Genesis 32:11 - Chol: I T’an Dios

¹¹ Loc'sañon ti' c'ʌb cʌscun Esaú, come mic bʌc'ñan ame tilic i jats'on lojon yic'ot i ña'ob calobilob yic'ot alp'eñelob.

Chol de Tumbalá Bible

¹¹ Loc'sañon ti' c'ʌb cʌscun Esaú, come mic bʌc'ñan ame tilic i jats'on lojon yic'ot i ña'ob calobilob yic'ot alp'eñelob.

Jiñi Tsiji' bʌ Wen T'añ cha'añ Estudio

¹¹ Loc'sañon ti' c'ʌb cʌscun Esaú, come mic bʌc'ñan; ame tilic i lowon lojon yic'ot i ña'ob calobilob yic'ot jiñi alp'eñelob.

Genesis 32:11 Iomraidhean Croise

Genesis 24:27

Tsi' yʌlʌ: La' sujbic i wenlel lac Yum, i Dios c yum Abraham. Ma'anic mi' cʌy i pʌsben c yum Abraham i yutslel yic'ot i sujmlel i t'an. Che' añon ti' bijlel lac Yum tsi' pʌsbeyon tilel c bijlel c'ʌlʌl tsi' pʌyʌyon julel ti' yotot i pi'ʌlob c yum, che'en.

Genesis 27:41

Esaú tsi' mich'le Jacob cha'an tsi' chilbe i wenlel. Tsi' ña'ta ti' pusic'al: Mach jalix mi caj i chʌmel lac tat. Che' ujtemix i yuc'tʌntel mi caj c tsʌnsan Jacob. Che'ʌch tsi' ña'ta.

Genesis 27:42

Tsa' subenti Rebeca chuqui woli' ña'tan Esaú. Jini cha'an tsi' pʌyʌ tilel Jacob. Tsi' sube: Awilan, a wʌscun woli' ñʌch'tesan i pusic'al cha'an woli' ña'tan i q'uextʌbeñet a mul. Yom i tsʌnsañet.

Genesis 32:3

Jacob tsi' ñaxan choco majlel winicob ba'an Esaú i yʌscun ya' ti' lumal Seir, jiñʌch i lumal Edom.

Genesis 32:7

Jacob tsi' wen cha'le bʌq'uen. Tsi' mele i pusic'al. Tsi' t'oxo ti cha'mojt jini winicob x'ixicob año' bʌ yic'ot. Tsi' t'oxo ja'el jini tiñʌme' yic'ot camello yic'ot yambʌ alʌc'ʌl.

Genesis 33:4

Ti ajñel tsa' tili Esaú i taj. Tsi' meq'ue. Tsa' licle ti' quejlab. Tsi' ts'ujts'u. Tsi' cha'leyob uq'uel.

2 Samuel 7:18

Tsa' ochi David ti' tojlel lac Yum. Tsi' yʌlʌ: C Yum Dios, wen uts'atax jini mu' bʌ caj a melbeñon quic'ot calobilob. Anquese ma'anic c bajñel ñuclel lojon, tsa' pʌsbeyon i yutslel a pusic'al c'ʌlʌl wʌle.

Salmos 119:134

Loc'sañon ti' p'ʌtʌlel jini mu' bʌ i tic'lañon, Cha'an mic jac'beñet che' bajche' tsa' cʌntesayon.

Salmos 142:6

Ubibeñon c t'an come ju'sʌbilix c pusic'al ti wocol. Pʌyʌyon loq'uel ti' tojlel jini mu' bʌ i tic'lañoñob, come cabʌl i p'ʌtʌlel. Mach mejlic j coltan c bʌ.

Salmos 16:1

Cʌntañon, c Dios, come tsa'ix cʌc'ʌ c bʌ ti a wenta.

Salmos 25:20

Cʌntañon, coloyon. Mach a wʌc'on ti quisin, Come tsa'ix c ñopoyet.

Salmos 31:2

Yom ma' p'ison ti a wenta, coltañon ti ora. C Xajlelet ba' mic taj i xuc'tilel c pusic'al. Mi cʌc' c bʌ ti a wenta che' bajche' mic mʌc c bʌ ti chan bʌ xajlel.

Salmos 43:1

C Dios, meleyon. La' loq'uicon ti uts'at ti' tojlel jini mach bʌ anic mi' c'uxbiñet. Pʌyʌyon loq'uel ti' p'ʌtʌlel winicob yujilo' bʌ lot, jini yujilo' bʌ jontolil.

Proverbios 18:19

Che' an mu' bʌ i mich'len i yeran, ñumen tsʌtsʌch bajche' p'ʌtʌl bʌ tejclum. Lajalʌch bajche' i yoyel colem otot.

Daniel 3:17

Wen ñuc c Dios lojon mu' bʌ j c'uxbin lojon. Mi mejlel i coltañon lojon cha'an ma'anic mic chʌmel lojon ti c'ajc. Che'ʌch mi caj i mel. Mi caj i loc'sañon lojon ti a p'ʌtʌlel.

Oseas 10:14

Jini cha'an mi caj i c'otel guerra wʌ' ti a lumal. Mi caj i laj jisʌntel jini wen melbil tac bʌ otot che' bajche' tsa' jisʌnti Betarbel cha'an Salmán. Tsa' tsʌnsʌntiyob x'ixicob temel yic'ot i yalobilob ya'i.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Deuteronomio 22:6

Che' woliyet ti xʌmbal ñumel ti bij mi tsa' q'uelbe i c'u' mut ti' t'ejl bij, mi ti lum, mi ti' c'ʌb te', mi ya'an i tun, mi i yalix, mi pʌctʌbil to i cha'an i ña', mach yomic ma' chucben i ña yic'ot i yal.

1 Samuel 12:10

Jini cha'an tsi' pejcayob lac Yum ti c'am bʌ t'an. Tsi' yʌlʌyob: “Tsa'ix c cha'le lojon mulil, come tsaj cʌyʌyet lojon. Tsa'ix c lon ch'ujutesa lojon jini Baal yic'ot Astarot. Cha' coltañonix lojon. Che' jini mux c cha' mel lojon chuqui a wom”, che'ob.

1 Samuel 24:15

Jini cha'an, la' i melonla lac Yum come jiñʌch Xmeloñel. La' i wen q'uelon. La' i coltañon. La' i yʌc'on ti colel ti a c'ʌb. Come wen yujil toj bʌ meloñel. Che' tsi' yʌlʌ David.