Genesis 39:3 - Chol: I T’an Dios

³ I yum José tsi' q'uele an lac Yum yic'ot. Lac Yum tsi' wen colta ti pejtelel chuqui tsi' mele.

Chol de Tumbalá Bible

³ I yum José tsi' q'uele an lac Yum yic'ot. Lac Yum tsi' wen colta ti pejtelel chuqui tsi' mele.

Jiñi Tsiji' bʌ Wen T'añ cha'añ Estudio

³ I yum José tsi' q'uele añ lac Yum yic'ot. Lac Yum tsi' wen colta ti pejtelel chuqui tsi' mele.

Genesis 39:3 Iomraidhean Croise

Genesis 21:20

Dios tsi' cʌnta jini ch'iton. Tsa' coli. Tsa' chumle ti jochol bʌ lum i c'aba' Parán. Che' colemix wen yujilix julbʌl ti jalʌjb. I ña' tsi' c'ajtibe i yijñam ti' lumal Egipto.

Genesis 21:22

Ti ili ora Abimelec yic'ot i winic Ficol i yum soldadojob tsi' subeyob Abraham: Dios woli' coltañet ti pejtelel chuqui ma' cha'len, che'ob.

Genesis 21:23

Jini cha'an wʌle yom ma' wersa ac' a t'an cha'an ma'anic mi caj a lotiñon mi jinic calobil mi jinic c buts. Yom uts'at ma' melbeñon che' bajche' tsac melbeyet. Che' yom ma' melbeñob ja'el jini año' bʌ ti lum ya' ba' ma' jijlel, che'en.

Genesis 26:24

Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Genesis 26:28

Tsi' yʌlʌyob: Tsaj q'uele lojon an la' Yum a wic'ot. Tsa cʌlʌ lojon: Yomix mi lac tem lac t'an cha'an uts'at mi laj q'uel lac bʌ

Genesis 30:27

Labán tsi' sube: Awocolic pʌsbeñon i yutslel a pusic'al. Mach a cʌyon come cujil wolix i yʌq'ueñon c wenlel lac Yum cha'an wola' coltañon, che'en.

Genesis 30:30

Come ts'ita jach a chubʌ'an che' bʌ tsa' juliyon. Wʌle wen p'ojlemix. Lac Yum tsi' yʌc'ʌ ti p'ojlel a chubʌ'an cha'an ti' caj que'tel. Wʌle yomix mic tajbeñob i chubʌ'an jini año' bʌ ti cotot, che'en.

Genesis 39:2

An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Genesis 39:21

Pero ya'an lac Yum yic'ot. Tsi' pʌsbe i yutslel i pusic'al. Tsi' yʌc'ʌ ti c'uxbintel i cha'an jini xcʌnta mʌjquibʌl.

Genesis 39:23

Jini xcʌnta mʌjquibʌl ma'anix tsi' chʌn q'uele chuqui tac an ti' wenta José. Uts'at tsi' mele come ya'an lac Yum yic'ot. Tsi' yʌc'ʌ ti loq'uel ti uts'at pejtel chuqui tsi' mele José.

2 Reyob 18:7

Lac Yum tsi' colta ti pejtelel chuqui tsi' ña'ta i mel Ezequías. Tsi' cʌyʌ i yʌq'uen i tojoñel jini rey ti Asiria. Ma'anic tsi' chʌn jac'be i mandar.

1 Cronicas 22:13

Che' jini mi caj a wen coltʌntel, mi tsa' jac'be pejtelel i t'an yic'ot i subal lac Yum tsa' bʌ i wʌn subeyob israelob ti' tojlel Moisés. Ch'ejl'esan a bʌ, yom p'ʌtʌlet. Mach yomic ma' cha'len bʌq'uen. Mach yomic mi' c'uñ'an a pusic'al.

1 Cronicas 9:20

Jini ñaxan bʌ yumʌl cha'an jini corejob jiñʌch Finees i yalobil bʌ Eleazar. Lac Yum an yic'ot.

2 Cronicas 1:1

Wa'chocobilix Salomón i yalobil David ti' ye'tel ti rey. Lac Yum Dios tsi' yʌq'ue cabʌl i ñuclel.

2 Cronicas 26:5

Che' cuxul to Zacarías tsi' cʌntesa ti' bijlel Dios. Uzías tsi' tsajca Dios ti pejtelel i pusic'al. Che' bʌ tsi' jac'be i t'an lac Yum wen uts'at tsi' ñusa q'uin, come Dios tsi' colta.

Nehemias 2:20

Tsac subeyob: Jini Dios am bʌ ti panchan mi caj i coltañon lojon. I winicon lojon. Jini cha'an mic tech lojon jini e'tel. Mach la' wentajic mi wolic cha' mel lojon Jerusalén come mach la' cha'anic jini lum. Mach wʌ'ic ch'oyoletla ilayi. Mach chucbilic la' c'aba' ti ili tejclum, cho'on.

Salmos 1:3

Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel. I yopol jini te' mach yujilic p'ajtel. Pejtel chuqui mi' mel jini winic uts'at mi' yujtel.

Zacarias 8:23

Ti jim bʌ q'uin lujuntiquil winicob loq'uemo' bʌ ti lujump'ejl colem tejclum mi caj i comol chucbeñob i bujc juntiquil judío. Mi caj i yʌlob: “La'ix ajniconla che' bajche' lac pi'ʌl lac bʌ, come cujil lojon an Dios awic'ot”, che'ob. Che' tsi' yʌlʌ i Yum Panchan yic'ot Pañimil.

Mateo 5:16

Che' yom mi la' pʌsbeñob winicob x'ixicob la' sʌclel yic'ot wen bʌ la' we'tel. Che' mi' q'uelob mi caj i tsictesañob i ñuclel la' Tat am bʌ ti panchan.

1 Corintios 16:2

Ti jini ñaxan bʌ q'uin ti jujump'ejl semana, ti jujuntiquiletla, parte yom mi la' wʌc' lamital la' taq'uin. Lotola bajche' c'amel mi mejlel la' wʌc' cha'an tempʌbilix che' mij c'otel ba' añetla.

Deuteronomio 2:7

Come la' Yum Dios tsa'ix i wen cʌntayetla. Tsi' wen q'ueleyetla che' bʌ tsa' ñumiyetla ti pejtelel ili colem bʌ i tiquiñal pañimil. Cha'c'al jab tsi' pi'leyetla la' Yum. Ma'anic chuqui anto yom la' cha'an. Che' tsi' yʌlʌ lac Yum.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, winicob mu' bʌ i cha'leñob lot. Mi' cuyob i bʌ ti israelob anquese mach israelobic. Mux caj c pʌyob tilel cha'an mi' ñocchocoñob i bʌ ti' tojel la' woc. Mi caj i ña'tañob c'ux mi cubiñetla.

1 Samuel 18:14

Tsa' loq'ui ti uts'at, come lac Yum an yic'ot.

1 Samuel 18:28

Saúl tsi' wen ña'ta an lac Yum yic'ot David. Tsi' q'uele ja'el wen c'ux woli' yubin David Mical, jini xch'oc bʌ i yalobil.

1 Samuel 3:19

Tsi' taja i colel Samuel. Lac Yum tsa' ajni yic'ot ti jujump'ejl q'uin. Jini winicob x'ixicob tsi' p'isiyob ti wenta.