Genesis 3:20 - Chol: I T’an Dios

²⁰ Jini winic tsi' yotsʌbe i c'aba' i yijñam Eva come i ña'ʌch pejtelel jini cuxulo' bʌ.

Chol de Tumbalá Bible

²⁰ Jini winic tsi' yotsʌbe i c'aba' i yijñam Eva come i ña'ʌch pejtelel jini cuxulo' bʌ.

Jiñi Tsiji' bʌ Wen T'añ cha'añ Estudio

²⁰ Jiñi wiñic tsi' yotsʌbe i c'aba' i pi'ʌl ti Eva, come i ña'ʌch pejtelel jiñi cuxulo' bʌ.

Genesis 3:20 Iomraidhean Croise

Genesis 16:11

I yángel lac Yum tsi' sube ja'el: Awilan, cʌntʌbil a walobil. Mi caj a wʌc' ti pañimil ch'iton. Mi caj a wotsʌben i c'aba' Ismael, come lac Yum tsi' q'uele a wocol.

Genesis 2:23

Jini winic tsi' yʌlʌ: Jiñʌch c bʌquel loq'uem bʌ tic bʌquel yic'ot c bʌc'tal loq'uem bʌ tic bʌc'tal. I c'aba' x'ixic come loq'uem ti winic, che'en.

Genesis 3:21

Lac Yum Dios tsi' melbe i bujc Adán yic'ot i bujc i yijñam. Melbil ti pʌchi. Dios tsi' xojbeyob.

Genesis 35:18

Che' bʌ woli' loq'uel i ch'ujlel, come tsa' chʌmi Raquel, tsi' yotsʌbe i c'aba' alʌ ch'iton Benoni, “Calobil tsa' bʌ i yila pañimil che' ti' yorajlel c wocol”. I tat tsi' yotsʌbe i c'aba' Benjamín, “Calobil mu' bʌ i yʌq'ueñonla lac wenlel”.

Genesis 5:29

Tsi' yotsʌbe i c'aba' Noé, “Mi laj c'aj la co”. Tsi' yʌlʌ: Jini mi caj i ñuq'uesan lac pusic'al cha'an la que'tel, come wocol jax mi lac cha'len e'tel cha'an ili lum tsa' bʌ i puch'u lac Yum. Che' tsi' yʌlʌ Lamec.

Exodo 2:10

Tsa' coli jini alʌl. I ña' tsi' cha' pʌyʌ tilel ba'an i yalobil Faraón. Tsa' ochi ti' yalobil. Tsi' yotsʌbe i c'aba' Moisés, come tsi' yʌlʌ: Tsac loc'sa ti ja', che'en.

Mateo 1:21

Mi caj i yʌc' ti pañimil alʌ ch'iton. Yom ma' wotsʌben i c'aba' Jesús, come jini mi caj i coltan winicob x'ixicob i cha'año' bʌ cha'an mi' loq'uelob ti' p'ʌtʌlel i mul. Che' tsi' yʌlʌ jini ángel.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

Hechos 17:26

Loq'uem jach ti juntiquil winic Dios tsi' laj mele winicob ti jujunchajp cha'an mi' pam chumtʌlob ti pejtelel pañimil. Tsi' yʌq'ueyob i yorajlel. Tsi' melbeyob i cayajonlel i lumal.

2 Corintios 11:3

Mic cha'len bʌq'uen ame cajic ti sojquel la' ña'tʌbal cha'an lot che' bajche' jini lucum tsi' loti Eva cha'an mach chʌn xuc'uleticla yic'ot Cristo.

1 Timoteo 2:13

Come ñaxan tsa' mejli Adán, wi'il Eva.

1 Samuel 1:20

Tsi' yʌq'ue i cʌntan i yalobil. Che' bʌ tsa' ts'ʌctiyi i yorajlel cha'an mi' yʌc' ti pañimil i yalobil, Ana tsi' yotsʌbe i c'aba' Samuel. Tsi' yʌlʌ: Jiñʌch calobil tsa' bʌ j c'ajtibe lac Yum, che'en.