Genesis 42:13 - Chol: I T’an Dios

¹³ I yʌscuñob tsi' yʌlʌyob: Lajchʌntiquilon lojon. C pi'ʌlon lojon c bʌ. A winicon lojon. Ya'an c tat lojon ya ti' lumal Canaán yic'ot jini cojix bʌ i yalobil. Jini yambʌ mach ya'ix an, che'ob.

Chol de Tumbalá Bible

¹³ I yʌscuñob tsi' yʌlʌyob: Lajchʌntiquilon lojon. C pi'ʌlon lojon c bʌ. A winicon lojon. Ya'an c tat lojon ya ti' lumal Canaán yic'ot jini cojix bʌ i yalobil. Jini yambʌ mach ya'ix an, che'ob.

Jiñi Tsiji' bʌ Wen T'añ cha'añ Estudio

¹³ —Tic pejtelel lojon añon lojon lajchʌntiquil —che' tsi' jac'ʌyob—, juntiquil jach c tat lojon am bʌ ti Canaán. Jiñi cojix bʌ quijts'in lojon ya'añ yic'ot c tat lojon, jiñi yam bʌ mach cujilic lojon baqui tsa' majli.

Genesis 42:13 Iomraidhean Croise

Genesis 37:30

Tsa' majli i taj i pi'ʌlob. Tsi' subeyob: Majlemix jini ch'iton. Ixcu joñon, ¿bajche' mi cujtel? che'en.

Genesis 42:11

Tic pejtel lojon juntiquil jach c tat lojon. Isujm chuqui mic subeñet lojon. Mach xyojch'onic lojon, che'ob.

Genesis 42:12

José tsi' subeyob: Julemetixla cha'an mi la' q'uel jini lum ba' ma'anic cabʌl xcʌnta tejclumob, che'en.

Genesis 42:14

José tsi' subeyob: Jiñʌch tsa' bʌ c subeyetla. Xyojch'etla.

Genesis 42:32

Lajchʌntiquilon lojon. C pi'ʌl lojon c bʌ. I yalobilon lojon c tat. Juntiquil tsa'ix chʌmi. Jini cojix bʌ quijts'in lojon ya'to an yic'ot c tat lojon ya' ti' lumal Canaán”, cho'on tsac sube lojon.

Genesis 42:36

Jacob tsi' subeyob: Meba'on cha'an tsa'ix la' pʌyʌ majlel cha'tiquil calobilob. José ma'anix tsiquil. Ma'anix tsiquil Simeón. Wʌle la' womix la' pʌy majlel Benjamín. Pejtelel jini wocol woli' jisañon, che'en.

Genesis 42:38

Pero Jacob tsi' sube: Ma'anic mi caj i majlel calobil a wic'ot, come tsa'ix chʌmi i yʌscun. Jini jach tsa' cʌle quic'ot. Mi tsi' yubi wocol calobil ti bij ya' ba' samiyetla, che' jini mux c chʌmel cha'an i ch'ijiyemlel c pusic'al, che'en.

Genesis 43:29

José tsi' ts'ita' letsa i wut. Tsi' q'uele Benjamín i yijts'in, lajal bʌ i ña' yic'ot. Tsi' yʌlʌ: ¿Jim ba cojix bʌ la' wijts'in, tsa' bʌ la' subeyon? che'en. Calobil, la' i yʌq'ueñet Dios i yutslel i pusic'al, che'en.

Genesis 43:7

Tsi' jac'ʌyob: Jini winic tsi' wen c'ajtibeyon lojon jaytiquilon lojon quic'ot c pi'ʌlob lojon. Tsi' yʌlʌ: “¿Cuxul to ba a tat? ¿Am ba yambʌ a wijts'in?” che'en. Tsac jac'be lojon i t'an. ¿Tsa' ba mejli c wʌn ña'tan lojon mi mux i subeñon lojon: “Pʌyʌla tilel a wijts'in”? che'ob.

Genesis 44:20

Tsac subeyet lojon: “C yum, an c tat lojon, ñoxix bʌ winic yic'ot i yalobil tsa' bʌ i yila pañimil che' ñoxix. Chʌmenix i yʌscun. Juntiquil jach tsa' cʌle i yalobil i ña'. C'ux mi' yubin i tat”, cho'on lojon.

Genesis 44:28

Juntiquil tsa' loq'ui ba' añon. Tsa cʌlʌ tsʌnsʌbilix cha'an jontol bʌ bʌte'el. Ma'anix tsac chʌn q'uele.

Genesis 45:26

Tsi' subeyob: Cuxul to José. I yumʌch pejtelel i lumal Egipto, che'ob. Tsa' toj sajti i pusic'al Jacob. Ma'anic tsi' ñopbeyob i t'an.

Jeremias 31:15

Lac Yum woli' yʌl: Woliyob ti uq'uel ti Ramá. Raquel woli' yuc'tan i yalobilob. Wen wocol jax mi' yubin. Mach yomic lajmel i ch'ijiyemlel i pusic'al, come tsa'ix chʌmiyob i yalobilob.

Lamentaciones 5:7

Tsi' cha'leyob mulil c tat lojon. Jini cha'an mach chʌn añobix.

Mateo 2:16

Tsa' caji ti cabʌl mich'ajel jini Herodes che' bʌ tsi' ña'ta tsa'ix lotinti cha'an jini winicob año' bʌ cabʌl i ña'tʌbal. Tsi' yʌc'ʌ mandar cha'an mi' tsʌnsʌntelob pejtelel alʌ ch'itoñob maxto bʌ ts'ʌcʌlic cha'p'ejl i jabilel ya' bʌ añob ti Belén yic'ot ti' joytilel. Ña'tʌbilix i cha'an Herodes jayp'ejl i jabilel jini alʌl, come tsa' subenti cha'an jini winicob cabʌl bʌ i ña'tʌbal.

Mateo 2:18

“Tsa' ubinti c'am bʌ t'an ya' ti Ramá, cabʌl uq'uel yic'ot we'ecña bʌ uq'uel. xRaquel woli' chʌn uc'tan i yalobilob. Ma'anic tsi' jac'ʌ i ñʌch'chocontel i pusic'al come tsa' jiliyob i yalobil”. Che' tsi' yʌlʌ jini x'alt'an.