Genesis 41:8 - Chol: I T’an Dios

⁸ Che' ti sʌc'ajel wen ch'ijiyem i pusic'al. Tsi' choco majlel i winicob cha'an mi' pʌyob tilel pejtelel jini xwujtob yic'ot pejtel año' bʌ cabʌl i ña'tʌbal. Faraón tsi' subeyob chuqui tsi' q'uele ti ñajal. Ma'anic majch tsa' mejli i suben i sujmlel.

Chol de Tumbalá Bible

⁸ Che' ti sʌc'ajel wen ch'ijiyem i pusic'al. Tsi' choco majlel i winicob cha'an mi' pʌyob tilel pejtelel jini xwujtob yic'ot pejtel año' bʌ cabʌl i ña'tʌbal. Faraón tsi' subeyob chuqui tsi' q'uele ti ñajal. Ma'anic majch tsa' mejli i suben i sujmlel.

Jiñi Tsiji' bʌ Wen T'añ cha'añ Estudio

⁸ Che' ti sʌc'ajel wen ch'ijiyem i pusic'al, tsi' choco ti pʌyol pejtelel xwujtob año' bʌ ti Egipto yic'ot pejtelel i wiñicob año' bʌ ca'bʌl i ña'tʌbal. Faraón tsi' su'beyob chuqui tsi' q'uele ti' ñajal pero ma'añic majqui tsa' mejli i su'ben isujmlel.

Genesis 41:8 Iomraidhean Croise

Genesis 40:6

José tsa' c'oti ya' ba' añob che' ti sʌc'ajel. Awilan, ch'ijiyemob.

Genesis 40:8

Tsi' jac'ʌyob: Tsac cha'le lojon ñajal. Ma'anic majqui mi mejlel i subeñon lojon i sujmlel, che'ob. José tsi' subeyob: Dios mi mejlel i pʌsbeñonla i sujmlel. Poj subeñon chuqui tsa' la' ñajle, che'en.

Genesis 41:15

Faraón tsi' sube José: Tsac cha'le ñajal. Ma'anic majch mi mejlel i subeñon i sujmlel. Tsa cubi mi mejlel a subeñon i sujmlel c ñajal che' ma' ñich'tan, che'en.

Genesis 41:24

Jini yajyaj bʌ wajtan tsi' jisa tac jini wucts'ijt wen bʌ wajtan. Tsac subeyob jini xwujtob chuqui tsac ñajle. Pero ma'anic majch tsa' mejli i subeñon i sujmlel, che'en.

Genesis 41:7

Jini wucts'ijt pojts' bʌ wajtan tsi' jisa tac jini wucts'ijt t'uñul bʌ wajtan, uts'at bʌ i bʌclel. Tsa' cha' cajni i wut Faraón. Awilan i ñajal jach.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Exodo 7:11

Faraón tsi' pʌyʌ tilel jini año' bʌ i ña'tʌbal yic'ot xwujtob año' bʌ ti Egipto. Lajal tsi' meleyob cha'an ti leco tac bʌ i ña'tʌbal.

Exodo 7:22

Jini xwujtob am bʌ ti Egipto lajal tsi' meleyob ti jini leco tac bʌ i ña'tʌbal. Faraón tsa' chʌn ajni ti' tsʌtslel i pusic'al. Ma'anic tsi' ch'ujbibeyob i t'an. Tsa' ujti che' bajche' tsi' yʌlʌ lac Yum.

Exodo 8:7

Pero lajal tsi' meleyob xwujtob yic'ot mucul bʌ i ña'tʌbal. Tsi' pʌyʌyob tilel xpequejc ti' lumal Egipto.

Exodo 9:11

Jini xwujtob ma'anic tsa' mejli ti wa'tʌlob ti' tojlel Moisés cha'an i tsoy, come cabʌlob i tsoy xwujtob yic'ot pejtel egiptojob.

Isaias 19:3

Mi caj i sʌc sojquelob i pensar pejtel jini egiptojob, come mi caj c jisʌbeñob i ña'tʌbal. Che' jini mi caj i lon majlelob ba'an i dioste' tac yic'ot ba'an jini xwutob, yic'ot ba'an xpejca cruzob yic'ot ba'an payxo bʌ x'alt'añob.

Isaias 29:14

Jini cha'an ña'tanla. Mi caj cʌc' ti sajtel jini winicob x'ixicob cha'p'ejl jax bʌ i pusic'al cha'an mi' tojob i mul. Mi caj cʌc' ti jilel i ña'tʌbal jini wen yujilo' bʌ, che'en lac Yum.

Isaias 8:19

¿Chucoch mi la' lon c'ajtibeñob xwujtob chuqui tac mi caj i yujtel? Mi' cha'leñob t'an che' bajche' te'lemut. Mach tsiquilic i sujmlel. Mach mi la' ñich'tʌbeñob i t'an. Jini cuxulo' bʌ ¿yom ba mi' cha' pejcañob jini chʌmeñobix bʌ? ¿Mejl ba i coltañob? Mach mejlic. ¿Mach ba yomic mi la' c'ajtiben Dios?

Daniel 1:20

Jini rey tsi' cha'le c'ajtiya tac ti' tojlelob. Tsi' q'uele cabʌlob i pusic'al yic'ot i ña'tʌbal lujunyajl i ñumel bajche' xwujtob yic'ot xch'ʌcojelob yic'ot yaño' bʌ año' bʌ i ña'tʌbal ti' yumʌntel.

Daniel 4:18

Jiñʌch tsa' bʌ c ñajle. Jini cha'an, Beltsasar, yomix wʌle ma' tsictesʌbeñon i sujmlel, come ti pejtelob jini año' bʌ i ña'tʌbal tic yumʌntel ma'anic juntiquil mu' bʌ i ch'ʌmben isujm che' bajche' jatet, come an ti a pusic'al i yEspíritu jini Ch'ujul bʌ Dios”. Che' tsi' yʌlʌ jini rey Nabucodonosor.

Daniel 4:19

Ñʌch'ʌl tsa' cʌle Daniel am bʌ i cha'chajplel i c'aba' Beltsasar. Tsa' caji i wen mel i pusic'al. Pero jini rey tsi' sube: Beltsasar, mach a mel a pusic'al. Subeñon i sujmlel c ñajal, che'en. Daniel tsi' jac'be: ¡Mach cha'leyajix c yum! Uts'at muq'uic i yujtel ti' tojlel a contrajob che' bajche' tsa' ñajle.

Daniel 4:6

Jini cha'an tsac choco ti pʌyol pejtelel año' bʌ cabʌl i ña'tʌbal chumulo' bʌ ti Babilonia cha'an mi' tsictesañob i sujmlel c ñajal.

Daniel 4:7

Tsa' tiliyob jini año' bʌ cabʌl i ña'tʌbal, yic'ot xch'ʌcojelob, yic'ot xq'uel ec'ob, yic'ot xtic'layajob. Tsac tsictesʌbeyob c ñajal, pero ma'anic tsa' mejli i subeñoñob i sujmlel.

Daniel 5:11

An juntiquil winic ti a yumʌntel but'ul bʌ ti' yEspíritu jini Ch'ujul bʌ Dios. Che' cuxul to a tat, tsi' q'uele wen cabʌl i ña'tʌbal, wen p'ip' i jol. Lajal i ña'tʌbal che' bajche' jini diosob. Jini cha'an jini rey Nabucodonosor a tatuch tsi' wa'choco ti' yum jini año' bʌ cabʌl i ña'tʌbal, jini yujilo' bʌ i pʌs ñuc tac bʌ i melbal, jini xq'uel ec'ob, jini xch'ʌcojelob yic'ot mu' bʌ i subob chuqui mi caj i yujtel ti pañimil.

Daniel 7:28

Jiñʌch tsa' bʌ j q'uele. Joñon Danielon. Tsa' caji c wen mel c pusic'al. Tsa' sʌc'a c wut cha'an bʌq'uen. Pero ma'anic tsac sube yambʌ.

Daniel 8:27

Joñon Danielon. Tsa' c'uñ'ayon. Cabʌl q'uin c'amon. Che' bʌ tsa' c'oc'ayon, tsa' caji c cha' melben i ye'tel jini rey. Pero tsac wen mele c pusic'al cha'an chuqui tac tsaj q'uele, come ma'anic tsac ch'ʌmbe isujm.

Levitico 19:31

Mach majliquetla ba'an jini payxo x'alt'añob cha'an mi la' c'ajtiben i sujmlel chuqui tac mi' yujtel, come joñoñʌch la' Yumon la' Dioson.

Levitico 20:6

Che' ja'el jini winic mu' bʌ i majlel ba'an payxo x'alt'añob yic'ot ba'an xwujtob cha'an mi' tsajcʌbeñob i melbal, mi caj j contrajin jini winic. Mi caj c choc loq'uel ti' tojlel i pi'ʌlob.

Habacuc 3:16

Tsiltsilñayon ti bʌq'uen che' mi cubin a t'an. C'unix pañimil cha'an bʌq'uen. T'ʌlt'ʌlña ti bʌq'uen c pusic'al. Ñʌch'ʌl mi caj c pijtan jini q'uin che' mi' tajob wocol laj contrajob yomo' bʌ i jisañonla.

Mateo 2:1

Che' bʌ tsi' yila pañimil Jesús ya' ti Belén ti Judea, che' yumʌl jini Herodes, awilan, tsa' tiliyob ti Jerusalén winicob año' bʌ cabʌl i ña'tʌbal, ch'oyolo' bʌ ti' pasibal q'uin.

Hechos 17:18

Ya'an epicúreojob yic'ot estoicojob mu' bʌ i sʌclañob i sujmlel tac pañimil. Tsi' pejcayob i bʌ yic'ot Pablo. Lamital tsi' yʌlʌyob: To'ol t'an jach mi' cha'len, che'ob. Lamital tsi' yʌlʌyob: Woli' sub yambʌ dios yilal, che'ob. Come Pablo tsi' subu Jesús tsa' bʌ cha' ch'ojyi ba'an chʌmeño' bʌ.

Hechos 7:22

Tsa' cʌntesʌnti Moisés ti pejtelel i ña'tʌbal egiptojob. Wen ch'ejl ti t'an yic'ot ti e'tel.

1 Corintios 1:19

Come ts'ijbubil: “Mi caj c jisʌbeñob i ña'tʌbal jini cabʌl bʌ i ña'tʌbal. Mi caj c socbeñob i pusic'al jini año' bʌ cabʌl i pusic'al”, che'en Dios.

1 Samuel 6:2

Tsi' pʌyʌyob tilel motomajob yic'ot xwujtob. Tsi' c'ajtibeyob: ¿Chuqui mi mejlel lac tumben jini Arca i cha'an i Yum israelob? Subeñon lojon bajche' yom mic mel lojon cha'an mic cha' ac' lojon ya' ba'an ti ñaxan, che'ob.