Genesis 32:9 - Chol: I T’an Dios

⁹ Jacob tsi' cha'le oración: Dios, i Dioset bʌ c tat Abraham. I Dioset c tat Isaac. C Yumet. Jatet tsa' subeyon: “Sujten ti a lumal ba'an a pi'ʌlob. Mi caj cʌq'ueñet a wenlel”. Che' tsa' subeyon.

Chol de Tumbalá Bible

⁹ Jacob tsi' cha'le oración: Dios, i Dioset bʌ c tat Abraham. I Dioset c tat Isaac. C Yumet. Jatet tsa' subeyon: “Sujten ti a lumal ba'an a pi'ʌlob. Mi caj cʌq'ueñet a wenlel”. Che' tsa' subeyon.

Jiñi Tsiji' bʌ Wen T'añ cha'añ Estudio

⁹ Ti wi'il tsi' yʌlʌ Jacob ti oración: I Dioset bʌ c tat Abraham, i Dioset bʌ c tat Isaac; c Yumet, tsa' bʌ a su'beyon: Sujten ti a lumal ba'añ a pi'ʌlob, joñon mi caj coltañet,

Genesis 32:9 Iomraidhean Croise

Genesis 17:7

Mi caj c wa'chocon xuc'ul bʌ c t'an quic'otet quic'ot a p'olbal ti pejtelel ora. Jiñʌch xuc'ul bʌ c t'an: Joñon a Dioson, i Dioson a p'olbalob.

Genesis 28:13

Ya' wa'al lac Yum ti' chañelal. Tsi' yʌlʌ: Joñon Yumʌlon, i Dioson Abraham a tat, i Dioson Isaac. Mi caj cʌq'ueñet yic'ot a p'olbal jini lum ba' ñololet.

Genesis 28:15

Añon quic'otet. Mi caj cʌntañet baqui jach ma' majlel. Mi caj c cha' pʌyet tilel ti ili lum. Ma'anic mi caj j cʌyet jinto mic mel jini tsa bʌ c subeyet, che'en.

Genesis 31:13

Dioson. Tsa' cʌñʌyon ya' ti Betel ba' tsa' mulu jini wa'al bʌ xajlel ya' ba' tsac pʌsbeyet i yutslel c pusic'al. Ya' tsa' wʌc'ʌ a t'an tic tojlel. Cʌyʌx jini lum. Sujten ti a lumal baqui tsa' wila pañimil”. Che'ʌch tsi' subeyon Dios, che'en Jacob.

Genesis 31:29

An c p'ʌtʌlel cha'an mi cʌq'uet ti wocol, pero sajmʌl ti ac'ʌlʌl tsi' pejcayon i Dios a tat. Tsi' yʌlʌ: “Chʌcʌ q'uele a bʌ cha'an ma'anic ma' pejcan Jacob ti tsʌts bʌ t'an”. Che' tsi' yʌlʌ.

Genesis 31:3

Lac Yum tsi' sube Jacob: Sujten ti' lumal a tat ba'an a pi'ʌlob. Mi caj c pi'leñet majlel, che'en.

Genesis 31:42

Machic tsi' coltayon i Dios c tat, i Dios Abraham tsa' bʌ i bʌc'ña Isaac, p'ump'un tsa' loq'uiyon ti a wotot. Dios tsi' q'uele jini wocol tsa' bʌ cubi ti a tojlel yic'ot jini wocol e'tel tsa' bʌ c cha'le. Dios tsi' tiq'uiyet sajmʌl ti ac'ʌlel, che'en Jacob.

Genesis 31:53

La' i melonla i Dios Abraham, i Dios c tat Nacor, i Dios lac ñojte'el, che'en Labán. Jacob tsi' wersa ac'ʌ i t'an ti' tojlel jini Dios tsa' bʌ i bʌc'ña i tat Isaac.

Genesis 32:8

Tsi' yʌlʌ: Mi tsa' tili Esaú ti' contra junmojt cha'an mi' jats'e', mi' mejlel ti puts'el yambʌ junmojt, che'en.

Genesis 49:25

Jiñʌch i Dios a tat mu' bʌ caj i coltañet. Jiñʌch Mach bʌ Anic i P'isol i P'ʌtʌlel, mu' bʌ caj i yʌq'ueñet a wenlel. La' i yʌq'ueñet a wenlel tilem bʌ ti panchan yic'ot a wenlel tilem bʌ ti ja' loq'uem bʌ ti mal lum, yic'ot i wenlel a wijñam cha'an mi' tilel a p'olbal, yic'ot i ya'lel i chu' cha'an mi' tsu'san a walobilob.

2 Cronicas 20:12

C Yum, c Dioset lojon, ¿mach ba anic ma' cha'len meloñel? Tic bajñelil ma'anic c p'ʌtʌlel lojon cha'an mij contrajin lojon pejtel jini soldadojob. Mach cujilic chuqui yom mic mel lojon. Jini cha'an wʌ' añon lojon ti a tojlel. Che' tsi' cha'le oración jini rey.

2 Cronicas 20:6

Tsi' cha'le oración: C Yum i Dioset c ñojte'el lojon. ¿Mach ba Diosetic ya' ti panchan yic'ot ti' tojlel pejtelel yumʌlob ti pañimil? Wen cabʌl a p'ʌtʌlel. Ma'anic majch mi' mʌjlel i cha'an ti a tojlel mi chan mi' q'uel i bʌ.

2 Cronicas 32:20

Jini cha'an Ezequías yic'ot jini x'alt'an Isaías (i yalobil Amoz) c'am tsi' pejcayob lac Yum am bʌ ti panchan.

Salmos 50:15

Pejcañon che' ti' yorajlel wocol. Mi caj colet. Mi caj a tsictesan c ñuclel.

Salmos 91:15

Che' mi' c'ajtibeñon, mi caj c jac'ben i t'an. Mi caj cajñel yic'ot che' ti' yorajlel wocol. Mi caj cʌc' ti colel. Mi caj cʌq'uen i ñuclel.

Exodo 3:6

Tsi' yʌlʌ: Joñon i Dioson a tat, i Dioson Abraham, i Dioson Isaac, i Dioson Jacob, che'en. Moisés tsi' mʌcʌ i wut come mach yomic i q'uel Dios cha'an bʌq'uen.

Jeremias 32:16

Che' bʌ tsa' ujti cʌq'uen jun Baruc (i yalobil Nerías), tsac pejca lac Yum. Tsac sube:

1 Samuel 30:6

David tsi' wen mele i pusic'al, come jini winicob yomobix i julob ti xajlel cha'an wen ch'ijiyemob i pusic'al cha'an i yalobilob. Pero David tsi' p'ʌt'esa i bʌ ti lac Yum Dios.