Genesis 45:5 - Chol: I T’an Dios

⁵ Mach yomix mi la' chʌn mel la' pusic'al. Mach la' mich'len la' bʌ cha'an tsa' la' choñoyon. Come Dios tsi' chocoyon tilel ti' tojel la' wut cha'an mij coltan jini wi'ñayo' bʌ, cha'an cuxul mi' yajñelob.

Chol de Tumbalá Bible

⁵ Mach yomix mi la' chʌn mel la' pusic'al. Mach la' mich'len la' bʌ cha'an tsa' la' choñoyon. Come Dios tsi' chocoyon tilel ti' tojel la' wut cha'an mij coltan jini wi'ñayo' bʌ, cha'an cuxul mi' yajñelob.

Jiñi Tsiji' bʌ Wen T'añ cha'añ Estudio

⁵ Wʌle mach comic mi la' wu'bin la' ch'ijiyemlel yic'ot mach mi la' mel la' pusic'al cha'añ tsa' la' choñoyon, come Dios tsi' chocoyon tilel ti' tojel la' wut cha'añ mij coltañ wiñicob x'ixicob cha'añ cuxul mi' yajñelob.

Genesis 45:5 Iomraidhean Croise

Genesis 37:28

Woli' ñumelob xchoñoñelob ch'oyolo' bʌ ti Madián. I yʌscuñob José tsi' ch'uyuyob loq'uel ti joyol bʌ lum. Tsi choñoyob i yijts'in. Junc'al plata taq'uin tsi' tojoyob jini ismaelob. Tsi' pʌyʌyob majlel José ti Egipto.

Genesis 47:25

Tsi' yʌlʌyob: Tsa' coltayon lojon. La' c taj lojon i yutslel a pusic'al, c yum. I winicon lojon Faraón.

Genesis 50:19

José tsi' subeyob: Mach la' cha'len bʌq'uen. ¿C wenta ba cha'an mic mʌctan chuqui yom i mel Dios? ¿Mach ba wersajic mic jac' ja'el chuqui yom Dios?

Genesis 50:20

Jatetla tsa' la' ña'ta la' contrajiñon ti jontolil, pero Dios tsi' ña'ta i c'ʌn ti uts'at cha'an mi' yujtel ti uts'at che' bajche' ti ili ora, cha'an mi' coltan cabʌl winicob x'ixicob.

Genesis 50:21

Mach yomix mi la' cha'len bʌq'uen. Joñon mi caj c we'sañetla yic'ot la' walobilob, che'en. Che' jini José tsi' ñuq'uesʌbeyob i pusic'al. Tsi' pejcayob ti uts bʌ t'an.

2 Samuel 12:12

Jixcu jatet, tsa' mele iliyi ti mucul, pero joñon mi caj c pʌs ti jamʌl ti' wut pejtelel israelob”. Che' tsi' yʌlʌ lac Yum, che'en Natán.

2 Samuel 17:14

Absalón yic'ot pejtelel jini israelob tsi' yʌlʌyob: Uts'at bajche' tsi' ña'ta Husai jini arquita. Mach uts'atic tsi' cʌn ña'ta Ahitofel, che'ob. Come lac Yum tsi' ña'ta i jem jini uts'at bʌ i t'an Ahitofel cha'an mi' yʌc' ti wocol Absalón.

Ester 4:14

Mi mach a womic a pejcan jini rey ti ili ora che' bʌbʌq'uen mi' chʌmel a pi'ʌlob, mi caj i tejchel i coltʌntel ti yambʌ parte, pero mi caj a chʌmel jatet yic'ot i pi'ʌlob a tat a ña'. ¿Chucoch tsa' aq'uentiyet a we'tel ti co'ʌl ti ili ora ti' tojlel jini rey? ¿Mach ba cha'anic ma' coltan a pi'ʌlob che' an i wocol? Che' tsi' sube Mardoqueo.

Job 1:21

Tsi' yʌlʌ: Ma'anic c chubʌ'an tsaj q'uele pañimil, ma'anic c chubʌ'an mic cha' sujtel ti lum. Dios tsi' yʌq'ueyon, Dios tsi' cha' chili. Ch'ujul i c'aba', che'en.

Lucas 23:34

Jesús tsi' yʌlʌ: C Tat ñusʌbeñob i mul come mach yujilobic chuqui woli' cha'leñob, che'en. Tsi' pucbeyob i bʌ i pislel Jesús che' bʌ tsi' cha'leyob yajcaya ti alas.

2 Corintios 2:11

ame p'ʌtac Satanás ti la' contra. Come la cujil maña jax bajche' mi' mel i ye'tel xiba.

2 Corintios 2:7

Yomix mi la' ñusʌben i mul. Yomix mi la' cha' ñuq'uesʌben i pusic'al ame junyajlel ochic i ch'ijiyemlel.

Filemón 1:15

Tic'ʌl mi tsi' poj cʌyʌyet Onésimo cha'an ma' junyajlel pʌy ochel ti pejtelel ora.

1 Samuel 1:19

Che' ti wen sʌc'ajel tsa' ch'ojyi. Tsi' ch'ujutesa lac Yum. Tsa' sujtiyob ti' yotot ya' ti Ramá. Elcana tsi' pi'le Ana i yijñam. Che' jini lac Yum tsa' c'ajtiyi i cha'an i yoración Ana.