Genesis 39:21 - Chol: I T’an Dios

²¹ Pero ya'an lac Yum yic'ot. Tsi' pʌsbe i yutslel i pusic'al. Tsi' yʌc'ʌ ti c'uxbintel i cha'an jini xcʌnta mʌjquibʌl.

Chol de Tumbalá Bible

²¹ Pero ya'an lac Yum yic'ot. Tsi' pʌsbe i yutslel i pusic'al. Tsi' yʌc'ʌ ti c'uxbintel i cha'an jini xcʌnta mʌjquibʌl.

Jiñi Tsiji' bʌ Wen T'añ cha'añ Estudio

²¹ Pero lac Yum tsa' ajñi yic'ot José, tsi' pʌsbe i yutslel i pusic'al, tsi' yʌc'ʌ ti q'uelol ti uts'at ti' tojlel jiñi xcʌnta mʌjquibʌl.

Genesis 39:21 Iomraidhean Croise

Genesis 21:22

Ti ili ora Abimelec yic'ot i winic Ficol i yum soldadojob tsi' subeyob Abraham: Dios woli' coltañet ti pejtelel chuqui ma' cha'len, che'ob.

Genesis 39:2

An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Genesis 39:3

I yum José tsi' q'uele an lac Yum yic'ot. Lac Yum tsi' wen colta ti pejtelel chuqui tsi' mele.

Genesis 39:4

José tsi' tajbe i yutslel i pusic'al Potifar. Tsi' melbe i ye'tel. Potifar tsi' yʌq'ue i ye'tel ti xq'uel e'tel ti' yotot. Tsi' yotsa ti' wenta pejtel i chubʌ'an.

Genesis 40:3

Tsi' yotsayob ti mʌjquibʌl ya' ti' yotot i capitán xcʌntayajob, ya' ti mʌjquibʌl ba' ñup'ul José.

Salmos 105:19

Jinto tsa' ts'ʌctiyi i t'an lac Yum, tsa' q'uejli ti toj.

Salmos 105:22

Tsi' yʌq'ue i p'ʌtʌlel cha'an mi' cʌchob yumʌlob che' yom. Tsi' yʌq'ue i ye'tel ti' tojlel ancianojob cha'an mi' cʌntesañob.

Salmos 106:46

Tsi' yʌc'ʌyob ti p'untʌntel cha'an i yumob tsa' bʌ i pʌyʌyob majlel ti cadena tac.

Exodo 11:3

Lac Yum tsi' nijcʌbeyob i pusic'al egiptojob cha'an mi' pʌsbeñob i yutslel i pusic'al jini hebreojob. Wen ñuc tsi' q'ueleyob pejtel egiptojob. Wen ñuc ti' wutob i winicob Faraón yic'ot ti' wutob pejtel egiptojob.

Exodo 12:36

Lac Yum tsi' ñijcʌbeyob i pusic'al egiptojob cha'an mi' q'uelob ti uts'at. Che' jini tsi' yʌq'ueyob i majtan tac jini israelob che' bajche' c'amel yomob. Che' jini tsi' ch'ʌmʌyob i tojol cha'an i ye'tel jini israelob.

Exodo 3:21

Mi caj c ñijcʌbeñob i pusic'al jini egiptojob cha'an mi' q'ueletla ti uts'at, cha'an mi' yʌq'ueñet la' majtan. Che' mi la' majlel, mach to'ol che'ic jach mi caj la' majlel.

Proverbios 16:7

Che' tijicña mi' q'uel lac Yum i bijlel winic, mi' yuts'esʌbeñob i pusic'al i contrajob.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Isaias 43:2

Che' ma' ñumel ya' ti ja', che' cabʌl a wocol, ya' añon quic'otet. Che' ma' ñumel ya' ba' tam ja', che' cabʌl a tic'lʌntel, ma'anic mi caj a sujp'el ochel. Che' ma' c'axel ti c'ajc, ma'anic chuqui mi caj i tumbeñet. Ma'anic mi caj i pulet c'ajc.

Daniel 1:9

Lac Yum tsi' ñijcʌbe i pusic'al jini yumʌl cha'an mi' jac' ti uts'at.

Daniel 6:22

Jini c Dios tsi' choco tilel i yángel cha'an mi' mʌcben i yej jini bajlum tac. Toj tsi' q'ueleyon. Jini cha'an ma'anic chuqui tsi' tumbeyon. Ti a tojlel ja'el, c rey, ma'anic c mul, che'en.

Romanos 8:37

Ti pejtelel ili wocol mi' wen mʌjlel lac cha'an, cha'an ti' p'ʌtʌlel Jesús tsa' bʌ i c'uxbiyonla.

1 Pedro 3:17

Mi yom Dios mi la cubin wocol, ña'tanla uts'at mi la cubin cha'an wen bʌ lac melbal, mach cha'anic jontolil.