Genesis 32:16 - Chol: I T’an Dios

¹⁶ Tsi' yʌc'ʌ ti' wenta i winicob ti mojt ti mojt. Jiñʌch i majtan Esaú. Jacob tsi' sube i winicob: Yom mi la' majlel ñaxan ti' tojel c wut. Ñajt yom mi la' wʌc' la' bʌ ti majlel ti jujunmojt, che'en.

Chol de Tumbalá Bible

¹⁶ Tsi' yʌc'ʌ ti' wenta i winicob ti mojt ti mojt. Jiñʌch i majtan Esaú. Jacob tsi' sube i winicob: Yom mi la' majlel ñaxan ti' tojel c wut. Ñajt yom mi la' wʌc' la' bʌ ti majlel ti jujunmojt, che'en.

Jiñi Tsiji' bʌ Wen T'añ cha'añ Estudio

¹⁶ Tsi' yʌc'ʌ ti' wenta i wiñicob ti' mojt ti' mojt, tsi' su'be i wiñicob: —Yom ñaxan mi la' majlel ti' tojel c wut yic'ot ñajt yom mi la' wʌc' tac la' bʌ ti jujunmojt.

Genesis 32:16 Iomraidhean Croise

Genesis 32:17

Jacob tsi' yʌq'ue mandar jini ñaxan bʌ. Tsi' yʌlʌ: Che' mi' tajet Esaú jini cʌscun, che' mi' c'ajtibeñet: “¿Majqui a yum? ¿Baqui samiyet? ¿Majqui i cha'an ili alʌc'ʌl tac am bʌ a wic'ot?”

Genesis 32:20

Mi caj la' wʌl: “Ya'ix tilel a winic Jacob tic pat lojon”. Che'ʌch yom mi la' suben, che'en Jacob. Come tsi' ña'ta: Mi caj cuts'esʌben i pusic'al yic'ot i majtan woli bʌ c chocben majlel ñaxan tic wut. Ti wi'il mux caj q'uelben i wut. Ya'to tsiquil bajche' mi' yujtel. Che' tsi' ña'ta.

Salmos 112:5

An i wenlel jini mu' bʌ i p'ew i chubʌ'an, mu' bʌ i yʌc' ti majan i chubʌ'an, mu' bʌ i mel i ye'tel ti toj.

Proverbios 2:11

Che' jini mi caj a cʌntʌntel cha'an wen bʌ a pusic'al, cha'an tsa' ch'ʌmbe isujm,

Isaias 28:26

Yujil bajche' yom melol, come Dios tsi' cʌntesa.

Mateo 10:16

Awilan, wolic choquetla majlel che' bajche' tiñʌme' joyol bʌ ti bʌte'el ts'i'. Yom p'ip'etla che' bajche' lucum. Yom utsetla che' bajche' x'ujcuts.

1 Samuel 25:19

Abigail tsi' sube x'e'telob i cha'an: Ñaxan yom mi la' majlel ti' tojel c wut. Mux c tsʌcleñetla majlel, che'en. Ma'anic chuqui tsi' sube i ñoxi'al.