Genesis 3:19 - Chol: I T’an Dios

¹⁹ Mi caj a cha'len bu'lich cha'an wersa e'tel cha'an ma' taj a waj, c'ʌlʌl ma' sujtel ti lum, come tsac meleyet ti ts'ubejn. Ts'ubeñet. Mi caj a cha' sujtel ti ts'ubejn. Che' tsi' yʌlʌ Dios.

Chol de Tumbalá Bible

¹⁹ Mi caj a cha'len bu'lich cha'an wersa e'tel cha'an ma' taj a waj, c'ʌlʌl ma' sujtel ti lum, come tsac meleyet ti ts'ubejn. Ts'ubeñet. Mi caj a cha' sujtel ti ts'ubejn. Che' tsi' yʌlʌ Dios.

Jiñi Tsiji' bʌ Wen T'añ cha'añ Estudio

¹⁹ Mi caj a cha'len bu'lich cha'añ wersa e'tel cha'añ ma' taj a waj, c'ʌlʌl jinto ma' sujtel ti lum, come tsa' c meleyet ti ts'u'bejn; ts'u'bejñet jiñi cha'añ mi caj a cha' sujtel ti ts'u'bejn.

Genesis 3:19 Iomraidhean Croise

Genesis 18:27

Abraham tsi' jac'ʌ: La' c chʌn pejcañet c Yum anquese pec'on, ts'ubeñon, i tʌñilon c'ajc yilal.

Genesis 2:7

Lac Yum Dios tsi' mele winic ti ts'ubejn. Tsi' wujtʌbe i ni'. Tsi' yʌq'ue i jap ic' cha'an cuxul mi' yajñel. Tsa' aq'uenti winic cuxul bʌ i ch'ujlel.

Genesis 23:4

Tilemon ti yambʌ lum. Ti majan jach woliyon ti chumtʌl ti a lumal. Ma'anic c cha'an lum cha'an mucoñibʌl. Chombeñon lum ba' mi mejlel c muc quijñam tsa' bʌ chʌmi, che'en Abraham.

Genesis 3:18

Jini lum mi caj i yʌq'ueñet ch'ix yic'ot wisinq'uin. Mi caj a c'ux pimel mu' bʌ i colel ti cholel.

Genesis 5:5

Anix jo'c'al i yuxbajc' yic'ot lujump'ejl i cha'c'al (930) i jabilel Adán che' bʌ tsa' chʌmi. Che' jo'p'ejlix i wʌcc'al (105) i jabilel Set, tsi' yila pañimil Enós i yalobil. Tsa' to jal'a ti pañimil Set cha'bajc' yic'ot wucp'ejl (807) jab. Tsi' yila pañimil ch'iton bʌ yic'ot xch'oc bʌ i yalobilob.

Job 1:21

Tsi' yʌlʌ: Ma'anic c chubʌ'an tsaj q'uele pañimil, ma'anic c chubʌ'an mic cha' sujtel ti lum. Dios tsi' yʌq'ueyon, Dios tsi' cha' chili. Ch'ujul i c'aba', che'en.

Job 10:9

Ña'tan melbilon ti ts'ubejn. ¿A womix ba a sutq'uiñon ti ts'ubejn? ¿Chuqui wola' tumbeñon? Winicob mi' jebob loq'uel lech cha'an mi' melob quesu.

Job 19:26

Cujil che' bʌ tsa'ix oc'mi c bʌc'tal mi caj j q'uel Dios anquese ma'anix c bʌc'tal.

Job 21:26

Temel mi' mujquelob ti mucoñibʌl. Jini motso' mi' pam ñumel ba' ts'ʌl ñololob.

Job 4:19

¿Mach ba ñumen anic i mul winicob? Melbilob i bʌc'tal yic'ot i ts'ubeñal lum. Lajal mi' jejmelob che' bajche' i c'u' mut.

Salmos 103:14

Come yujil c'uñonla, yujil melbilonla ti ts'ubejn.

Salmos 104:23

Jini winicob mi' loq'uelob majlel ti e'tel. Mi' cʌyob i ye'tel che' wolix ti bʌjlel q'uin.

Salmos 104:29

Che' ma' mʌy a wut p'ump'un jax i bʌ. Che' ma' chilben i cuxtilel mi' chʌmel. Mi' cha' sujtel ti ts'ubejn.

Salmos 127:2

Lolom jach mi la' seb ch'ojyel cha'an mi la' ñajtesan la' we'tel c'ʌlʌl che' ac'ʌlelix.

Salmos 22:15

Jilemix c p'ʌtʌlel che' bajche' i xejt'il p'ejt tsa' bʌ i wen tiqui. Mi' ñottʌl cac' cha'an tiquin c ti'. Wola' ñolchocoñon ti mucoñibʌl.

Salmos 22:29

Pejtel winicob x'ixicob yujilo' bʌ chʌmel, jini wen chumulo' yic'ot jini p'ump'uño' bʌ ja'el, Mi caj i wersa ch'ujutesañob lac Yum.

Salmos 90:3

Mi' sujtel ti ts'ubejn winic che' ma' wʌc' a t'an.

Proverbios 21:16

Jini mu' bʌ i tʌts' loq'uel i bʌ ti' bijlel i cʌntesʌntel mi caj i yajñel yic'ot chʌmeño' bʌ.

Eclesiastes 1:13

Tsa cʌc'ʌ tic pusic'al cha'an mic ch'ʌmben isujm yic'ot cha'an mic ñop pejtel cʌmbil bʌ ti pañimil. Wen wocol la que'tel mu' bʌ i yʌq'ueñonla lac mel Dios. Cabʌl mi lac mel lac pusic'al cha'an ili wocol.

Eclesiastes 1:3

¿Chuqui mi' taj winic cha'an i ye'tel ti yebal panchan, anquese wocol mi' cha'len e'tel?

Eclesiastes 12:7

Jini ts'ubejn mi' caj ti sujtel ti lum baqui tilem. Jini espíritu mi' sujtel ti Dios tsa' bʌ i yʌc'ʌ.

Eclesiastes 3:20

Junlajal la cajñib ba' mi lac majlel. Jiñʌch i ts'ubeñal lum ba' tsa' loq'uiyonla yic'ot bʌte'el. Ya jach mi lac sujtel.

Eclesiastes 5:15

Jini mu' bʌ i lon ac' i taq'uin baqui mi' sajtel cha' jocholix i c'ʌb che' bajche' ti ñaxan che' bʌ tsi' q'uele pañimil.

Daniel 12:2

Cabʌl jini chʌmeño' bʌ mi caj i ch'ojyelob cha'an mi' tajob i cuxtilel mach bʌ anic mi' jilel. Yaño' bʌ mi caj i ch'ojyelob cha'an mi' yubiñob quisin mach bʌ anic mi' lajmel ti pejtelel ora.

1 Corintios 15:47

Jini ñaxan bʌ winic Adán melbil ti lum. Pero Cristo, i cha'ticlel bʌ winic, ch'oyol ti panchan.

Efesios 4:28

Jini tsa' bʌ i cha'le xujch' mach i chʌn cha'len. La' i cha'len e'tel. La' i c'ʌn i c'ʌb cha'an wen bʌ i ye'tel. Che' jini mi mejlel i yʌq'uen i chubʌ'an jini anto bʌ yom i cha'an.

1 Tesalonicenses 2:9

C'ajal to la' cha'an, hermanojob, tsac cha'le lojon wocol e'tel ti q'uiñil ti ac'ʌlel, cha'an ma'anic mi' c'ojyel la' mʌc'lañon lojon che' bʌ tsac subeyet lojon i wen t'an Dios.

2 Tesalonicenses 3:10

Come che' ya'to añon lojon la' wic'ot tsac subeyetla ti mandar: Mi an majqui mach yomic e'tel, mach i to'ol c'ux waj, cho'on lojon.

Hebreos 9:27

I tilel junyajl jach mi' chʌmelob winicob x'ixicob. Mi' yujtelob ti chʌmel, mi' melob i bʌ.