Genesis 40:5 - Chol: I T’an Dios

⁵ Jump'ejl ac'ʌlel jini ñup'ulo' bʌ ti mʌjquibʌl tsi' cha'leyob ñajal ti cha'ticlelob, jini xñusa waj yic'ot xmel caxlan waj i cha'añob jini rey ti Egipto. Mach lajalic i ñajal. Mach lajalic i sujmlel.

Chol de Tumbalá Bible

⁵ Jump'ejl ac'ʌlel jini ñup'ulo' bʌ ti mʌjquibʌl tsi' cha'leyob ñajal ti cha'ticlelob, jini xñusa waj yic'ot xmel caxlan waj i cha'añob jini rey ti Egipto. Mach lajalic i ñajal. Mach lajalic i sujmlel.

Jiñi Tsiji' bʌ Wen T'añ cha'añ Estudio

⁵ Ti jump'ejl bʌ ac'ʌlel jiñi cha'tiquil ñup'ulo' bʌ ti mʌjquibʌl, jiñi xñusa vino yic'ot jiñi xmel pan i cha'añ jiñi rey ti Egipto, tsi' cha'leyob ñajal ti jujuntiquil ti jiñi jach bʌ ac'ʌlel, mach lajalic jiñi ñajal tsa' bʌ i cha'leyob, mach lajalic isujmlel ja'el.

Genesis 40:5 Iomraidhean Croise

Genesis 20:3

Pero Dios tsi' sube Abimelec ti ñajal che' ti ac'ʌlel: Awilan, mi caj a chʌmel cha'an jini x'ixic tsa' bʌ a pʌyʌ, come i yijñamʌch winic.

Genesis 40:1

Che' ñumenix cha'p'ejl uxp'ejl jab, tsi' tajayob i mul cha'tiquil i winicob jini rey ti Egipto. Jiñobʌch xñusa waj yic'ot xmel caxlan waj año' bʌ i ye'tel ti' tojlel jini rey ti Egipto.

Genesis 40:4

I capitán xcʌntayajob tsi' yotsayob ti' wenta José. José tsi' cʌntayob. Tsa' ajniyob ya' ti mʌjquibʌl.

Genesis 40:6

José tsa' c'oti ya' ba' añob che' ti sʌc'ajel. Awilan, ch'ijiyemob.

Genesis 40:8

Tsi' jac'ʌyob: Tsac cha'le lojon ñajal. Ma'anic majqui mi mejlel i subeñon lojon i sujmlel, che'ob. José tsi' subeyob: Dios mi mejlel i pʌsbeñonla i sujmlel. Poj subeñon chuqui tsa' la' ñajle, che'en.

Genesis 41:11

Tsac cha'le lojon ñajal tic cha'ticlel lojon. An i sujmlel tac ti chajp ti chajp.

Ester 6:1

Ti jini jach bʌ ac'ʌlel ma'anic tsa' mejli ti wʌyel jini rey. Tsi' yʌc'ʌ mandar cha'an mi' ch'ʌmbeñob tilel jini jun ba' otsʌbil chuqui tac ñuc tsi' meleyob winicob. I c'aba' jini jun i yistoriajlel reyob. C'am tsa' caji' pejcañob jini jun ti' tojlel rey.

Daniel 4:19

Ñʌch'ʌl tsa' cʌle Daniel am bʌ i cha'chajplel i c'aba' Beltsasar. Tsa' caji i wen mel i pusic'al. Pero jini rey tsi' sube: Beltsasar, mach a mel a pusic'al. Subeñon i sujmlel c ñajal, che'en. Daniel tsi' jac'be: ¡Mach cha'leyajix c yum! Uts'at muq'uic i yujtel ti' tojlel a contrajob che' bajche' tsa' ñajle.

Daniel 4:9

Tsac sube: “Beltsasar ñuc bʌ yumʌlet ti' tojlel jini cabʌl bʌ i ña'tʌbal. Awujil chuqui mi caj i yujtel ti wi'il bʌ q'uin. Cujil cʌntesʌbilet cha'an i Ch'ujlel jini Ch'ujul bʌ Dios. Ma' cʌmben i sujmlel jini mucul tac bʌ. Ñich'tan chuqui tsaj q'uele tic ñajal. Tsictesʌbeñon i sujmlel.

Numeros 12:6

Lac Yum tsi' subeyob: Ñich'tanla ili c t'an. Mi añʌch la' cha'an x'alt'an mi caj c pejcan ti ñajal. Mi caj c suben c t'an che' an ti' wʌyib.