Genesis 34:7 - Chol: I T’an Dios

⁷ Che' bʌ tsi' yubiyob i yalobilob Jacob, tsa' sujtiyob tilel ti' yotot. Tsi' meleyob i pusic'al. Tsi' wen cha'leyob mich'ajel cha'an tsi' mele Hamor chuqui jisil ti' tojlel Israel che' bʌ tsa' ñole yic'ot xch'oc bʌ i yalobil Jacob. Mach che'ic yom melol.

Chol de Tumbalá Bible

⁷ Che' bʌ tsi' yubiyob i yalobilob Jacob, tsa' sujtiyob tilel ti' yotot. Tsi' meleyob i pusic'al. Tsi' wen cha'leyob mich'ajel cha'an tsi' mele Hamor chuqui jisil ti' tojlel Israel che' bʌ tsa' ñole yic'ot xch'oc bʌ i yalobil Jacob. Mach che'ic yom melol.

Jiñi Tsiji' bʌ Wen T'añ cha'añ Estudio

⁷ I yalobilob Jacob tsa' sujtiyob tilel ti yotot, che' bʌ tsi' yu'biyob; tsi' meleyob i pusic'al yic'ot tsa' wen mich'ayob come tsa' tic'lʌnti Israel che' ba' ora tsa' wersa pi'lenti xch'oc bʌ i yalobil Jacob, jiñʌch junchajp mach bʌ yomic mi' yujtel.

Genesis 34:7 Iomraidhean Croise

Genesis 20:9

Abimelec tsi' pʌyʌ tilel Abraham. Tsi' sube: ¿Chucoch tsa' lotiyon? Ma'anic chuqui tsac tumbeyet. ¿Chucoch ma' lon aq'ueñon lojon c taj ñuc bʌ c mul joñon quic'ot jini año' bʌ tic lumal? Mach wenic bajche' tsa' melbeyon. ¿Mach ba anic a pusic'al? ¿Chucoch che'ʌch tsa' mele bajche' iliyi? che'en Abimelec.

Genesis 34:6

Hamor, i tat Siquem, tsa' tili i pejcan Jacob.

Genesis 34:8

Hamor tsi' pejcayob: C'uxatax i pusic'al Siquem cha'an a walobil. Awocolic mij c'ajtibeñet sijinix jini xch'oc cha'an i yijñam.

Genesis 46:7

Tsa' c'otiyob i yalobilob Jacob yic'ot i butsob.

2 Samuel 13:21

Che' bʌ tsi' yubi David pejtel jini tsa' bʌ ujti, tsa' wen mich'a.

Salmos 93:5

Wen xuc'ul a t'an, mach jilix ti pejtelel ora. C Yum, ch'ujul a wotot ti pejtelel ora.

Proverbios 7:7

Tsaj q'uele ch'iton winic mach bʌ anic i ña'tʌbal. Ya'an ti' tojlel i pi'ʌlob.

Jeremias 29:23

Quisintic jax chuqui tsi' meleyob. Tsi' cha'leyob i ts'i'lel yic'ot x'ixicob año' bʌ i ñoxi'al. Tsi' cha'leyob subt'an tij c'aba', pero mach isujmic. I lot, come ma'anic tsac pejcayob. Cujil bajche' woli' melob, come lu' q'uelel c cha'an i melbalob, che'en lac Yum.

Levitico 4:13

Mi ti' pejtelel jini israelob tsi' cha'leyob mulil che' mach tsajalobic i cha'an, mi' tsi' ñusayob jump'ejl c mandar, laj añob i mul ti' pejtelelob.

Levitico 4:27

Mi an juntiquil winic mu' bʌ i cha'len mulil che' mach tsajalic i cha'an, tsa'ix i taja i mul.

1 Corintios 10:8

Mach yomic mi la' cha'len ts'i'lel che' bajche' tsi' cha'leyob lamital. Tsa' chʌmiyob uxp'ejl i cha'c'al ti mil ti jump'ejl jach q'uin.

1 Corintios 6:18

Puts'tanla ts'i'lel. Jini mu' bʌ i cha'len ts'i'lel ñumen mi' tic'lan i bʌc'tal bajche' jini mu' bʌ i cha'len yan tac bʌ mulil.

Efesios 5:3

Mach yomic mi la' taj la' wixic. Mach la' cha'len chuqui bibi'. Mach la' tsʌjyun chubʌ'añʌl. Che' leco chuqui mi' yujtel ti la' tojlel, mach yomic mi la' chʌn al, come mach i t'ojolic ti' tojlel i cha'año' bʌ Dios.

Deuteronomio 22:20

Pero mi isujmʌch jini t'an cha'an mach xch'oquix tsi' taja,

Deuteronomio 22:21

che' jini an ti' wenta jini winicob ya' ti tejclum cha'an mi' chucob majlel ya' ti' ti' yotot i tat cha'an mi' julob ti xajlel. Che' jini mi' caj ti chʌmel cha'an tsa'ix i mele chuqui leco ti' tojlel Israel, come tsi' cha'le i ts'i'lel ti' yotot i tat. Che' jini mi' caj ti lajmel jontolil ti la' tojlel.

Deuteronomio 23:17

Jini x'ixic yic'ot winic israelo' bʌ, mach yomic mi' choñob i bʌ ti ts'i'lel che' bajche' mi' melob jini mu' bʌ i ch'ujutesañob dioste' tac.

Colosenses 3:5

Jini cha'an ti junyajlel chocola pejtelel i cha'an bʌ pañimil am bʌ ti la' pusic'al: la' ts'i'lel, la' bibi'lel, la' jontolil, i colosojlel la' pusic'al, yic'ot i ts'i'lel la' wut, come lajal i ts'i'lel lac wut bajche' i ch'ujutesʌntel dioste'.

1 Timoteo 5:13

Yic'ot ja'el mi' ñʌm'añob ti buchtʌl. Mi' pam ñumelob ti jula'. Mach cojic jach mi' ñʌm'añob ti buchtʌl, pero mi' cha'leñob jop't'an ja'el. Mi' yotsañob i bʌ ba' mach i wentajobic. Mi' cha' alob chuqui mach yomix chʌn alol.

Hebreos 13:4

Ña'tanla uts'at ñujpuñel, uts'at mi' pʌy i yijñam winic. Yom xuc'ul mi' pi'leñob i bʌ. Come majqui jach mi' taj i yixic, mi an i yijñam, o mi ma'anic i yijñam, Dios mi caj i mel.

Santiago 3:10

Ti' yej winic mi' loq'uel uts bʌ t'an yic'ot p'ajoñel. Quermanojob, mach che'ic yom.

Josue 7:15

La' pulic jini winic mu' bʌ i tajtʌl yic'ot jini tic'bil bʌ. La' pulic yic'ot pejtelel i chubʌ'an, come tsi' ñusʌbeyon c t'an. Tsi' cha'le mulil ti' tojlel israelob”. Che'ʌch yom ma' subeñob, che'en lac Yum.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

Juezob 20:6

Tsac bic'ti tsepe jini quixic. Tsac chocbeyob majlel jujunmojt israelob cha'an mi' ña'tañob c'ax leco chuqui tsa' mejli ti' tojlel israelob.