Genesis 3:15 - Chol: I T’an Dios

¹⁵ Mi caj cʌq'ueñet la' contrajin la' bʌ jatet yic'ot jini x'ixic. Che' ja'el mi caj i contrajiñob i bʌ i p'olbal jini x'ixic yic'ot a p'olbal. I p'olbal jini x'ixic mi caj i low a jol. Jatet mi caj a lowben i tun'oc, che'en Dios.

Chol de Tumbalá Bible

¹⁵ Mi caj cʌq'ueñet la' contrajin la' bʌ jatet yic'ot jini x'ixic. Che' ja'el mi caj i contrajiñob i bʌ i p'olbal jini x'ixic yic'ot a p'olbal. I p'olbal jini x'ixic mi caj i low a jol. Jatet mi caj a lowben i tun'oc, che'en Dios.

Jiñi Tsiji' bʌ Wen T'añ cha'añ Estudio

¹⁵ Mi caj cʌq'ueñet la' contrajin la' bʌ jatet yic'ot jiñi x'ixic, mi caj i contrajiñob i bʌ i p'olbal jiñi x'ixic yic'ot a p'olbal; i p'olbal jiñi x'ixic mi caj i low a jol, ixcu jatet mi caj a lowben i tuñ'oc.

Genesis 3:15 Iomraidhean Croise

Genesis 49:17

La' i tic'lan winicob che' bajche' lucum ti' t'ejl bij, che' bajche' jontol bʌ lucum ti alʌbij, mu' bʌ i c'uxben i tun'oc caballo, cha'an mi' yajlel jini c'ʌchʌl bʌ.

Salmos 132:11

Lac Yum tsi' yʌq'ue David i t'an mu' bʌ caj i ts'ʌctiyel, xuc'ul bʌ ti pejtelel ora: Ya' ba' buchulet ti a yumʌntel mi caj c buchchocon juntiquil a p'olbal.

Isaias 53:12

Jini cha'an mi caj cʌq'uen cabʌl i ñuclel ti' tojlel winicob. Mi caj i yʌq'uentel i chobejtʌbal yic'ot jini p'ʌtʌlo' bʌ cha'an i tem cha'añob jach mi' majlel, come tsi' yʌc'ʌ i bʌ ti chʌmel. Tsa' ajq'ui ti toj mulil che' bajche' xñusa mandar. Tsi' cuchbeyob i mul cabʌlob. Tsi' c'ajtibe Dios cha'an mi' ñusʌbeñob i mul xñusa mandarob.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Jeremias 31:22

¿Jala to ba ma' jalijel? ¿Cha'p'ejl jax ba a pusic'al? ¿Jala to ba ma' chʌn tʌts' a bʌ? Wʌlʌc pat ma' majlel. Come wʌ' ti pañimil lac Yum wolix i mel junchajp tsijib tac bʌ maxto bʌ anic c'ʌlʌl wʌle. Israel mi caj i c'ajtin i ñoxi'al. Ti jump'ejl i pusic'al mi caj i c'uxbiñon.

Daniel 9:26

Che' ñumenix cha'p'ejl i chʌnc'al (62) semana, mi caj i tsʌnsʌntel jini Yajcʌbil bʌ anquese ma'anic i mul. Mi caj i jisʌntel Jerusalén yic'ot jini Templo che' bajche' ti but'ja'lel. Mach chʌn lajmix wocol yic'ot bʌbʌq'uen bʌ guerra c'ʌlʌl ti' jilibal pañimil, come che'ʌch tsi' ña'ta Dios.

Amos 9:3

Anquese mi' lon mujcuñob i bʌ ti' pam Carmelo wits, mi caj c tajob ya'i. Anquese mi' yochelob ti yebal colem ñajb, cha'an mi' mujcuñob i bʌ ba' ma'anic mij q'uelob, mux c wersa tajob. Mi caj cʌq'uen mandar colem lucum cha'an mi' ts'otiñob.

Miqueas 5:3

Jini cha'an Dios mi caj i yʌc' jini winicob x'ixicob i cha'año' bʌ ti' wenta i contrajob jinto mi' cha' ilañob pañimil jini israelob. Jini tsa' bʌ pʌjyiyob majlel ti' ñajt bʌ tejclum tac mi caj i cha' pʌjyelob tilel cha'an mi' tem ajñelob ti' lumal Israel.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

Mateo 1:25

Pero ma'anic tsi' pi'le jinto tsi' yila pañimil ch'iton bʌ i yalobil. Tsi' yotsʌbe i c'aba' Jesús.

Mateo 12:34

Jatetla i yalobiletla xc'ʌñʌñej. ¿Bajche' mi mejlel la' cha'len t'an ti toj che' jontoletla? Come chuqui jach but'ul ti lac pusic'al mi' tsictiyel ti lac t'an mu' bʌ i loq'uel ti la quej.

Mateo 13:38

Jini jamil jiñʌch pañimil. Jini wen bʌ pac' jiñʌch i yalobilob i yumʌntel Dios. Jini jam mach bʌ wenic jiñʌch i yalobilob jini xjontolil.

Mateo 23:33

¡Lucumetla, i yalobiletla xc'ʌñʌñej! ¿Bajche' mi mejlel la' puts'tan tojmulil ti c'ajc?

Mateo 3:7

Che' bʌ tsi' q'uele woli' tilelob cabʌl fariseojob yic'ot saduceojob cha'an mi' ch'ʌmob ja', Juan tsi' subeyob: I yalobiletla xc'ʌñʌñej. ¿Majqui tsi' subeyetla cha'an mi la' puts'tan jini tojmulil mu' bʌ i tilel?

Marcos 16:18

Mi caj i chucob lucum. Mi an chuqui tac mi' japob am bʌ i venenojlel, ma'anic mi caj i yubiñob wocol. Mi caj i yʌc'ob i c'ʌb ti xc'amʌjelob. Mi caj i lajmelob. Che' tsi' yʌlʌ Jesús.

Lucas 1:76

Jatet, alʌl, mi caj a pejcʌntel ti x'alt'an i cha'an jini C'ax Ñuc Bʌ. Come mi caj a majlel ñaxan ti' wut lac Yum cha'an ma' chajpʌben i bijlel.

Lucas 10:19

La' wilan, mi cʌq'ueñetla la' p'ʌtʌlel cha'an mi la' t'uchtan lucum yic'ot siñan yic'ot pejtelel i p'ʌtʌlel la' contra. Ma'anic chuqui mi caj i tumbeñetla.

Lucas 22:53

Che' ya' añon quic'otetla jujump'ejl q'uin ti Templo ma'anic tsa' la' chucuyon. Wʌle la' cha'añʌch ili ora. I yorajlelix mi' pʌstʌl i p'ʌtʌlel ic'ch'ipan bʌ pañimil. Che' tsi' yʌlʌ Jesús.

Lucas 24:27

Jesús tsa' caji i subeñob i sujmlel pejtelel i Ts'ijbujel Dios ba' tsa' tajle ti t'an c'ʌlʌl ti' jun Moisés c'ʌlʌl ti' jun pejtelel x'alt'añob.

Juan 8:44

Jatetla i cha'añetla xiba. Jiñʌch la' tat. La' wom la' mel chuqui yom la' tat. Stsʌnsayajʌch jini xiba c'ʌlʌl ti' cajibal. Ma'anic tsa' chʌn ajni ti' sujmlel Dios, come ma'anic chuqui isujm ti' pusic'al xiba. Che' mi' cha'len lot i tilelʌch come xlot. Ya' ch'oyol ti xiba pejtelel lot.

Hechos 13:10

Tsi' sube: But'ulet ti cabʌl lot yic'ot cabʌl jontolil. I yalobilet xiba. I contrajet pejtelel chuqui tac toj. ¿A wom to ba a chʌn xoyben jini toj bʌ i bijlel lac Yum?

Romanos 16:20

Jini Dios mu' bʌ i yʌq'ueñonla i ñʌch'tilel lac pusic'al mach jalix mi caj i yʌq'ueñetla la' t'uchtan Satanás. La' ajnic la' wic'ot i yutslel i pusic'al lac Yum Jesús.

Romanos 3:13

Lajal i yej winicob bajche' i ti' mucoñibʌl. Mi' cha'leñob lot. An i venenojlel lucum ti' mal i yej.

Gálatas 4:4

Pero Dios tsi' choco tilel i Yalobil che' bʌ tsa' c'oti i yorajlel. Tsi' yila pañimil ti x'ixic. Tsa' ochi ti' wenta mandar

Efesios 4:8

Jini cha'an tsi' yʌlʌ ti salmo: “Che' bʌ tsa' letsi majlel ti panchan Cristo, tsi' pʌyʌ majlel cabʌl tsa' bʌ cʌjchiyob ti yambʌ ora. Tsi' yʌq'ueyob i majtan tac winicob x'ixicob”.

Colosenses 2:15

Tsi' jisʌbe i p'ʌtʌlel xiba yic'ot i yaj e'telob yic'ot i yumʌntel. Tsi' quisnitesayob ti' wut pejtelelob. Tsa' mʌjli i cha'an Cristo ya' ti cruz.

Hebreos 2:18

Tsi' yubi wocol che' bʌ tsa' pʌjyi ti mulil. Jini cha'an mi mejlel i coltan jini woli bʌ i pʌjyelob ti mulil.

Hebreos 5:7

Che' wʌ'to chumul Jesús ti pañimil, tsi' pejca Dios am bʌ i p'ʌtʌlel cha'an mi' yʌc' ti colel ame chʌmic. Tsi' c'ajtibe ti wocol t'an. C'am tsi' cha'le uq'uel. Tsa' tili i ya'lel i wut. Dios tsi' yubibe i t'an i Yalobil come uts'at tsi' jac'ʌ ti pejtelel ora.

1 Juan 3:10

Che' jini, tsiquil majqui i yalobilob Dios yic'ot majqui i yalobilob xiba. Jini mach bʌ anic mi' cha'len chuqui toj, mach i cha'anic Dios. Che' ja'el jini mach bʌ anic mi' c'uxbin i yermano, mach i cha'anic Dios.

1 Juan 3:8

Jini mu' bʌ i cha'len mulil i cha'añʌch xiba, come jini xiba woli' chʌn cha'len mulil c'ʌlʌl ti' cajibal. Jini cha'an tsa' tsictiyi i Yalobil Dios cha'an mi' jisʌben i ye'tel xiba.

1 Juan 5:5

¿Majqui jini mu' bʌ i t'uchtan jini pañimil? Jiñʌch woli bʌ i ñop i Yalobilʌch Dios jini Jesús.

Apocalipsis 12:17

Jini ajin cabʌl tsi' mich'le jini x'ixic. Tsa' majli i cha'len guerra ti' contra pejtel i p'olbal x'ixic mu' bʌ i jac'beñob i mandar Dios, mu' bʌ i ñopbeñob i t'an Jesucristo.

Apocalipsis 13:7

Tsa' aq'uenti i cha'len guerra ti' contra i cha'año' bʌ Dios cha'an mi' mʌlob. Tsa' aq'uenti i ye'tel ti yumʌl ti' tojlel winicob x'ixicob año' bʌ ti pejtel tejclum tac yujilo' bʌ t'an ti chajp ti chajp.

Apocalipsis 2:10

Mach la' bʌc'ñan jini wocol mu' bʌ caj i tajetla. Awilan jini xiba mi caj i lamital otsañetla ti ñujp'ibʌl cha'an mi' yilʌbentel la' pusic'al. Mi caj la' tic'lʌntel lujump'ejl q'uin. Xuc'ul yom mi la' wajñel anquese mi la' wʌjq'uel ti chʌmel. Mi caj cʌq'ueñetla la' cuxtʌlel che' bajche' corona.

Apocalipsis 20:10

Jini xiba tsa' bʌ i lotiyob tsa' chojqui ochel ya' ti colem c'ajc woli bʌ ti pulel yic'ot azufre, ya' ba' añob jini jontol bʌ bʌte'el yic'ot jini lot bʌ x'alt'an. Mi caj i tic'lʌntelob ti q'uiñil yic'ot ti ac'ʌlel ti pejtelel ora.