Genesis 42:6 - Chol: I T’an Dios

⁶ José i yumʌch i lumal Egipto. Tsi' chombeyob trigo pejtel winicob. I yʌscuñob José tsa' c'otiyob. Tsi' pʌcchocoyob i bʌ ti lum ti' tojlel José.

Chol de Tumbalá Bible

⁶ José i yumʌch i lumal Egipto. Tsi' chombeyob trigo pejtel winicob. I yʌscuñob José tsa' c'otiyob. Tsi' pʌcchocoyob i bʌ ti lum ti' tojlel José.

Jiñi Tsiji' bʌ Wen T'añ cha'añ Estudio

⁶ José yumʌlʌch ti' lumal Egipto, jiñʌch tsa' bʌ i chombeyob trigo ti pejtelel pañimil. Che' bʌ tsa' c'otiyob i yʌscuñob José, tsi' c'uchchocoyob i bʌ ti lum ti' tojlel José.

Genesis 42:6 Iomraidhean Croise

Genesis 18:2

Tsa' caji' can q'uel pañimil. Awilan, ix tilelob uxtiquil winicob. Che' bʌ tsi' q'ueleyob, tsa' loq'ui ti pisil bʌ i yotot. Ajñel tsa' majli i tajob. Tsi' pʌcchoco i bʌ ti lum.

Genesis 19:1

Jini cha'tiquil ángelob tsa' tiliyob ti Sodoma che' wolix ti bʌjlel q'uin. Buchul Lot ti' ti' Sodoma. Che' bʌ tsi' q'uele ix tilelob, tsa' majli i tajob. Tsi' pʌcchoco i bʌ.

Genesis 33:3

Ñaxanix tsa' majli Jacob. Wucyajl ñuquiña tsi' mele i bʌ che' bʌ tsi' ñochta Esaú.

Genesis 41:43

Tsa' aq'uenti José carreta, i pi'ʌl bʌ i carreta Faraón cha'an mi' pʌjyel majlel ti xʌmbal. Tsa' majliyob winicob ti' tojel i wut José. Tsi' yʌlʌyob: Ñocchocon la' bʌ, che'ob. Faraón tsi' yʌq'ue José i ye'tel ti pejtelel Egipto.

Genesis 41:54

Tsa' caji jini wucp'ejl jab wi'ñal che' bajche' tsi' yʌlʌ José. Tsi' yubiyob wi'ñal ti pejtelel tejclum ti pañimil. Pero ti pejtelel i lumal Egipto an waj.

Genesis 41:57

Tsa' tiliyob ba'an José winicob ch'oyolo' bʌ ti pejtelel yan tac bʌ tejclum. Tsa' c'otiyob ti Egipto cha'an mi' mʌñob trigo, come wen wocol woli ti ñumel jini wi'ñal ti pejtelel pañimil.

Genesis 44:14

Tsa' tili Judá yic'ot i yermanojob ti' yotot José. Ya'to an José. Tsi' pʌcchocoyob i bʌ ti lum ti' tojlel José.

Genesis 45:26

Tsi' subeyob: Cuxul to José. I yumʌch pejtelel i lumal Egipto, che'ob. Tsa' toj sajti i pusic'al Jacob. Ma'anic tsi' ñopbeyob i t'an.

Genesis 45:8

Jini cha'an mach jateticla tsa' bʌ la chocoyon tilel. Dios tsi' chocoyon tilel. Dios tsi' yotsayon ti' tat Faraón yilal. I yumon pejtelel am bʌ ti' yotot Faraón, i yumon pejtel egiptojob.

Genesis 48:12

José tsi' chucbeyob i c'ʌb i yalobilob. Tsi' ñucchoco i bʌ ya' ti' tojel Israel. Tsi' loc'sayob ti' pix.

Proverbios 11:26

Jini mu' bʌ i bajñel lot i yixim mux i taj i p'ajol ti winicob x'ixicob. Jini mu' bʌ i chon mi caj i taj uts bʌ t'an.

Isaias 60:14

Jini yumʌlob tsa' bʌ i tic'layetla mi caj i tilel i peq'uesañob i bʌ ti la' tojlel. Mi caj i ñoctʌlob ti la' woc pejtel tsa' bʌ i ts'a'leyetla. Mi' caj ti ajlel Jerusalén, “I Tejclum lac Yum” yic'ot “Jini Ñuc bʌ Wits i Cha'an jini Ch'ujul Bʌ ti Israel”.

Hechos 7:10

Dios tsi' loc'sa ti pejtelel i wocol. Tsi' ñijcʌbe i pusic'al Faraón cha'an mi' q'uel José ti uts'at. Dios tsi' yʌq'ue José i ña'tʌbal ti' tojlel jini rey Faraón ya' ti Egipto. Dios tsi' yʌq'ue i ye'tel ti yumʌl ti' tojlel egiptojob yic'ot ti' yotot Faraón ja'el.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, winicob mu' bʌ i cha'leñob lot. Mi' cuyob i bʌ ti israelob anquese mach israelobic. Mux caj c pʌyob tilel cha'an mi' ñocchocoñob i bʌ ti' tojel la' woc. Mi caj i ña'tañob c'ux mi cubiñetla.

1 Samuel 20:41

Che' majlemix jini ch'iton, tsa' loq'ui David ya' ba' mucul ti' pat jini much'ul bʌ xajlel. Tsi' pʌcchoco i bʌ uxyajl ti' tojlel Jonatán. Tsi' ts'ujts'uyob i bʌ. Tsi' cha'leyob uq'uel. Jal tsa' mejli i tic' i bʌ ti uq'uel David.