Genesis 45:3 - Chol: I T’an Dios

³ José tsi' subeyob i yʌscuñob: Joñon José. ¿Cuxul to ba c tat? che'en. Ma'anic tsa' mejli i jac'ob i yʌscuñob, come tsa' toj sajtiyob i pusic'al ti' tojlel.

Chol de Tumbalá Bible

³ José tsi' subeyob i yʌscuñob: Joñon José. ¿Cuxul to ba c tat? che'en. Ma'anic tsa' mejli i jac'ob i yʌscuñob, come tsa' toj sajtiyob i pusic'al ti' tojlel.

Jiñi Tsiji' bʌ Wen T'añ cha'añ Estudio

³ José tsi' su'beyob i yerañob: —Joñoñʌch José. ¿Cuxul to ba c tat? Ma'añic tsa' mejli i jac'ob i yerañob, come tsa' toj sajtiyob i pusic'al ti' tojlel.

Genesis 45:3 Iomraidhean Croise

Genesis 37:20

La' lac tsʌnsan. La' lac choc ochel ti jump'ejl ch'en. Wi'il mi caj lac sub tsi' c'uxu jontol bʌ bʌte'el. Quila la bajche' mi' caj ti loq'uel i sujmlel i ñajal tac, che'ob.

Genesis 42:21

Tsi' subeyob i bʌ: Isujm an lac mul cha'an la quijts'in. Tsa' la quilʌbe i wocol i pusic'al José che' bʌ tsi' c'ajtibeyonla ti wocol t'an cha'an mi lac p'untan. Ma'anic tsa' lac jac'ʌ, che'ob.

Genesis 42:22

Rubén tsi' subeyob: ¿Mach ba anic tsac subeyetla mach la' cha'len mulil ti' contra jini ch'iton? Pero ma'anic tsa' la' jac'beyon. Jini cha'an an ti lac wenta i ch'ich'el José, che'en.

Genesis 43:27

José tsi' c'ajtibeyob bajche' yilalob. Tsi' yʌlʌ: Jini la' tat, jini ñoxix bʌ winic tsa' bʌ la' subeyon, ¿uts'at ba an? ¿Cuxul to ba? che'en.

Job 23:15

Jini cha'an an c bʌq'uen ti' tojlel. Che' mij c'ajtesan tic pusic'al tsiltsilñayon ti' tojlel cha'an bʌq'uen.

Job 4:5

Wʌle tsa'ix tili wocol ti a tojlel. Mach cujchic a cha'an. Woli' tajet wocol. Ch'ijiyem a pusic'al.

Zacarias 12:10

Che' jini mi caj cʌq'ueñob quEspíritu jini año' bʌ ti Jerusalén cha'an mi' cʌñob i yutslel c pusic'al yic'ot cha'an mi' c'ajtibeñoñob i coltʌntel. Mi caj i q'uelob jini jec'bil bʌ i cha'añob. Mi caj i yuc'tañob che' bajche' winicob mi' yuc'tañob jini yʌx alʌl c'uxbibil bʌ i cha'añob, che' bajche' mi' yuc'tañob jini ascuñʌl bʌ i yalobil.

Marcos 6:50

Come ti pejtelel xcʌnt'añob tsi' q'ueleyob. Tsi' wen cha'leyob bʌq'uen. Pero Jesús tsi' bʌc' pejcayob. Tsi' subeyob: Tijicñesan la' pusic'al. Come joñoñʌch, mach la' cha'len bʌq'uen, che'en.

Lucas 5:8

Che' bʌ tsi' q'uele Simón Pedro, tsi' ñocchoco i bʌ ba'an Jesús. Tsi' sube: Loq'uen tic tojlel c Yum, come xmulilon, che'en.

Hechos 7:13

Che' bʌ tsa' majliyob ti' cha'yajlel, José tsi' yʌc'ʌ i bʌ ti cʌjñel ti' tojlel i yʌscuñob. Tsi' yʌc'ʌ i pi'ʌlob ti cʌjñel ti' tojlel Faraón.

Hechos 9:5

Saulo tsi' yʌlʌ: ¿Majquiyet c Yum? che'en. Tsi' sube: Joñoñʌch Jesús woli bʌ a tic'lan, che'en.

Apocalipsis 1:7

Awilan, tal ti tocal. Pejtelel winicob yic'ot jini tsa' bʌ i jeq'ueyob mi caj i q'uelob. Mi' cajelob ti cabʌl uq'uel jujunchajp winicob x'ixicob ti pañimil che' mi' tilel Cristo. Che'ʌch yom. Amén.