Genesis 39:9 - Chol: I T’an Dios

⁹ Ma'anic yambʌ ñuc bʌ ti' wenta c yum. Ma'anic chuqui tsi' loto ti' bajñel p'ʌtʌlel, cojach jatet, come i yijñamet. ¿Bajche' mi mejlel c cha'len jini ñuc bʌ mulil? ¿Bajche' mi mejlel c cha'len mulil ti' contra Dios? che'en.

Chol de Tumbalá Bible

⁹ Ma'anic yambʌ ñuc bʌ ti' wenta c yum. Ma'anic chuqui tsi' loto ti' bajñel p'ʌtʌlel, cojach jatet, come i yijñamet. ¿Bajche' mi mejlel c cha'len jini ñuc bʌ mulil? ¿Bajche' mi mejlel c cha'len mulil ti' contra Dios? che'en.

Jiñi Tsiji' bʌ Wen T'añ cha'añ Estudio

⁹ Ma'añic yam bʌ ñuc bʌ ti ili otot, cojach joñon; ma'añic chuqui tsi' mʌctʌbeyon c yum, cojach jatet come i yijñamet. ¿Bajche' mi' mejlel c cha'len ñuc bʌ jontolil yic'ot mulil ti' contra Dios?

Genesis 39:9 Iomraidhean Croise

Genesis 13:13

Wen jontolob winicob ti Sodoma. An cabʌl i mul ti' wut lac Yum.

Genesis 20:3

Pero Dios tsi' sube Abimelec ti ñajal che' ti ac'ʌlel: Awilan, mi caj a chʌmel cha'an jini x'ixic tsa' bʌ a pʌyʌ, come i yijñamʌch winic.

Genesis 20:6

Dios tsi' sube Abimelec ti ñajal: Isujm, cujil uts'at a pusic'al che' bʌ tsa' pʌyʌ. Joñon ja'el tsac mʌctayet ame ma' cha'len mulil tij contra. Jini cha'an tsac tiq'uiyet ame a ñochtan jini x'ixic.

Genesis 20:9

Abimelec tsi' pʌyʌ tilel Abraham. Tsi' sube: ¿Chucoch tsa' lotiyon? Ma'anic chuqui tsac tumbeyet. ¿Chucoch ma' lon aq'ueñon lojon c taj ñuc bʌ c mul joñon quic'ot jini año' bʌ tic lumal? Mach wenic bajche' tsa' melbeyon. ¿Mach ba anic a pusic'al? ¿Chucoch che'ʌch tsa' mele bajche' iliyi? che'en Abimelec.

Genesis 24:2

An i winic Abraham, jiñʌch ascuñʌl bʌ ti' yotot. Tsa' aq'uenti ti' wenta pejtelel i chubʌ'an Abraham. Abraham tsi' sube ili winic: Mux caj a wersa ac' a t'an ti' c'aba' lac Yum, i Diosʌch Panchan yic'ot Pañimil, cha'an ma'anic mi caj a yajcʌben i yijñam calobil ti' tojlel xch'oc bʌ i yalobilob cananeojob wʌ' ba' chumulon.

Genesis 39:10

Ti jujump'ejl q'uin tsi' pejca José cha'an mi' ñoltʌl yic'ot, pero ma'anic tsi' jac'ʌ i pʌyol cha'an mi' yajñel yic'ot.

Genesis 41:40

Mi caj a yumʌntel ti cotot. Mux i melob che' bajche' ma' wʌl pejtelel winicob x'ixicob tic lumal. Cojach tic buchlib ba' mic cha'len que'tel ñumen ñucon bajche jatet.

Genesis 42:18

Che' ti yuxp'ejlel q'uin José tsi' subeyob: Melela che' bajche' mic subeñetla cha'an mi la' coltan la' bʌ, come mic bʌc'ñan Dios.

2 Samuel 11:27

Che' bʌ ujtemix i yorajlel uc'taya, David tsi' choco ti pʌyol cha'an mi' tilel ti' yotot. Tsa' ochi ti' yijñam. Tsi' yʌq'ue David i yalobil, pero lac Yum tsi' q'uele mach uts'atic chuqui tsi' mele David.

2 Samuel 12:13

David tsi' sube: Tsa'ix c cha'le mulil ti' contra lac Yum, che'en. Natán tsi' sube: Lac Yum tsa'ix i ñusʌbeyet a mul. Ma'anic ma' cajel ti chʌmel.

Nehemias 5:15

Jini ñaxan bʌ gobernadorob tsa' bʌ i cha'leyob i yumʌntel che' maxto tilemonic tsi' yʌq'ueyob al bʌ i cuch. Tsi' ch'ʌmʌyob waj yic'ot vino yic'ot cha'c'al sʌsʌc bʌ taq'uin ti' c'ʌb jujuntiquil winic i wenta tojoñel. Ma'anic tsi' tojoyob i bʌl i ñʌc'. I winicob ja'el tsi' cha'leyob i yumʌntel ti' tojlel xtejclumob. Mach che'ic tsac mele joñon cha'an wolic bʌc'ñan Dios.

Nehemias 6:11

Tsac sube: ¿Yom ba mic puts'el che' ñuc que'tel? Mach yomic. Mach mejlic ti ochel jini mach bʌ motomajic, come tic'bil. Anquese yomob i tsʌnsañon, ma'anic mi caj cochel, cho'on.

Job 31:23

Pero tsac bʌc'ña Dios mu' bʌ caj i melon. Wen ñuc i yumʌntel. Jini cha'an ma'anic tsac mele jini jontolil.

Salmos 51:4

Tsaj contrajiyet che' bʌ tsac cha'le jontolil ti a wut. Che' jini tsa cʌc'ʌ ti tsictiyel tojʌch a t'an, Sʌcʌch a meloñel.

Exodo 20:14

Mach a cha'len ts'i'lel.

Proverbios 6:29

Che' ja'el mux i toj i mul majqui jach mi' pi'len i yijñam yambʌ.

Proverbios 6:32

Tonto jini winic mu' bʌ i taj i yixic. Mi' yʌc' i bʌ ti jilel cha'an i ts'i'lel.

Eclesiastes 7:26

An x'ixic yujil bʌ lotiya mu' bʌ i pʌy winicob yic'ot i ts'i'lel. Ñumen uts'at muq'uic i chʌmelob jini winicob. Wen ch'aj tsa cubibe i p'ʌtʌlel. I wentajʌch yac jini x'ixic cha'an mi' chuc winicob. Cadena tac i c'ʌb yilal cha'an mi' ñup'ob. Jini winic mu' bʌ i mel chuqui yom Dios mi caj i coltʌntel ame chujquic ti' jontolil, pero muq'uix i yochelob xmulilob ti' p'ʌtʌlel.

Jeremias 28:16

Jini cha'an lac Yum woli' yʌl: “Awila to, mi caj c jisañet. Ti jini jach bʌ jab mi caj a chʌmel come tsa' cʌntesa c winicob cha'an mi' cʌyoñob”. Che' woli' yʌl lac Yum, che'en Jeremías.

Jeremias 50:7

I contrajob tsi' tajayob. C'unte' c'unte' tsi' jisayob. Jini xjisayajob tsi' yʌlʌyob: “Ma'anic lac mul, bajñel añob i mul cha'an tsi' cʌyʌyob i Yum, jini toj bʌ i Dios i tatob”, che'ob.

Levitico 20:10

Che' an winic mu' bʌ i pi'lʌben i yijñam i pi'ʌl, jini winic yic'ot jini x'ixic wersa yom mi' tsʌnsʌntelob.

Numeros 32:23

Pero mi mach che'ic tsa' la' mel, jiñʌch la' mul ti' contra lac Yum. Yom mi la' ña'tan che' jini, jini la' mul wersa mi caj i yʌq'uetla ti wocol.

Lucas 12:48

Jini x'e'tel mach bʌ cʌñʌlic i cha'an chuqui yom i yum, mi tsi' mele chuqui mach wenic, ts'ita jach mi caj i jajts'el ti asiyal. Jini cabʌl bʌ mi' yʌq'uentel ti' majtan, cabʌl an ti' wenta cha'an mi' c'ʌn ti uts'at. Che' cabʌl mi' yʌq'uentel ti' wenta, ñumen cabʌl mi caj i c'ajtibentel.

1 Corintios 4:2

Jini xcʌntaya wersa yom xuc'ul mi' pʌs i bʌ ti' ye'tel i yum.

Tito 2:10

Mach yomic mi' cha'leñob xujch'. Ti pejtelel i melbal yom mi' pʌsob i bʌ ti xuc'ul ti' tojlel i yumob cha'an uts'at mi' yubiñob i cʌntesa Dios, Xcoltaya lac cha'an.

Hebreos 13:4

Ña'tanla uts'at ñujpuñel, uts'at mi' pʌy i yijñam winic. Yom xuc'ul mi' pi'leñob i bʌ. Come majqui jach mi' taj i yixic, mi an i yijñam, o mi ma'anic i yijñam, Dios mi caj i mel.

1 Juan 3:9

Jini tsa' bʌ i yila pañimil ti Dios ma'anic mi' chʌn cha'len mulil, come woli' yajñel i yEspíritu Dios ti' pusic'al. Mach mejlic i chʌn cha'len mulil, come tsa'ix i yila pañimil ti Dios.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.

Apocalipsis 22:15

Ya' ti jumpat an ts'i' yic'ot xwujt yic'ot jini mu' bʌ i cha'leñob ts'i'lel yic'ot stsʌnsajob yic'ot jini mu' bʌ i ñopob dioste' yic'ot jini mu' bʌ i mulañob lot yic'ot jini mu' bʌ i cha'leñob lot.