Genesis 34:5 - Chol: I T’an Dios

⁵ Jacob tsi' yubi bajche' Siquem tsi' yʌc'ʌ ti quisin Dina i yalobil. Ya' to añob i yalobilob Jacob ti jamil yic'ot i yʌlac'. Ma'anic chuqui tsi' yʌlʌ Jacob jinto tsa' sujtiyob.

Chol de Tumbalá Bible

⁵ Jacob tsi' yubi bajche' Siquem tsi' yʌc'ʌ ti quisin Dina i yalobil. Ya' to añob i yalobilob Jacob ti jamil yic'ot i yʌlac'. Ma'anic chuqui tsi' yʌlʌ Jacob jinto tsa' sujtiyob.

Jiñi Tsiji' bʌ Wen T'añ cha'añ Estudio

⁵ Jacob tsi' yu'bi cha'añ Siquem tsi' ñolch'i cha'añ mi' pi'len Dina i yalobil. Jiñi wiñico' bʌ i yalobilob Jacob ya'añob ti jamil yic'ot i yʌlac', ma'añic chuqui tsi' yʌlʌ Jacob jinto tsa' sujtiyob tilel i yalobilob.

Genesis 34:5 Iomraidhean Croise

Genesis 30:35

Ti ili q'uin Jacob tsi' loc'sa pejtel i tat tac chivo barsintic bʌ i ts'ijbal yic'ot pintotic bʌ, yic'ot pejtel i ña'al tac chivo am bʌ i pintojlel, mi ch'o'ch'oc o mi ñuc i ts'ijbal, yic'ot pejtel am bʌ sʌsʌc tac bʌ i ts'ijbal, yic'ot pejtel i'ic' tac bʌ chivo. Tsi' yʌq'ueyob ti' wenta ch'iton bʌ i yalobilob.

Genesis 34:4

Siquem tsi' pejca Hamor i tat. Tsi' yʌlʌ: C'ajtibeñon ili xch'oc cha'an quijñam, che'en.

Genesis 34:6

Hamor, i tat Siquem, tsa' tili i pejcan Jacob.

Genesis 46:34

mi caj la' wʌl: “A winicon lojon, xcʌntayajon lojon cha'an alʌc'ʌl c'ʌlʌl che' ch'itoñon to lojon, joñon lojon quic'ot c tat lojon”. Che'ʌch yom mi la' suben cha'an mi mejlel la' chumtʌl ti' lumal Gosén. Come ts'a'lebilob pejtelel xcʌnta alʌc'ʌl cha'an egiptojob, che'en.

2 Samuel 13:22

Absalón ma'anic tsi' letsa i t'an ti' contra Amnón, pero mich' i pusic'al cha'an tsa' pi'lebenti i yijts'in.

Salmos 39:9

Tsaj cʌyʌ c cha'len t'an. Ma'anix mi caw quej, Come jatet tsa' wʌc'ʌyon ti wocol.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Lucas 15:25

Ya'an jini ascuñʌl bʌ i yalobil ti jamil. Che' bʌ wolix i tilel ti' yotot che' lʌc'ʌlix an, tsi' yubi música yic'ot son.

Lucas 15:29

Jini ascuñʌl bʌ tsi' sube i tat: “Awilan cabʌl jab tsac melbeyet a we'tel. Ma'anic tsac ñusʌbeyet a t'an. Ma'anic ba' tsa' wʌq'ueyon mi jinic jach alʌ chivo cha'an mic mel q'uin quic'ot c pi'ʌlob.

1 Samuel 10:27

Pero an juntiquil cha'tiquil tsʌtso' bʌ i pusic'al. Tsa' caji i yʌlob: ¿Bajche' mi caj i coltañonla ili winic? che'ob. Ma'anic tsa' caji i wen p'isob ti wenta. Ma'anic tsi' yʌq'ueyob i majtan Saúl. Ñʌch'ʌl jach Saúl. Ma'anic chuqui tsi' yʌlʌ.

1 Samuel 16:11

Samuel tsi' c'ajtibe Isaí: ¿Cojix ba a walobilob iliyi? che'en. Isaí tsi' jac'ʌ: Anto yambʌ. Jiñʌch ijts'iñʌl bʌ mu' bʌ i cʌntan tiñʌme', che'en. Jini cha'an Samuel tsi' sube Isaí: Pʌyʌ tilel, come mach mejliconla ti buchtʌl jinto mi' tilel ilayi, che'en.

1 Samuel 17:15

Sujtemix David i cʌntan i tiñʌme' i tat ya' ti Belén.