslel i pusic'al, che'ob.