Genesis 4:10 - Chol: I T’an Dios

¹⁰ Lac Yum tsi' yʌlʌ: ¿Chuqui tsa' cha'le? I ch'ich'el a wijts'in tsa' bʌ a tsʌnsa woli' c'ajtibeñon yubil cha'an mij q'uextʌbeñet a mul.

Chol de Tumbalá Bible

¹⁰ Lac Yum tsi' yʌlʌ: ¿Chuqui tsa' cha'le? I ch'ich'el a wijts'in tsa' bʌ a tsʌnsa woli' c'ajtibeñon yubil cha'an mij q'uextʌbeñet a mul.

Jiñi Tsiji' bʌ Wen T'añ cha'añ Estudio

¹⁰ Lac Yum tsi' su'be: —¿Chuqui tsa' mele? I ch'ich'el a wijts'in tsa' bʌ a tsʌnsa woli' c'ajtibeñon yu'bil cha'añ mi cʌq'ueñet a toj a mul.

Genesis 4:10 Iomraidhean Croise

Genesis 18:20

Lac Yum tsi' sube: Junyajlel sojquem jini año' bʌ ti Sodoma yic'ot Gomorra. Cabʌlob i mul.

Genesis 3:13

Lac Yum Dios tsi' sube jini x'ixic: ¿Chuqui tsa' cha'le? che'en. Jini x'ixic tsi' yʌlʌ: Jini lucum tsi' lotiyon. Tsaj c'uxu, che'en.

Genesis 9:5

Mi caj j q'uextʌben i jontolil jini mu' bʌ i cha'len tsʌnsa mi bʌte'el o mi winic. Joñon mi caj j q'uextʌben i mul.

2 Reyob 9:26

“Wʌ' ti' lum Nabot mi caj j q'uextʌbeñet a mul Acab, cha'an tsa' tsʌnsa Nabot yic'ot i yalobilob”, che'en lac Yum. Jini cha'an wʌle chocben i bʌc'tal Joram ya' ti' lum Nabot che' bajche' tsi' yʌlʌ lac Yum, che'en Jehú.

2 Cronicas 28:9

Pero ya' ti Samaria an juntiquil x'alt'an i cha'an lac Yum i c'aba' Obed, tsa' bʌ majli i taj jini soldadojob che' woli' sujtelob ti Samaria. Tsi' subeyob: Awilan, lac Yum, i Dios la' ñojte'elob, tsi' mich'leyob jini año' bʌ ti Judá, come tsi' ñusʌbeyob i t'an. Jini cha'an tsi' yʌc'ʌyob ti la' c'ʌb, pero ma'anic tsa' la' p'untayob. Cʌlʌx jax tsa' la' tsʌnsayob ti la' mich'lel. Jini cha'an tal i mich'lel jini am bʌ ti panchan ti la' tojlel.

Job 16:18

Ubi lum, mach ma' muc c ch'ich'el. La' i cha'len t'an jini lum cha'an tojon.

Job 24:12

Ya' ti colem tejclum woliyob ti ajcʌn lajal bajche' woli' cajelob ti chʌmel. Jini lojwemo' bʌ mi' c'ajtiñob i coltʌntel ti wocol t'an, pero Dios ma'anic mi' coltañob.

Salmos 50:21

Tsa'ix a mele iliyi. Tsa' ña'ta lajalon bajche'et come ma'anic chuqui tsa cʌlʌ. Mi caj c tiq'uet. Mi caj c tsictesan a mul.

Salmos 72:14

Mi caj i mʌn jini tic'lʌbilo' bʌ yic'ot jini chuculo' bʌ ti jontolil cha'an mi' yʌc'ob ti colel. Mi caj i wen cʌntañob ame lon bejq'uic i ch'ich'el.

Salmos 9:12

Come Dios mi' q'uextan tsʌnsa. Mi' ña'tʌben i ch'ich'el jini tsʌnsʌbilo' bʌ. Ma'anic mi' ñajʌyel ti' pusic'al Dios i yuq'uel jini tic'lʌbilo' bʌ.

Salmos 9:13

C Yum, pʌsbeñon i yutslel a pusic'al, Q'uele bajche' woli cubin wocol cha'an woli' ts'a'leñoñob. Jatet ma' coltañon che' colelix c chʌmel

Exodo 3:7

Lac Yum tsi' yʌlʌ: Tsa'ix j q'uelbe i wocol c winicob x'ixicob ti Egipto. Tsa'ix cubibe i yoñel cha'an jini xic' e'telob. Cʌmbil c cha'an i wocol.

Isaias 5:7

Jini i ts'usubil i Yum Panchan yic'ot Pañimil, jiñʌch Israel yic'ot Judá. Jiñʌch i pʌc'ʌb c'uxbibil i cha'an. Lac Yum tsi' lon pijta cha'an mi' wen jac'beñob i mandar, pero laj stsʌnsajob. Tsi' lon pijta chuqui tac uts'at. Tsa' jach i yubibeyob i yuq'uel jini tic'lʌbilo' bʌ.

Numeros 35:33

Mach yomic mi la' puch' jini lum ya' ba' mi la' cha'len chumtʌl, come jini stsʌnsa mi' puch' jini lum. Mach mejlic i toj i mul jini stsʌnsa. Jini jach mi' toj i mul che' mi' tsʌnsʌntel jini mu' bʌ i cha'len tsʌnsa.

Hechos 5:3

Pedro tsi' sube Ananías: ¿Chucoch but'ul a pusic'al ti Satanás? Tsa' loti jini Ch'ujul bʌ Espíritu che' bʌ tsa' loto lamital i tojol a lum.

Hechos 5:9

Pedro tsi' sube: ¿Bajche' tsa' la' teme la' t'an cha'an mi la' wilʌben i pusic'al i yEspíritu lac Yum? Awilan, jini tsa' bʌ i mucuyob a ñoxi'al añob ti' ti' otot. Mi caj i ch'ʌmetob loq'uel ja'el, che'en.

Deuteronomio 21:1

Che' ya' chumuletla ti lum mu' bʌ i yʌq'ueñetla lac Yum Dios, mi tsa' tajle juntiquil xchʌmel ya' ti jamil ti' ojlil bij ti' tojel cha'p'ejl tejclum, mi mach tsiquilic majqui tsi' tsʌnsa,

Hebreos 11:4

Cha'an tsi' ñopo Dios, Abel tsi' yʌq'ue ñumen wen bʌ i majtan bajche' Caín. Jini cha'an Dios tsi' q'uele ti toj. Tsi' subu uts'at i majtan tsa' bʌ i yʌc'ʌ Abel. Anquese tsa' chʌmi Abel woli to i cʌntesañonla cha'an tsi' ñopo Dios.

Hebreos 12:24

Tsa'ix c'otiyetla ba'an Jesús, jini tsa' bʌ i yʌq'ueyonla jini tsijib xuc'ul bʌ t'an ba' tsijcʌbil i ch'ich'el cha'an mi' ñusʌntel lac mul. Ñumen uts'at i ch'ich'el come ma'anic mi' c'ajtin i q'uexol che' bajche' i ch'ich'el Abel.

Santiago 5:4

La' wilan c'am woli ti t'an jini taq'uin, come ma'anic tsa' la' tojo x'e'telob la' cha'an tsa' bʌ i tsepbeyetla la' jamil. Tsa' c'oti i t'an la' waj tsep jamob ti' chiquin lac Yum, jiñʌch i Yum panchan yic'ot pañimil.

Josue 7:19

Che' jini Josué tsi' sube Acán: Calobil, suben i ñuclel lac Yum i Dios Israel. An a mul. Subeñon chuqui tsa' mele. Mach ma' muque'. Che' tsi' yʌlʌ Josué.

1 Samuel 13:11

Pero Samuel tsi' c'ajtibe: ¿Chuqui tsa' cha'le? che'en. Saúl tsi' jac'ʌ: Tsaj q'uele wolix i laj sujtelob c winicob, cha'an ma'anic tsa' juliyet che' bajche' tsa' wʌlʌ. Awilan ya'ix tempʌbilob ti Micmas jini filisteojob.