Genesis 44:16 - Chol: I T’an Dios

¹⁶ Judá tsi' yʌlʌ: ¿Chuqui mi mejlel c subeñet lojon c yum? ¿Bajche' mi mejlel c pʌs lojon c bʌ ti uts'at ti a tojlel? Dios tsa'ix i tsictesa lojon c mul. A winicon lojon. Wʌ' añon lojon, a cha'añon lojon cha'an to'ol e'tel, quic'ot jini tsa' bʌ tajle yic'ot a taza, che'en.

Chol de Tumbalá Bible

¹⁶ Judá tsi' yʌlʌ: ¿Chuqui mi mejlel c subeñet lojon c yum? ¿Bajche' mi mejlel c pʌs lojon c bʌ ti uts'at ti a tojlel? Dios tsa'ix i tsictesa lojon c mul. A winicon lojon. Wʌ' añon lojon, a cha'añon lojon cha'an to'ol e'tel, quic'ot jini tsa' bʌ tajle yic'ot a taza, che'en.

Jiñi Tsiji' bʌ Wen T'añ cha'añ Estudio

¹⁶ Jiñi cha'añ Judá tsi' yʌlʌ: —¿Chuqui mi' mejlel c su'beñet lojon c yum? ¿Bajche' mi' mejlel c pʌs lojon c bʌ ti uts'at ti a tojlel? Dios tsa'ix i tsictesa lojon c mul. Joñon lojon x'e'telon lojon a cha'añ temel yic'ot jiñi tsa' bʌ tajle yic'ot a taza.

Genesis 44:16 Iomraidhean Croise

Genesis 37:7

Awilan, woli lac set cʌche' trigo ya' ti jamil. Jini jam set cʌchbil bʌ c cha'an tsa' wa'le. Jini jam set cʌchbil bʌ la' cha'an tsi' joy tempayob i bʌ. Tsi' c'uchchocoyob i bʌ ti' tojlel jini set cʌchbil bʌ c cha'an, che'en.

Genesis 37:9

Tsi' cha' cha'le ñajal. Tsi' subeyob i yʌscuñob: Awilan, tsac cha' cha'le ñajal. Jini q'uin yic'ot uw yic'ot junlujump'ejl ec' tsi' c'uchchocoyob i bʌ tic tojlel.

Genesis 44:17

José tsi' yʌlʌ: Mach wenic mi tsac mele bajche' jini. Jini winic tsa' bʌ tajle yic'ot c taza mux i yochel tic winic. Pero jatetla, cucula ba'an la' tat ti' ñʌch'tʌlel la' pusic'al, che'en.

Genesis 44:32

A winicon. Tsac ch'ʌmʌ tic wenta jini ch'iton ti' tojlel c tat. Tsac sube: “Machic mic cha' pʌybeñet tilel, an c mul ti a tojlel ti pejtelel ora”, cho'on.

Genesis 44:9

Sajcan tic tojlel lojon. Majqui jach lotol i cha'an, la' chʌmic. Che' jini mux cochel lojon ti to'ol e'tel ti' tojlel c yum, che'ob.

1 Reyob 17:18

Jini x'ixic tsi' sube Elías: Jatet i winiquet bʌ Dios, ¿chuqui tsac melbeyet? ¿Tsa' ba tiliyet cha'an ma' tsictesʌbeñon c mul, cha'an ma' wʌc' ti chʌmel jini calobil? che'en.

Esdras 9:10

Pero wʌle, c Dios, woli cubin lojon quisin. ¿Chuqui to mi mejlel cʌl lojon? Come anix lojon c mul cha'an tsac ñusa lojon a mandar.

Esdras 9:15

Tojet c Yum, i Dioset bʌ Israel. P'untañon lojon, come i colojbalon lojon Israel mu' bʌ c ñopet lojon. Wʌ' añon lojon ti a tojlel yic'ot c mul lojon. Muq'uic a wen melon lojon ti toj, ma'anic majqui mi mejlel i wa'tʌl ti a tojlel. Cho'on tsac sube ti oración.

Proverbios 17:15

Jini xmeloñel mach bʌ anic mi' mel xjontolilob yic'ot ja'el jini xmeloñel mu' bʌ i yʌc' ti toj mulil jini tojo' bʌ, junlajal an i mul ti cha'ticlelob.

Proverbios 28:17

Jini tsa'ix bʌ i cha'le tsʌnsa mi' caj ti puts'el ti pejtelel ora c'ʌlʌl mi' chʌmel. Mi an majch yom i coltan mach i coltan ame laj bʌ añobic i mul.

Isaias 27:9

Che'ʌch tsi' pocbeyob loq'uel i mul Jacob. Tsi' jisa pejtelel jini dioste' yic'ot pulʌntib, yic'ot oy tac ba' tsi' ch'ujutesayob q'uin, cha'an ma'anix mi' chʌn cha'leñob jini quisintic jax bʌ. Tsi' yʌc'ʌ ti bic'tiyel jini xajlel am bʌ ti pulʌntib cha'an ma'anic mi' chʌn ch'ujutesañob.

Isaias 5:3

Tsi' yʌlʌ lac Yum: Jini cha'an, winicob ti Jerusalén yic'ot ti Judá, yom mi la' ña'tan majqui an i mul mi joñon o mi jini c ts'usubil.

Daniel 9:7

Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

Numeros 32:23

Pero mi mach che'ic tsa' la' mel, jiñʌch la' mul ti' contra lac Yum. Yom mi la' ña'tan che' jini, jini la' mul wersa mi caj i yʌq'uetla ti wocol.

Mateo 7:2

Come che' mi la' wʌl ti la' pusic'al mi an i mul la' pi'ʌlob, mi caj i yʌlob ti' pusic'al mi an la' mul. Che' bajche' mi la' p'isben winicob, che'ʌch mi caj la' wʌq'uentel ja'el.

Lucas 12:2

Come ma'anic mosol tac bʌ mach bʌ anic mi' caj ti pʌstʌl. Ma'anic mucul tac bʌ mach bʌ anic mi' caj ti ña'tʌntel.

Hechos 2:37

Che' bʌ tsa'ix ujti i yubiñob jini t'an, ch'ijiyem i pusic'al tsa' cʌleyob. Tsi' c'ajtibeyob Pedro yic'ot yambʌ apóstolob: Winicob, c pi'ʌlob, ¿chuqui yom mic cha'len lojon? che'ob.

Deuteronomio 25:1

Che' woliyob ti leto cha'tiquilob, che' mi' majlel i melob i bʌ ba'an jini juez, an ti' wenta jini juez cha'an mi' tsictesan ti toj jini mach bʌ anic i mul. Mi caj i yʌq'uen i toj i mul jini tsa' bʌ i mele mulil.

Josue 7:1

Jini israelob tsi' ñusʌbeyob i t'an Dios. Acán (i yalobil Carmi, i yalobil bʌ Zabdi, i yalobil bʌ Zera tilemo' bʌ ti Judá) tsi' ch'ʌmʌ chuqui tac aq'uebil Dios. Dios tsi' mich'le israelob.

Josue 7:18

Tsi' yʌc'ʌ ti ñumel i p'olbal Zabdi ti jujuntiquil winic. Tsi' taja Acán (i yalobil Carmi, i yalobil bʌ Zabdi, i yalobil bʌ Zera, loq'uemo' bʌ ti Judá).

Juezob 1:7

Adoni Bezec tsi' yʌlʌ: Lujuntiquil i chʌnc'al reyob tsepbil bʌ loq'uel i ña'al i c'ʌb yic'ot i yoc tsi' lotoyob i xejt'il c waj tsa' bʌ yajli tic mesa. Che' bajche' tsac tumbeyob, che'ʌch tsi' yʌq'ueyon c toj Dios, che'en. Tsi' pʌyʌyob majlel ti Jerusalén. Ya'i tsa' chʌmi.