Genesis 4:7 - Chol: I T’an Dios

⁷ Mi uts'at chuqui ma' mel uts'at mi caj a q'uejlel. Mi mach uts'atic chuqui ma' mel woli' chijtañet mulil. Wersa yom i tajet mulil pero yom mi' mʌjlel a cha'an. Che' tsi' yʌlʌ lac Yum.

Chol de Tumbalá Bible

⁷ Mi uts'at chuqui ma' mel uts'at mi caj a q'uejlel. Mi mach uts'atic chuqui ma' mel woli' chijtañet mulil. Wersa yom i tajet mulil pero yom mi' mʌjlel a cha'an. Che' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

⁷ Mi uts'at chuqui ma' mel, ¿mach ba uts'atic mi caj a q'uejlel? Pero mi mach uts'atic chuqui ma' mel, jiñi mulil lʌc'ʌl añ ti a tojlel, woli' chijtañet. Wersa yom i tajet mulil pero yom mi' mʌjlel a cha'añ.

Genesis 4:7 Iomraidhean Croise

Genesis 19:21

Jini winic tsi' sube Lot: Awilan, mic jac'beñet jini tsa' bʌ a c'ajtibeyon ja'el. Ma'anic mi caj c jisan ili tejclum tsa' bʌ a c'ajti.

Genesis 3:16

Dios tsi' sube jini x'ixic: Mi caj c wen p'ojlesan a wocol che' cʌntʌbil a walobil. Mi caj a cha'len bajq'uel che' mi' yilan pañimil a walobil. Yom ma' wajñel yic'ot a ñoxi'al. Jini mi caj i subeñet chuqui yom ma' mel.

2 Samuel 24:23

Muq'uix cʌq'ueñet pejtelel iliyi. La' i q'uel jini majtañʌl ti uts'at lac Yum Dios, che'en.

2 Reyob 8:28

Ocozías tsi' laja i t'an yic'ot Joram jini rey ti Israel cha'an comol mi' majlelob ti guerra ti' contra Hazael rey bʌ ti Siria. Tsi' cha'leyob guerra ya' ti Ramot am bʌ ti Galaad. Jini siriajob tsi' lowoyob Joram.

Job 11:14

muq'uic a cʌy pejtel a mul cha'an mach chʌn anix jontolil ti a wotot,

Job 11:15

che'ic jini mi caj a letsan a wut ti' tojlel ti' ñuclel a pusic'al. Mux i lajmel pejtel a quisin yic'ot bʌq'uen.

Job 29:4

Wen ch'ejlon che' jini. Tsa' jal'a Dios ti cotot. Tsi' pʌsbeyon i c'uxbiya.

Job 42:8

Cucuxla ba'an c winic Job. Ch'ʌmbenla majlel wuccojt ch'iton bʌ i yal wacax yic'ot wuccojt tat tiñʌme'. Aq'ueñon ti pulʌntib cha'an la' mul. C winic Job mi caj i tajetla ti oración. Muc'ʌch c pʌsben i yutslel c pusic'al. Che' jini mi caj c ñusan la' mul, come uts'at tsi' tajayon ti t'an c winic Job, pero mach uts'atic tsa' la' tajayon ti t'an, che'en.

Proverbios 18:5

Mach yomic mi la cʌc' ti colel jini am bʌ i mul anquese uts'at i pusic'al yilal. Mach yomic mi lac tic'lan jini toj bʌ che' mi' mel i bʌ.

Proverbios 21:27

Ts'a' mi' q'uel lac Yum i majtan mu' bʌ i yʌq'uen sajtemo' bʌ. Jini woli bʌ ti jontolil mi' lon ña'tan i yuts'esʌben i pusic'al lac Yum yic'ot i majtan.

Jeremias 3:12

Cucu ti' tojel norte ba'an Israel. Suben ili t'an: “Tsa' cʌyʌyon, Israel, pero sujtenix, che'en lac Yum. Mach mich'onic, come wen cujil p'untaya. Lac Yum tsi' yʌlʌ: Mach ti pejtelelic ora mi caj c mich'leñet.

Jeremias 6:20

Lolom jach mi la' ch'ʌmbeñon tilel pom ch'oyol bʌ ti Seba yic'ot canela ch'oyol bʌ ti ñajtʌl. Mach uts'atic mij q'uel c majtan ti la' c'ʌb. Lolom jach mi la' wʌq'ueñon c majtan ti pulʌntib. Mach xojocñayic mi cubin, che'en.

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Malaquias 1:10

Uts'at anic juntiquil mu' bʌ i ñup'ben i ti' Templo cha'an ma'anix mi la' chʌn tsuc' jini c'ajc ti pulʌntib. Ma'anic mij q'ueletla ti uts'at, che'en i Yum Panchan yic'ot Pañimil. Ma'anic mic ch'ʌm tic wenta jini majtañʌl mu' bʌ la' wʌq'ueñon.

Malaquias 1:13

Mi la' ts'a'leñon. Wocol jax mi la' wubin che' mi la' wʌq'ueñon c majtan. ¡Ña'tanla! che' mi la' ch'ʌmbeñon tilel xpots' bʌ alʌc'ʌl yic'ot mach bʌ wenic i yoc yic'ot c'am bʌ, ¿yom ba mic ch'ʌm tic wenta?

Malaquias 1:8

Tsa' la' lon ña'ta uts'at mi la' wʌq'uen la' Yum jini xpots' bʌ alʌc'ʌl, yic'ot mach bʌ wenic i yoc, yic'ot c'am bʌ. Mi la' lon al: “Mach mulilic ti' wut Dios”, che'etla. Mi tsa' wʌq'ue i majtan ñuc bʌ yumʌl che' bajche' iliyi, ¿mu' ba caj i mulan? che'en i Yum Panchan yic'ot Pañimil.

Numeros 32:23

Pero mi mach che'ic tsa' la' mel, jiñʌch la' mul ti' contra lac Yum. Yom mi la' ña'tan che' jini, jini la' mul wersa mi caj i yʌq'uetla ti wocol.

Hechos 10:35

Ti pejtelel lum Dios mi' q'uel ti uts'at jini mu' bʌ i bʌc'ñañob, mu' bʌ i cha'leñob chuqui toj.

Romanos 12:1

Jini cha'an hermanojob, a wocolic mic subeñetla cha'an tsi' p'untayetla Dios, aq'uenla Dios la' bʌc'tal che' bajche' tsʌnsʌbil bʌ i majtan Dios anquese cuxulet to la. Jiñʌch ch'ujul bʌ i majtan Dios, uts'at bʌ mi' q'uel. Jiñʌch i ch'ujutesʌntel Dios ti isujm.

Romanos 14:18

Jini mu' bʌ i taj i c'ʌjñibal ti Espíritu cha'an mi' melben i ye'tel Cristo, mi' q'uejlel ti uts'at ti' wut Dios yic'ot ti' wut winicob.

Romanos 15:16

yic'ot i yutslel i pusic'al cha'an mic sub Cristo Jesús ti' tojlel gentilob. Mic subeñob i wen t'an Dios cha'an mi cʌq'uen Dios jini gentilob cha'an i majtan. Jiñʌch yom bʌ i ch'ʌm Dios, jini sʌq'uesʌbilo' bʌ ti Ch'ujul bʌ Espíritu.

Romanos 6:12

Jini cha'an mach mi la' yuman mulil ti la' bʌc'tal yujil bʌ chʌmel, ame la' jac'ben i colosojlel la' pusic'al.

Romanos 6:16

¿Mach ba la' wujilic? Che' mi la' wotsan la' bʌ ti' ye'tel ti' tojlel yambʌ winic, i winiquetla che' woli la' jac'ben. Jini mu' bʌ i jac' mulil mi' chʌmel. Jini mu' bʌ i jac' Dios mi' taj toj bʌ i pusic'al.

Efesios 1:6

La' lac sub i ñuclel Dios cha'an i yutslel i pusic'al tsa' bʌ i yʌq'ueyonla ti lac majtan ti' tojlel c'uxbibil bʌ i Yalobil.

1 Timoteo 5:4

Pero mi an juntiquil meba' x'ixic am bʌ i yalobil mi i buts, la' i ña'tañob i wentajʌch cha'an mi' cʌntañob i ña'. La' i q'uextʌbeñob i wenlel jini tsa' bʌ i cosayob. Come che'ʌch yom Dios. Uts'at mi' q'uel.

Hebreos 11:4

Cha'an tsi' ñopo Dios, Abel tsi' yʌq'ue ñumen wen bʌ i majtan bajche' Caín. Jini cha'an Dios tsi' q'uele ti toj. Tsi' subu uts'at i majtan tsa' bʌ i yʌc'ʌ Abel. Anquese tsa' chʌmi Abel woli to i cʌntesañonla cha'an tsi' ñopo Dios.

Santiago 1:15

I colosojlel i pusic'al mi' colel ti' pusic'al. Mi' ñijcan ti mulil. Che' tsa'ix p'ojli mulil mi' yʌc' ti chʌmel.

1 Pedro 2:5

Jatetla ja'el lajaletla bajche' cuxul bʌ xajlel. Woli la' wa'chocontel ti' yotot Dios. Yom ch'ujul bʌ motomajetla i cha'an Jesucristo cha'an mi la' wʌq'uen ch'ujul bʌ i majtan Dios mu' bʌ i mulan.