Genesis 32:12 - Chol: I T’an Dios

¹² Jatet tsa' subeyon: “Isujm mi caj cʌq'ueñet chuqui uts'at. Mi caj c p'ojlesan a walobilob che' bajche' jini ji' am bʌ ti colem ñajb mach bʌ mejlic ti tsicol”. Che' tsa' subeyon, che'en Jacob.

Chol de Tumbalá Bible

¹² Jatet tsa' subeyon: “Isujm mi caj cʌq'ueñet chuqui uts'at. Mi caj c p'ojlesan a walobilob che' bajche' jini ji' am bʌ ti colem ñajb mach bʌ mejlic ti tsicol”. Che' tsa' subeyon, che'en Jacob.

Jiñi Tsiji' bʌ Wen T'añ cha'añ Estudio

¹² Jatet tsa' su'beyon: “Isujm mi caj cʌq'ueñet chuqui uts'at, mi caj c p'ojlesan a walobilob che' bajche' ji' am bʌ ti ti' mar mach bʌ mejlic ti tsicol.”

Genesis 32:12 Iomraidhean Croise

Genesis 22:17

Mi caj c wen aq'ueñet cutslel. Mi caj c wen p'ojlesʌbeñet a p'olbal jinto lajal ti tsicol che' bajche' ec' am bʌ ti panchan, che' bajche' ji' am bʌ ti' ti' colem ñajb. Mi caj i cha'leñob yumʌl ti' tojlel i contrajob.

Genesis 32:6

Jini winicob tsa' cha' sujtiyob ba'an Jacob. Tsi' yʌlʌyob: Tsajñiyon lojon ba'an a wʌscun Esaú. Wolix i tilel i tajet. An jumbajc' winicob yic'ot, che'ob.

1 Reyob 4:20

Ti ili ora cabʌlob jini winicob x'ixicob ti Israel yic'ot ti Judá. Cabʌl i chubʌ'an ja'el. Wen tijicñayob jax.

Exodo 32:13

Ña'tan Abraham yic'ot Isaac yic'ot Israel. Jiñʌch a winicob tsa bʌ a wʌq'ueyob a t'an che' bʌ tsa' wʌlʌ: “Joñon mi caj c p'ojlesan a p'olbal, che' lajal bajche ec' ti panchan. Mi caj cʌq'ueñob la' p'olbal ili lum baqui tsa' cʌlʌ. Mi caj i ch'ʌmob ti' wenta ti pejtelel ora”. Che' tsa' wʌlʌ, che'en Moisés.

Oseas 1:10

Pero tal i yorajlel che' mi caj i p'ojlelob israelob che' bajche' i yonlel i ji'il colem ñajb mach bʌ mejlic ti tsicol. Ti jim bʌ ora ma'anix mi caj c chʌn subeñob: “Mach c cha'añeticla”. Mi caj c pejcañob ti calobil: “I yalobilet bʌ la jini cuxul bʌ Dios”. Che' mi caj c subeñob.

Numeros 23:19

mach lajalic Dios bajche' winicob yujilo' bʌ lot. Mach lajalic bajche' jini cha'chajp jax bʌ i pusic'al mu' bʌ i q'uextan i t'an. Che' mi' yʌc' i t'an, ¿mach ba anic mi' ts'ʌctesan? Che' tsa'ix i subu chuqui mi caj i cha'len, ¿mach ba anic mi' mel?

Mateo 24:35

Mi' caj ti jilel pañimil yic'ot panchan pero mach jilic c t'an.

2 Timoteo 2:13

Mi xuc'ulonla o mach xuc'ulonicla, pero xuc'ul Cristo Jesús yic'ot i t'an. Mach yujilic lot.

Tito 1:2

yic'ot cha'an mi' tajob i cuxtʌlel mach bʌ anic mi' jilel, woli bʌ lac pijtan. Come Dios, mach bʌ yujilic lot, tsi' wʌn ac'ʌ i t'an che' maxto anic pañimil.

Hebreos 11:12

Jini cha'an anquese wen ñoxix Abraham, tsa' ochi ti' tat cabʌl i p'olbal che' bajche' jini ec' am bʌ ti panchan, yic'ot i ji'il i ti' colem ñajb mach bʌ mejlic ti tsijquel.

Hebreos 6:17

Dios ja'el yom i wen tsictesʌbeñonla mach mejlic ti jejmel i t'an. Pejtel mu' bʌ i ñopob mi caj i yʌq'uentelob chuqui albil i cha'an. Jini cha'an tsi' bajñel taja i c'aba' cha'an mi' xuc'chocon i t'an.

1 Samuel 15:29

Jini Dios i ñuclel bʌ Israel mach yujilic lot. Ma'anic mi' yʌn i t'an, come mach lajalic Dios bajche' winic mu' bʌ i cha' wi'il q'uextan i t'an, che'en.