Genesis 34:3 - Chol: I T’an Dios

³ Tsi' ña'ta i pʌy Dina i yalobil Jacob come c'ux tsi' yubi. Ti uts bʌ t'an tsi' pejca.

Chol de Tumbalá Bible

³ Tsi' ña'ta i pʌy Dina i yalobil Jacob come c'ux tsi' yubi. Ti uts bʌ t'an tsi' pejca.

Jiñi Tsiji' bʌ Wen T'añ cha'añ Estudio

³ Pero Siquem tsi' wen mula Dina i yalobil bʌ Lea, c'ux tsi' yu'bi, tsi' pejca ti uts bʌ t'añ.

Genesis 34:3 Iomraidhean Croise

Genesis 34:2

Jini Siquem i yalobil Hamor, jini heveo, i yum jini lum, tsi' q'uele jini xch'oc. Tsi' pʌyʌ, tsa' ajni yic'ot, tsi' yʌc'ʌ ti quisin.

Genesis 34:4

Siquem tsi' pejca Hamor i tat. Tsi' yʌlʌ: C'ajtibeñon ili xch'oc cha'an quijñam, che'en.

Genesis 50:21

Mach yomix mi la' cha'len bʌq'uen. Joñon mi caj c we'sañetla yic'ot la' walobilob, che'en. Che' jini José tsi' ñuq'uesʌbeyob i pusic'al. Tsi' pejcayob ti uts bʌ t'an.

2 Samuel 19:7

Jini cha'an yom ma' majlel ti ora cha'an ma' pejcan jini winicob ti uts'at, come mic subeñet mi ma'anic ma' bʌc' loq'uel a pejcañob ti' tojlel lac Yum, wʌle jach mi caj i laj majlelob. Ma'anic majqui mi caj i cʌytʌl a wic'ot. Che' jini cabʌl jax mi caj a wubin wocol. Mero ts'ita' tsa' wubi che' ch'itoñet to c'ʌlʌl wʌle. Che' tsi' yʌlʌ Joab.

2 Cronicas 30:22

Ezequías tsi' subeyob wocolix i yʌlʌ jini levíjob tsa' bʌ i ch'ujutesayob lac Yum yic'ot música. Tijicñayob tsi' cha'leyob q'uiñijel wucp'ejl q'uin. Tsi' yʌq'ueyob i majtan lac Yum cha'an i ñʌch'tʌlel i pusic'al. Tsi' subeyob wocolix i yʌlʌ lac Yum i Dios i ñojte'elob. Tsi' subuyob i mul.

Isaias 40:2

Pejcañob ti uts bʌ t'an jini año' bʌ ti Jerusalén. Subeñob cha'an tsa'ix ñumi i yorajlel i ch'ijiyemlel i pusic'al. Ñusʌbilix i mul. Cha' ñumelix mi caj cʌq'ueñob i yutslel c t'an cha'an tsa'ix i ñusayob wocol cha'an i mul, che'en Dios.

Oseas 2:14

Pero mu' to caj c cha' pejcan ti uts bʌ t'an. Mi caj c pʌy majlel ya' ti jochol bʌ lum cha'an mij c'unte' pejcan ti uts bʌ t'an.

Oseas 2:16

Lac Yum tsi' sube Israel: Ti jini tal to bʌ ora mi caj a pejcañon ti a ñoxi'al. Ma'anix mi caj a chʌn pejcañon che' bajche' tsa' pejca Baal.

Juezob 19:3

Tsa' cha' majli i ñoxi'al cha'an mi' cha' pʌy. Tsi' pʌyʌ majlel juntiquil i yaj e'tel, yic'ot cha'cojt burro. Tsa' c'ʌlʌ c'oti ti' yotot i nij'al. Tsa' majli i pejcan ti uts bʌ t'an cha'an mi' cha' tilel yic'ot.

xRut 1:14

Tsi' cha' cha'leyob c'am bʌ uq'uel. Orfa tsi' ts'ujts'u i yʌ'lib cha'an wolix ti sujtel. Tsʌts tsi' tul meq'ue i yʌ'lib Rut, come mach yomic i cʌy.

1 Samuel 18:1

Jonatán i yalobil Saúl tsi' yubibe i t'an David che' woli' pejcan Saúl. Tsa' caji' wen c'uxbin David che' bajche' tsi' bajñel c'uxbi i bʌ. Junsujm jach tsa' ajni i pusic'al Jonatán bajche' i pusic'al David.