Genesis 39:2 - Chol: I T’an Dios

² An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Chol de Tumbalá Bible

² An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Jiñi Tsiji' bʌ Wen T'añ cha'añ Estudio

² Pero lac Yum añ yic'ot José, uts'at tsa' loq'ui majlel i ye'tel José ya' ti yotot i yum chumul bʌ ti Egipto.

Genesis 39:2 Iomraidhean Croise

Genesis 21:20

Dios tsi' cʌnta jini ch'iton. Tsa' coli. Tsa' chumle ti jochol bʌ lum i c'aba' Parán. Che' colemix wen yujilix julbʌl ti jalʌjb. I ña' tsi' c'ajtibe i yijñam ti' lumal Egipto.

Genesis 21:22

Ti ili ora Abimelec yic'ot i winic Ficol i yum soldadojob tsi' subeyob Abraham: Dios woli' coltañet ti pejtelel chuqui ma' cha'len, che'ob.

Genesis 26:24

Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Genesis 26:28

Tsi' yʌlʌyob: Tsaj q'uele lojon an la' Yum a wic'ot. Tsa cʌlʌ lojon: Yomix mi lac tem lac t'an cha'an uts'at mi laj q'uel lac bʌ

Genesis 28:15

Añon quic'otet. Mi caj cʌntañet baqui jach ma' majlel. Mi caj c cha' pʌyet tilel ti ili lum. Ma'anic mi caj j cʌyet jinto mic mel jini tsa bʌ c subeyet, che'en.

Genesis 39:23

Jini xcʌnta mʌjquibʌl ma'anix tsi' chʌn q'uele chuqui tac an ti' wenta José. Uts'at tsi' mele come ya'an lac Yum yic'ot. Tsi' yʌc'ʌ ti loq'uel ti uts'at pejtel chuqui tsi' mele José.

Genesis 39:3

I yum José tsi' q'uele an lac Yum yic'ot. Lac Yum tsi' wen colta ti pejtelel chuqui tsi' mele.

2 Reyob 18:7

Lac Yum tsi' colta ti pejtelel chuqui tsi' ña'ta i mel Ezequías. Tsi' cʌyʌ i yʌq'uen i tojoñel jini rey ti Asiria. Ma'anic tsi' chʌn jac'be i mandar.

1 Cronicas 9:20

Jini ñaxan bʌ yumʌl cha'an jini corejob jiñʌch Finees i yalobil bʌ Eleazar. Lac Yum an yic'ot.

2 Cronicas 1:1

Wa'chocobilix Salomón i yalobil David ti' ye'tel ti rey. Lac Yum Dios tsi' yʌq'ue cabʌl i ñuclel.

Salmos 1:3

Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel. I yopol jini te' mach yujilic p'ajtel. Pejtel chuqui mi' mel jini winic uts'at mi' yujtel.

Salmos 46:11

I Yum Panchan yic'ot Pañimil an la quic'ot. I Dios Jacob jiñʌch la caj Coltaya i wenta chan bʌ ts'ajc.

Salmos 46:7

Lac Yum an la quic'ot. I Yumʌch panchan yic'ot pañimil. I Dios Jacob jiñʌch la caj Coltaya i wenta chan bʌ ts'ajc.

Salmos 91:15

Che' mi' c'ajtibeñon, mi caj c jac'ben i t'an. Mi caj cajñel yic'ot che' ti' yorajlel wocol. Mi caj cʌc' ti colel. Mi caj cʌq'uen i ñuclel.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Isaias 43:2

Che' ma' ñumel ya' ti ja', che' cabʌl a wocol, ya' añon quic'otet. Che' ma' ñumel ya' ba' tam ja', che' cabʌl a tic'lʌntel, ma'anic mi caj a sujp'el ochel. Che' ma' c'axel ti c'ajc, ma'anic chuqui mi caj i tumbeñet. Ma'anic mi caj i pulet c'ajc.

Jeremias 15:20

Lajal mi caj c melet bajche' ts'ajc melbil bʌ ti c'ʌnc'ʌn taq'uin. Mi caj i contrajiñetob, pero mach mʌjlicob i cha'an, come añon a wic'ot cha'an mij coltañet. Mi caj c mʌctañet, che'en lac Yum.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

Hechos 8:31

Jini winic tsi' yʌlʌ: ¿Bajche' mi mejlel c ch'ʌmben isujm mi ma'anic majqui mi' cʌntesañon? che'en. Tsi' sube letsel Felipe cha'an mi' buchtʌl yic'ot.

1 Timoteo 6:1

Pejtelel x'e'telob año' bʌ ti' yum, la' i wen q'uelob ti ñuc i yum, ame p'ajlec i c'aba' Dios yic'ot i cʌntesa.

Josue 1:5

Ma'anic majch mi caj i mʌjlel i cha'an che' mi' contrajiñet, che' wʌ'to añet ti pañimil. Che' bajche' tsa' ajniyon quic'ot Moisés mi cajñel quic'otet ja'el. Ma'anic mi caj j cʌyet ti a bajñelil. Mach p'ump'unic mi caj j cʌyet.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 6:27

Lac Yum Dios an yic'ot Josué. Ñuc tsa' q'uejli ti pejtelel pañimil.

1 Samuel 16:18

Juntiquil x'e'tel tsi' yʌlʌ: Q'uelbilix c cha'an juntiquil i yalobil Isaí ti Belén, wen yujil bʌ i ñijcʌntel arpa. Cabʌlʌch i pusic'al. Wen ch'ejl ja'el. Lac Yum mi' coltan, che'en.

1 Samuel 18:14

Tsa' loq'ui ti uts'at, come lac Yum an yic'ot.

1 Samuel 18:28

Saúl tsi' wen ña'ta an lac Yum yic'ot David. Tsi' q'uele ja'el wen c'ux woli' yubin David Mical, jini xch'oc bʌ i yalobil.

1 Samuel 3:19

Tsi' taja i colel Samuel. Lac Yum tsa' ajni yic'ot ti jujump'ejl q'uin. Jini winicob x'ixicob tsi' p'isiyob ti wenta.