Genesis 3:17 - Chol: I T’an Dios

¹⁷ Dios tsi' sube Adán: Tsa' jac'be i t'an a wijñam. Tsa' c'uxu i wut jini te' tsa' bʌ c subeyet mach yomic ma' c'ux. Jini cha'an pujch'emix jini lum cha'añet. Wocol jax mi caj a taj i bʌl a nʌc' ti lum c'ʌlʌl ma' chʌmel.

Chol de Tumbalá Bible

¹⁷ Dios tsi' sube Adán: Tsa' jac'be i t'an a wijñam. Tsa' c'uxu i wut jini te' tsa' bʌ c subeyet mach yomic ma' c'ux. Jini cha'an pujch'emix jini lum cha'añet. Wocol jax mi caj a taj i bʌl a nʌc' ti lum c'ʌlʌl ma' chʌmel.

Jiñi Tsiji' bʌ Wen T'añ cha'añ Estudio

¹⁷ Dios tsi' su'be jiñi wiñic: —Cha'añ ti' caj tsa' jac'be i t'añ a wijñam yic'ot cha'añ tsa' c'uxu i wut jiñi te' tsa' bʌ c su'beyet: “Mach yomic ma' c'ux”, asiyemix jiñi lum cha'añet; wocol jax mi caj a taj i bʌl a ñʌc' ti lum c'ʌlʌl jinto ma' chʌmel.

Genesis 3:17 Iomraidhean Croise

Genesis 3:11

Dios tsi' yʌlʌ: ¿Majqui tsi' subeyet cha'an pits'ilet? ¿Tsa' ba a c'uxu i wut jini te' tsa' bʌ c subeyet mach yomic ma' c'ux? che'en.

Genesis 3:18

Jini lum mi caj i yʌq'ueñet ch'ix yic'ot wisinq'uin. Mi caj a c'ux pimel mu' bʌ i colel ti cholel.

Genesis 3:6

Tsi' q'uele jini x'ixic uts'at i wut jini te' cha'an mi' c'ux, i t'ojol jax. Tsi' q'uele an i c'ʌjñibal cha'an mi' yʌq'uen i ña'tʌbal. Tsi' tuc'u i wut. Tsi' c'uxu. Tsi' yʌq'ue i ñoxi'al. Tsi' c'uxu ja'el.

Genesis 5:29

Tsi' yotsʌbe i c'aba' Noé, “Mi laj c'aj la co”. Tsi' yʌlʌ: Jini mi caj i ñuq'uesan lac pusic'al cha'an la que'tel, come wocol jax mi lac cha'len e'tel cha'an ili lum tsa' bʌ i puch'u lac Yum. Che' tsi' yʌlʌ Lamec.

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Job 14:1

Ma'anic cabʌl i q'uiñilel winic ch'oyol bʌ ti x'ixic. Cabʌl mi' taj wocol.

Job 21:17

Casʌ mi' bʌc' yajpel i c'ʌc'al. Casʌ mi' bʌc' tilel wocol ti' tojlelob. ¿Bacan tsiquil mi woli' yubiñob wocol cha'an i mich'lel Dios?

Salmos 127:2

Lolom jach mi la' seb ch'ojyel cha'an mi la' ñajtesan la' we'tel c'ʌlʌl che' ac'ʌlelix.

Eclesiastes 2:11

Tsa' caji j q'uel pejtel c melbal yic'ot pejtel jini wocol tsa' bʌ c ñusa cha'an mi' joloñel que'tel. ¿Chuqui i ye'tel ti yebal panchan? To'ol ic' jach woli cʌsin.

Eclesiastes 2:17

Tsa' caji c mel c pusic'al. Lon cuxulon, cho'on. La' chʌmicon. Come ¿chuqui i ye'tel pejtel chuqui mi lac mel ti yebal panchan? To'ol ic' jach woli la cʌsin.

Eclesiastes 5:17

Ti pejtelel i jabilel c'ʌlʌl jinto mi' chʌmel, ma'anix mi' q'uel i sʌclel pañimil, come ma'anix i chubʌ'an anquese wocol tsi' cha'le e'tel. Mʌcʌcña pañimil yubil, ch'ijiyem i pusic'al. Cabʌl i wocol yic'ot i mich'lel.

Mateo 22:12

Tsi' sube: “¿Bajche' tsa' mejli a wochel ilayi che' mach xojolic a cha'an wen bʌ a bujc cha'an ñujpuñijel?” che'en. Ma'anic chuqui tsa' mejli i yʌl.

Mateo 25:45

Che' jini, mi caj i subeñob: “Isujm mic subeñetla, che' bʌ ma'anic tsa' la' colta juntiquil c cha'an bʌ anquese mach ñuquic, ma'anic tsa' la' coltayon”, che'en.

Lucas 19:22

I yum tsi' sube: “Jontol bʌ x'e'telet, mi caj c melet cha'an ti a t'an tsa' bʌ a wʌlʌ. A wujil bʌc'ñʌbilon. Awujil mic ch'ʌm chuqui tac ma'anic tsac pʌc'ʌ. Awujil mic tsep jam ba' ma'anic tsac wejch'u.

Juan 16:33

Tsac subeyetla jini t'an cha'an mi la' taj i ñʌch'tilel la' pusic'al ti joñon. Ti pañimil mi caj la' taj wocol. La' ñuc'ac la' pusic'al, come tsac jisʌbe i yumʌntel pañimil, che'en.

Romanos 3:19

La cujil an ti' wenta jini mu' bʌ i yubiñob mandar cha'an mi' jac'ob ti pejtelel. Aq'uebilob cha'an mi' ñʌjch'elob yic'ot pejtel winicob x'ixicob ti pañimil che' mi' melob i bʌ ti' tojlel Dios.

Hebreos 6:8

Pero mi woli jach i yʌc' ti colel pimel am bʌ i ch'ixal, ma'anic i c'ʌjñibal jini lum. Pujch'emix. I yum mi caj i cʌy. Mi' caj ti pulel.