Genesis 26:5 - Chol: I T’an Dios

⁵ cha'an tsi' jac'ʌ c t'an Abraham. Ti pejtelel chuqui tsac sube tsi' jac'ʌ c mandar, che'en lac Yum.

Chol de Tumbalá Bible

⁵ cha'an tsi' jac'ʌ c t'an Abraham. Ti pejtelel chuqui tsac sube tsi' jac'ʌ c mandar, che'en lac Yum.

Jiñi Tsiji' bʌ Wen T'añ cha'añ Estudio

⁵ cha'añ tsi' jac'ʌ c t'añ Abraham, yic'ot tsi' mele pejtelel chuqui tac tsa' c su'be, tsi' jac'ʌ c mandar, yic'ot pejtelel j cʌntesa.”

Genesis 26:5 Iomraidhean Croise

Genesis 12:4

Jini cha'an tsa' majli Abram che' bajche' tsi' sube lac Yum. Tsa' majli Lot yic'ot. An jo'lujump'ejl i chʌnc'al (75) i jabilel Abram che' bʌ tsa' loq'ui ti Harán.

Genesis 17:23

Abraham tsi' pʌyʌ Ismael i yalobil yic'ot pejtel x'e'telob i cha'an tsa' bʌ i yilayob pañimil ti' yotot yic'ot jini mʌmbilo' bʌ ti' taq'uin, pejtelel winicob ti' yotot Abraham. Tsi' tsepbeyob i pʌchʌlel i bʌc'tal ti jini jach bʌ q'uin, che' bajche' Dios tsi' sube.

Genesis 18:19

Cujilix Abraham mi caj i yʌq'ueñob mandar i yalobilob yic'ot pejtel año' ti' yotot yic'ot jini mu' bʌ caj i tilelob ti' yotot, cha'an mi' cha'leñob xʌmbal ti' bijlel i Yum, cha'an mi' melob chuqui tac uts'at yic'ot chuqui tac toj. Che' jini mux caj ti ts'ʌctiyel c t'an tsa' bʌ cʌlʌ ti' tojlel Abraham. Che' tsi' yʌlʌ lac Yum.

Genesis 22:16

Tsi' yʌlʌ: Tij c'aba' tsac wersa ac'ʌ c t'an, cha'an tsa' jac'ʌ chuqui tsac subeyet. Ma'anic tsa' chʌclebeyon a walobil. Tsa' wʌq'ueyon jini cojach bʌ a walobil.

Genesis 22:18

Winicob x'ixicob ti pejtelel pañimil mi caj i yʌq'uentelob i wenlel c t'an ti' tojlel a p'olbal, cha'an tsa' jac'beyon c t'an, che'en lac Yum.

Genesis 26:6

Jini cha'an tsa' caji ti chumtʌl Isaac ti Gerar.

Mateo 5:19

Jini cha'an mi an majch mi' ñusan jump'ejl ch'o'ch'oc bʌ mandar, mi tsi' cʌntesa winicob cha'an mi' ñusañob ja'el, ma'anic mi caj i taj i ñuclel ti' yumʌntel panchan. Pero jini mu' bʌ i jac' jini mandar, mu' bʌ i cʌntesañob cha'an mi' jac'ob, mi caj i taj i ñuclel ti' yumʌntel jini am bʌ ti panchan.

Mateo 7:24

Ti jujuntiquil mu' bʌ i yubibeñon c t'an, mu' bʌ i jac'beñon, lajalʌch bajche' winic am bʌ cabʌl i ña'tʌbal. Tsi' mele i yotot ti' pam xajlel.

1 Corintios 15:58

Jini cha'an, c'uxbibil bʌ quermanojob, chʌn ajñenla ti xuc'ul. Mach yomic tile bixel la' pusic'al. Yom bʌxetla che' mi la' cha'liben i ye'tel lac Yum, come la' wujil mach lolomic jach la' we'tel ti lac Yum.

Gálatas 5:6

Come ti Cristo Jesús ma'anic chuqui mi' cha'len mi tsepbil lac pʌchʌlel, o mi mach tsepbilic lac pʌchʌlel. Pero jiñʌch mero ganar che' ñopolix lac cha'an jini wen t'an mu' bʌ i yʌq'ueñonla laj c'uxbin lac bʌ.

Hebreos 11:8

Abraham tsi' ñopo Dios. Jini cha'an tsi' jac'ʌ i pʌyol. Tsa' majli i taj i lum tsa' bʌ subenti mi caj i yʌq'uentel. Tsa' loq'ui anquese mach ña'tʌbilic i cha'an baqui woli' majlel.

Santiago 2:21

¿Mach ba anic tsa' q'uejli ti toj lac tat Abraham cha'an ti wen bʌ i melbal che' bʌ tsi' yʌc'ʌ ti chʌmel i yalobil i c'aba' Isaac ya' ti' pulʌntib i majtan Dios?