Genesis 43:8 - Chol: I T’an Dios

⁸ Judá tsi' sube Israel: La' c pʌy majlel jini ch'iton quic'ot. Che' jini mic majlel lojon cha'an mi' lajmel lac wi'ñal, ame laj chʌmiconla quic'otet quic'ot calobil lojon.

Chol de Tumbalá Bible

⁸ Judá tsi' sube Israel: La' c pʌy majlel jini ch'iton quic'ot. Che' jini mic majlel lojon cha'an mi' lajmel lac wi'ñal, ame laj chʌmiconla quic'otet quic'ot calobil lojon.

Jiñi Tsiji' bʌ Wen T'añ cha'añ Estudio

⁸ Jiñi cha'añ Judá tsi' su'be Israel i tat: —La' c pʌy lojon majlel jiñi ch'itoñ; che' jiñi mic majlel lojon, cha'añ cuxul mi lac cajñel, ame laj chʌmiconla ti lac pejtelel, jatet yic'ot calobilob lojon.

Genesis 43:8 Iomraidhean Croise

Genesis 42:2

Jacob tsi' subeyob: Awilan, tsa cubi an i bʌl ñʌc'ʌl ya' ti Egipto. Cucula. Mʌñʌla i wut jam ya'i cha'an mi laj colel ti wi'ñal ame chʌmiconla.

Genesis 42:38

Pero Jacob tsi' sube: Ma'anic mi caj i majlel calobil a wic'ot, come tsa'ix chʌmi i yʌscun. Jini jach tsa' cʌle quic'ot. Mi tsi' yubi wocol calobil ti bij ya' ba' samiyetla, che' jini mux c chʌmel cha'an i ch'ijiyemlel c pusic'al, che'en.

Genesis 44:20

Tsac subeyet lojon: “C yum, an c tat lojon, ñoxix bʌ winic yic'ot i yalobil tsa' bʌ i yila pañimil che' ñoxix. Chʌmenix i yʌscun. Juntiquil jach tsa' cʌle i yalobil i ña'. C'ux mi' yubin i tat”, cho'on lojon.

Genesis 44:26

Tsac sube lojon: “Mach mejlic c majlel. Mu' jach c majlel lojon mi an quijts'in lojon quic'ot, come mach mejlic j q'uelben i wut jini winic jinto mi' majlel jini cojix bʌ quijts'in lojon”, cho'on lojon.

Genesis 45:19

Pʌyʌbenla majlel carreta tac la' walobilob yic'ot la' wijñamob. Pʌyʌla tilel la' tat. La'la.

Genesis 50:21

Mach yomix mi la' cha'len bʌq'uen. Joñon mi caj c we'sañetla yic'ot la' walobilob, che'en. Che' jini José tsi' ñuq'uesʌbeyob i pusic'al. Tsi' pejcayob ti uts bʌ t'an.

Genesis 50:8

Tsa' majliyob pejtelel año' bʌ ti' yotot José ja'el, yic'ot i yʌscuñob, yic'ot i yijts'in, yic'ot jini año' bʌ ti' yotot i tat. Cojach tsa' cʌleyob alʌlob yic'ot xmec' alʌlob yic'ot tiñʌme' yic'ot alʌc'ʌl ti' lumal Gosén.

2 Reyob 7:13

Juntiquil x'e'tel i cha'an tsi' sube: Yom mi lac choc majlel xq'uelojelob yic'ot jo'cojt caballo anto bʌ lac cha'an wʌ' ti tejclum. Mi ma'anic mi' tsʌnsʌntelob, che' jini junlajalob che' bajche' joñonla, pero mi tsa' jiliyob junlajalob che' bajche' jini israelob tsa' bʌ chʌmiyob. Jini cha'an la' lac chocob majlel cha'an mi laj q'uel mi isujm, che'en.

2 Reyob 7:4

Muq'uic la cochel ti tejclum, mi lac chʌmel ja'el ti wi'ñal. Conla ba' tempʌbilob jini siriajob. La'ix la cʌc' lac bʌ ti' wenta. Mi ma'anic mi' tsʌnsañonla, cuxul mi la cajñel, pero mi tsi' tsʌnsayonla, la'ix chʌmiconla, che'ob.

Esdras 8:21

Che' ya'to añon lojon ti colem ja' i c'aba' Ahava, tsac subeyob cha'an yom mic cha'len lojon ch'ajb, cha'an mic peq'uesan lojon c bʌ ti' wut Dios. Che' jini tsaj c'ajtibe lojon Dios cha'an mi' toj'esañon lojon majlel ti bij, cha'an mi' cʌntañon lojon quic'ot calobil lojon, quic'ot c chubʌ'an lojon.

Salmos 118:17

Ma'anic mi caj c chʌmel. Mi caj j cuxtiyel. Mi caj c sub i melbal lac Yum.

Exodo 20:12

C'uxbin a tat a ña' cha'an ma' jalijel ti jini lum tsa' bʌ i yʌq'ueyet a Yum Dios.

Numeros 14:31

Tsa' la' lon alʌ mi' cajelob ti ochel la' walobilob ti majtan e'tel ti' tojlel i yumob jini lum, pero joñon mi caj c pʌyob ochel ti jini lum. Mi caj cotsañob ti' yum jini lum ba' tsa' la' ts'a'le.

Deuteronomio 33:6

La' ajnic Rubén ti pejtelel ora, La' p'ojlic i p'olbal.