Genesis 4:8 - Chol: I T’an Dios

⁸ Caín tsi' pejca i yijts'in. Conla ti jamil, che'en. Che' ya' añob ti jamil Caín tsa' tejchi i contrajin i yijts'in. Tsi' tsʌnsa.

Chol de Tumbalá Bible

⁸ Caín tsi' pejca i yijts'in. Conla ti jamil, che'en. Che' ya' añob ti jamil Caín tsa' tejchi i contrajin i yijts'in. Tsi' tsʌnsa.

Jiñi Tsiji' bʌ Wen T'añ cha'añ Estudio

⁸ Caín tsi' su'be i yijts'in Abel: [Conla ti jamil]. Che' ya' añob ti jamil, Caín tsi' jats'ʌ i yijts'in Abel, tsi' tsʌnsa.

Genesis 4:8 Iomraidhean Croise

Genesis 4:25

Adán tsi' cha' cʌñʌ Eva i yijñam. Tsa' cha' caji i cʌntan i yalobil. Tsi' yʌc'ʌ ti pañimil ch'iton bʌ i yalobil. Tsi' yotsʌbe i c'aba' Set. Tsi' yʌlʌ: Dios tsi' yʌq'ueyon yambʌ calobil cha'an i q'uexol Abel, che'en, come Caín tsi' tsʌnsa Abel.

2 Samuel 3:27

Che bʌ tsa' cha' c'oti Abner ya' ti Hebrón, Joab tsi' mucu pʌyʌ Abner cha'an mi' bajñel pejcan ba'an colem tranca. Ya'i tsi' q'uextʌbe i mul cha'an tsi' tsʌnsʌbe i yeran, Asael. Tsi' sʌl jeq'ue ti' yojlil i ch'il'at. Che' jini tsa' chʌmi Abner.

Nehemias 6:2

Che' jini Sanbalat yic'ot Gesem tsi' chocbeyon tilel winicob tsa' bʌ i subeyoñob: La' quic'ot lojon. La' lac tempan lac bʌ ti tejclum ya' ti joctʌl i c'aba' Ono, che'ob. Tsi' lon ña'tayob i contrajiñon.

Job 11:15

che'ic jini mi caj a letsan a wut ti' tojlel ti' ñuclel a pusic'al. Mux i lajmel pejtel a quisin yic'ot bʌq'uen.

Salmos 139:19

Muq'uic a tsʌñsan jini jontolo' bʌ, Mux i puts'elob tic tojlel jini yujilo' bʌ tsʌnsa.

Salmos 36:3

Jontol i t'an, lot jach mi' cha'len. Tsa'ix i cʌyʌ wen bʌ i ña'tʌbal. Tsi' cʌyʌ i mel chuqui uts'at.

Salmos 55:21

Tsi' pejcayon ti uts'at, Pero an guerra ti' pusic'al. Ñumen bojy i t'an yilal bajche' aceite. Wen jay i yej yilal bajche' espada.

Oseas 4:2

La' wujil p'ajoñel, yic'ot lot, yic'ot tsʌnsa, yic'ot xujch', yic'ot la' ts'i'lel, yic'ot leto. Cabʌl mi la' cha'len tsʌnsa.

Miqueas 7:6

Come jini alob mi caj i ts'a'len i tat, jini xch'oc mi caj i yʌ'len i ña'. Jini c'ajtibil bʌ xch'oc mi caj i p'aj i yʌ'lib. Ya' jach ti' tojlel i pi'ʌlob mi caj i taj i contrajintel i yum otot.

Numeros 35:20

Mi cha'an jach i mich'lel tsi' julu ti xajlel, mi tsi' chijta, mi tsi' jats'ʌ, mi tsa' chʌmi jini winic, wersa yom mi' chʌmel jini stsʌnsa.

Mateo 23:35

Jini cha'an mi caj la' tojbeñob i mul jini tsa' bʌ i tsʌnsayob jini x'alt'añob c'ʌlʌl che' bʌ tsa' tsʌnsʌnti Abel, jini toj bʌ i pusic'al, c'ʌlʌl tsa' tsʌnsʌnti Zacarías (i yalobil Berequías). Zacarías tsa' tsʌnsʌnti ti' tojel pulʌntib ya' ti' t'ejl Templo. Isujm mic subeñetla, pejtel i mul mi caj i yotsʌbentelob ti' wenta jini winicob x'ixicob año' bʌ ti pañimil wʌle. Mi caj i tojob pejtel ili mulil.

Lucas 22:48

Jesús tsi' sube: Judas, ¿mu' ba a wʌc' i Yalobil Winic yic'ot ts'ujts'uya? che'en.

Hebreos 11:4

Cha'an tsi' ñopo Dios, Abel tsi' yʌq'ue ñumen wen bʌ i majtan bajche' Caín. Jini cha'an Dios tsi' q'uele ti toj. Tsi' subu uts'at i majtan tsa' bʌ i yʌc'ʌ Abel. Anquese tsa' chʌmi Abel woli to i cʌntesañonla cha'an tsi' ñopo Dios.

Hebreos 12:24

Tsa'ix c'otiyetla ba'an Jesús, jini tsa' bʌ i yʌq'ueyonla jini tsijib xuc'ul bʌ t'an ba' tsijcʌbil i ch'ich'el cha'an mi' ñusʌntel lac mul. Ñumen uts'at i ch'ich'el come ma'anic mi' c'ajtin i q'uexol che' bajche' i ch'ich'el Abel.

Judas 1:11

Mi caj i tajob wocol cha'an tsi' cha'leyob tsʌnsa che' bajche' Caín. Tsi' junyajlel ac'ʌyob i bʌ ti' sajtemal Balaam cha'an yomob ganar. Tsa' jiliyob che' bajche' Coré cha'an tsi' contrajiyob Dios.