Genesis 32:4 - Chol: I T’an Dios

⁴ Jacob tsi' yʌq'ueyob mandar. Tsi' yʌlʌ: Yom mi la' suben c yum Esaú: “Che'ʌch woli' yʌl a winic Jacob: Tsajñiyon ba'an Labán. Ya' tsa' cʌleyon c'ʌlʌl wʌle.

Chol de Tumbalá Bible

⁴ Jacob tsi' yʌq'ueyob mandar. Tsi' yʌlʌ: Yom mi la' suben c yum Esaú: “Che'ʌch woli' yʌl a winic Jacob: Tsajñiyon ba'an Labán. Ya' tsa' cʌleyon c'ʌlʌl wʌle.

Jiñi Tsiji' bʌ Wen T'añ cha'añ Estudio

⁴ Jacob tsi' yʌq'ueyob mandar, tsi' su'beyob: “Yom mi la' su'ben c yum Esaú: Che'ʌch woli' yʌl a wiñic Jacob: Tsajñiyon ba'añ Labán, ya' tsa' chumleyon c'ʌlʌl wʌle;

Genesis 32:4 Iomraidhean Croise

Genesis 23:6

C yum, ubiñon lojon. Dios tsi' yotsayet ti yumʌl tic lumal lojon. Mucu a wijñam ti c'ax uts'at bʌ mucoñibʌl c cha'an lojon. Ma'anic majch mi caj i tiq'uet mi tsa' c'ʌñʌ mucoñibʌl cha'an ma' muc a wijñam, che'ob.

Genesis 25:30

Esaú tsi' sube Jacob: La' j c'ux jini chʌchʌc bʌ i bʌl ñʌc'ʌl chajpʌbilix bʌ a cha'an, come c'unix pañimil woli cubin cha'an c wi'ñal, che'en. Jini cha'an tsa' otsʌbenti i c'aba' Edom, “Chʌchʌc bʌ”.

Genesis 27:29

La' i yumañetob winicob ti mojt ti mojt. La' i c'uchchocoñob i bʌ jini tejclumob ti a tojlel. La' i yumañet a pi'ʌlob. La' i c'uchchocoñob i bʌ a wijts'iñob ti a tojlel. La' chojquicob loq'uel pejtel mu' bʌ i p'ajet. La' i tajob i yutslel Dios pejtel mu' bʌ i yʌq'ueñet i yutslel i t'an, che'en.

Genesis 27:37

Jini cha'an Isaac tsi' sube Esaú: Awilan, tsa cotsa Jacob ti a yum. Pejtel i pi'ʌlob tsa cʌq'ue Jacob cha'an i winicob. Tsa cʌq'ue ixim yic'ot vino ja'el. Calobil, ¿chuqui mi' cʌytʌl cha'an mi cʌq'ueñet? che'en.

Genesis 31:41

Junc'alix jab tsac cha'le e'tel ti a wotot. Tsac cha'lebeyet a we'tel chʌnlujump'ejl (14) jab cha'an quijñamob yic'ot wʌcp'ejl jab cha'an a wʌlac'. Lujunyajl tsa' yʌñʌ a t'an cha'an ma' chilbeñon i tojol que'tel.

Genesis 32:18

Che' jini mi caj a wʌl: “Ili alʌc'ʌl i cha'añʌch a winic Jacob. A majtañʌch. Woli' chocbeñet tilel. A cha'añʌch, c yum Esaú. Awilan, ya'ix tilel a winic ti lac pat”. Che' yom ma' wʌl, che'en Jacob.

Genesis 32:5

An c cha'an tat wacax yic'ot burro yic'ot tiñʌme' yic'ot winicob yic'ot criadajob. Wolic chocbeñet majlel c winicob cha'an mic subeñet c yum, com c taj i yutslel a pusic'al”. Che' yom mi la' suben, che'en Jacob.

Genesis 33:14

C yum, yom ñaxañet ti' tojel a winic. Mi caj j c'unte' xʌntesan majlel jini alʌc'ʌl yic'ot calobilob ja'el cha'an uts'at mi' c'otelob ya' ba'añet ti Seir, che'en.

Genesis 33:8

Esaú tsi' yʌlʌ: ¿Chucoch tsa' chocbeyon tilel pejtel ili alʌc'ʌl tac ti ñaxan? che'en. Jacob tsi' yʌlʌ: Cha'an com ma' q'uelon ti uts'at, c yum, che'en.

Genesis 36:8

Esaú tsa' chumle ti wits i c'aba' Seir. Edom jiñʌch i cha'chajplel bʌ i c'aba' Esaú.

Genesis 36:9

Jini edomob i p'olbalob Esaú. Esaú i tatʌch jini edomob año' bʌ ti wits i c'aba' Seir.

Genesis 4:7

Mi uts'at chuqui ma' mel uts'at mi caj a q'uejlel. Mi mach uts'atic chuqui ma' mel woli' chijtañet mulil. Wersa yom i tajet mulil pero yom mi' mʌjlel a cha'an. Che' tsi' yʌlʌ lac Yum.

1 Reyob 20:32

Jini cha'an tsa' majliyob ba'an i rey Israel. Tsi' c'ajtibeyob: Awocolic la' colic jini rey Benadad, mach a tsʌnsan, che'ob. Acab tsi' jac'ʌ: ¿Cuxul to ba? Jiñʌch queran, che'en.

Exodo 32:22

Aarón tsi' jac'ʌ: Mach mich'aquet. Cʌmbil a cha'an ili tejclum, wen jontolob.

Proverbios 15:1

Jini uts bʌ t'an mi' lajmesʌben i mich'ajel winic. Jini tsʌts bʌ t'an mi' yutsi techben i mich'ajel.

Proverbios 25:15

Jini jal bʌ mi' pijtan i jac'ol ti' yalobil rey woli' yuts'esʌben i pusic'al. Mi' mʌjlel i cha'an mu' bʌ i pejcan ti uts bʌ t'an.

Proverbios 6:3

Calobil, mele che' bajche' wolic subeñet cha'an ma' loq'uel ti libre, come woli' sub a mul a pi'ʌl ti chumtʌl cha'an tsa' wʌc'ʌ a t'an.

Eclesiastes 10:4

Che' mi' mich'an a yum mach a cʌyben i ye'tel. Yom ñʌch'ʌl a pusic'al ti' tojlel. Tic'ʌl mi che' jini mux caj i cha' uts'an i pusic'al.

Isaias 21:11

Jiñʌch i t'an Dios ti' contra Edom. Ya'an winic ti Seir wits woli' chʌn c'ajtibeñon: “Xcʌntaya, ¿jayp'ejl to ora mi' sʌc'an? ¿Jayp'ejl to ora mi' sʌc'an?” che'en.

Lucas 14:11

Majqui jach chan mi' mel i bʌ mi caj i peq'uesʌntel. Majqui pec' mi' mel i bʌ mi caj i chañ'esʌntel. Che' tsi' yʌlʌ Jesús.

1 Pedro 3:6

Che'ʌch tsi' mele Sara. Tsi' ch'ujbibe i t'an Abraham, tsi' pejca ti' yum. Jatetla i yalobiletla Sara, mi toj mi la' mel, mi ma'anic mi la' bʌc'ñan chuqui mi' yujtel.

Juezob 5:4

C Yum, che' bʌ tsa' pʌyʌyon lojon loq'uel ti Seir, Che' bʌ tsa' pʌyʌyon lojon ñumel ti' lumal edomob, Jini lum tsa' ñijcʌyi, jini panchan ja'el. Jini tocal tsa' pʌntʌyi ti ja'.

1 Samuel 26:17

Saúl tsi' cʌmbe i t'an David. Tsi' yʌlʌ: ¿Mach ba jinic a t'an calobil David? che'en. David tsi' jac'ʌ: Joñon cu c yum, reyet bʌ c cha'an, che'en.