Genesis 34:2 - Chol: I T’an Dios

² Jini Siquem i yalobil Hamor, jini heveo, i yum jini lum, tsi' q'uele jini xch'oc. Tsi' pʌyʌ, tsa' ajni yic'ot, tsi' yʌc'ʌ ti quisin.

Chol de Tumbalá Bible

² Jini Siquem i yalobil Hamor, jini heveo, i yum jini lum, tsi' q'uele jini xch'oc. Tsi' pʌyʌ, tsa' ajni yic'ot, tsi' yʌc'ʌ ti quisin.

Jiñi Tsiji' bʌ Wen T'añ cha'añ Estudio

² Jiñi Siquem i yalobil bʌ Hamor, jiñi heveo, i yum jiñi lum; tsi' ñolch'i jiñi xch'oc, tsa' ñole yic'ot, tsi' wersa pi'le.

Genesis 34:2 Iomraidhean Croise

Genesis 20:2

Abraham tsi' yʌlʌ: Jiñʌch quijti'an jini Sara, che'en, anquese i yijñamʌch. Abimelec jini rey ti Gerar tsi' choco majlel i winic. Tsi' pʌyʌ Sara.

Genesis 33:19

Tsi' mʌñʌ lamital jini jamil ya' ba' tsi' wa'choco pisil bʌ i yotot. Tsi' chombeyob lum i yalobilob Hamor (i tat Siquem) ti jo'c'al plata taq'uin.

Genesis 34:27

I yalobilob Jacob tsa' c'otiyob ba'an tsʌnsʌbilo' bʌ. Tsi' cha'leyob xujch' ti jini tejclum ba' tsa' ajq'ui ti quisin i yijts'in.

Genesis 34:3

Tsi' ña'ta i pʌy Dina i yalobil Jacob come c'ux tsi' yubi. Ti uts bʌ t'an tsi' pejca.

Genesis 34:30

Jacob tsi' sube Simeón yic'ot Leví: Cabʌlʌch c wocol cha'añetla. Tsa'ix la' wʌc'ʌyon ti ts'a'lentel ti' tojlel pejtel jini chumulo' bʌ ti ili lum, jini cananeojob yic'ot ferezeojob. Ma'anic jaytiquilonla. Wʌle mux caj i tempañob i bʌ tij contra cha'an mi' tsʌnsañonla. Mi caj i jats'onla. Che' jini mux caj lac jisʌntel, joñon quic'ot c pi'ʌlob, che'en.

Genesis 6:2

Jini sajtemo' bʌ i yalobilob Dios tsi' q'ueleyob xch'oc bʌ i yalobilob winicob. I t'ojol jax tsi' q'ueleyob. Tsi' pʌyʌyob i yijñam che' bajche' jaytiquil tsi' mulayob.

2 Samuel 11:2

Awilan ti jump'ejl q'uin che' wolix i yic'an, David tsa' loq'ui ti xʌmbal ti q'uiyil bʌ i jol i yotot. Tsi' ñajti q'uele' juntiquil x'ixic woli bʌ ti ts'ʌmel, wen i t'ojol jax.

2 Samuel 11:4

David tsi' choco ti pʌyol. Jini x'ixic tsa' tili ba'an David. Ya' tsa' wʌyi yic'ot ti' yotot. Che' bʌ ujtemix i pi'leñob i bʌ, tsa' cha' sujti ti' yotot.

2 Samuel 13:14

Pero Amnón ma'anix tsi' chʌn jac'be i t'an. Tsi' wersa tujc'a ochel ti' wʌyib. Che' bʌ tsi' ñolchoco tsa' caji ti ñoltʌl yic'ot.

Job 31:1

Tsa'ix c mele trato yic'ot c wut cha'an mi caj j cʌntan c wut ti' tojlel xch'oc.

Job 31:9

Tsa'ic c pejca x'ixic, tsa'ic c chijta c pi'ʌlob ti xchumtʌl,

Proverbios 13:20

Jini mu' bʌ i pi'leñob majlel jini weño' bʌ i pusic'al muc'ʌch i tajob i ña'tʌbal. Jini mu' bʌ i pi'leñob majlel jini mach bʌ weñobic i pusic'al mi' yutsi p'ojlel i mul.

Mateo 5:28

Pero joñon mic subeñetla, majqui jach mi' q'uel x'ixic ti' colosojlel i pusic'al tsa'ix i cha'le ts'i'lel ti' pusic'al yic'ot.

Deuteronomio 21:14

Mi tsa' caji a ts'a'len, la' loq'uic majlel baqui jach yom. Mach yomic ma' chon ti taq'uin. Mach yomic ma' wotsan cha'an a mozo, come tsa'ix a pi'le.

Deuteronomio 22:24

che' jini yom mi la' laj bʌ chucob loq'uel ya' ti' ti' jini tejclum cha'an mi la' julob ti xajlel. Mi caj i chʌmel jini xch'oc ti' caj cha'an ma'anic tsi' cha'le oñel ya' ti mal tejclum. Mi caj i chʌmel jini winic ti' caj cha'an tsi' pi'le jini c'ajtibilix bʌ xch'oc. Che'ʌch yom mi la' jisan jontolil ti la' tojlel.

Deuteronomio 22:29

jini winic tsa' bʌ ñole yic'ot jini xch'oc muq'uix i yʌq'uen lujump'ejl i yuxc'al sʌsʌc taq'uin i tat jini xch'oc. Pero jini winic muq'uix i pʌy jini xch'oc come tsa'ix i pi'le. Mach mejlic i choc loq'uel ti pejtelel ora che' cuxulob to.

Josue 9:7

Jini israelob tsi' subeyob jini heveojob: ¿Mach ba wʌ'ic chumuletla ti lʌc'ʌl? ¿Bajche' mi mejlel c laj lojon c t'an la' wic'ot? che'ob.

Juezob 14:1

Sansón tsa' jubi majlel ti Timnat. Awilan tsi' q'uele ya' ti Timnat juntiquil xch'oc bʌ i yalobil filisteo.

Juezob 9:28

Gaal (i yalobil Ebed) tsi' yʌlʌ: ¿Majqui jini Abimelec? Joñonla chumulon bʌ la ti Siquem, ¿chucoch mi lac melben chuqui yom Abimelec? ¿Mach ba i yalobilic Jerobaal? ¿Mach ba jinic Zebul i yaj e'tel? Uts'at mi lac melben i ye'tel i winicob Hamor come Hamor i tat Siquem. Pero mach yomix mi lac melben i ye'tel Abimelec.