Genesis 26:4 - Chol: I T’an Dios

⁴ Mi caj c p'ojlesan a p'olbal che' bajche' jini ec' ti panchan. Mi caj cʌq'uen a p'olbal pejtel ili lum. Ti' tojlel a p'olbal mi caj i yʌq'uentelob i yutslel c t'an winicob x'ixicob ti pejtelel pañimil

Chol de Tumbalá Bible

⁴ Mi caj c p'ojlesan a p'olbal che' bajche' jini ec' ti panchan. Mi caj cʌq'uen a p'olbal pejtel ili lum. Ti' tojlel a p'olbal mi caj i yʌq'uentelob i yutslel c t'an winicob x'ixicob ti pejtelel pañimil

Jiñi Tsiji' bʌ Wen T'añ cha'añ Estudio

⁴ Mi caj c p'ojlesan a p'olbal che' bajche' ec' ti panchan; mi caj cʌq'uen a p'olbal pejtelel ili lum; ti' tojlel a p'olbal mi caj i yʌq'ueñtelob i yutslel c t'añ wiñicob x'ixicob ti pejtelel pañimil,

Genesis 26:4 Iomraidhean Croise

Genesis 13:16

Mi caj c p'ojlesan a p'olbal che' bajche' jini ts'ubejn am bʌ ti lum. Mi an majqui mi' tsic jini ts'ubejn mi mejlel i tsic a p'olbal ja'el.

Genesis 15:18

Ti jimbʌ q'uin lac Yum tsi' mele xuc'ul bʌ t'an ti' tojlel Abram. Tsi' yʌlʌ: Mi cʌq'ueñob ili lum a p'olbal c'ʌlʌl ti colem ja' am bʌ ti Egipto c'ʌlʌl ti colem ja' i c'aba' Eufrates.

Genesis 15:5

Lac Yum tsi' pʌyʌ loq'uel Abram ti jumpat. Tsi' yʌlʌ: Q'uele jini panchan. Tsiqui jini ec' mi tsa' mejli a tsic. Che'ʌch mi' caj ti p'ojlel a p'olbal, che'en lac Yum.

Genesis 18:18

Come isujm mi caj i p'ojlel i yalobilob Abraham. Wen ñuc mi caj i yajñelob, wen p'ʌtʌlob ja'el. Pejtel winicob x'ixicob año' bʌ ti pañimil mi caj i tajob i yutslel c t'an ti Abraham.

Genesis 26:24

Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Genesis 28:14

Lajal ti tsicol mi caj i yajñel a p'olbal che' bajche' ts'ubejn. Mi caj i pam pujquelob ba' mi' bʌjlel q'uin yic'ot ba' mi' pasel q'uin, yic'ot ti norte yic'ot ti sur. Cha'añet yic'ot cha'an a p'olbal mi caj i yʌq'uentelob i yutslel c t'an winicob x'ixicob ti jujunmojt.

Genesis 28:3

La' i yʌq'ueñet i yutslel i t'an Dios, jini Mach Bʌ Anic i P'isol i P'ʌtʌlel. La' i yʌq'ueñet cabʌl a walobilob. La' i p'olbeñet a walobilob ti mojt ti mojt.

Genesis 35:12

Mi caj cʌq'ueñet jini lum tsa' bʌ cʌq'ue Abraham yic'ot Isaac. Mi caj cʌq'ueñob a p'olbal ja'el mu' bʌ caj i tilelob, che'en.

Genesis 47:27

Tsa' chumle Israel ti' lumal Egipto ya' ti lum i c'aba' Gosén. Tsi' tajayob i chubʌ'an ya'i. Tsa' p'ojliyob i yalobilob. Tsa' wen p'ojliyob.

1 Cronicas 27:23

Pero David ma'anic tsi' ch'ʌmʌ ti tsic jini maxto bʌ anic junc'al i jabilel, come lac Yum Dios tsi' wʌn sube cha'an mi caj i p'ojlesan jini israelob che' bajche' ec' ti panchan.

Salmos 72:17

Chʌn an i p'ʌtʌlel i c'aba' ti pejtelel ora. Mux i sujbel i ñuclel che' anto q'uin. Mux i tajob i wenlel winicob x'ixicob ti pejtelel pañimil cha'an jini Rey. Mux caj i yʌlob uts'at i pusic'al.

Exodo 32:13

Ña'tan Abraham yic'ot Isaac yic'ot Israel. Jiñʌch a winicob tsa bʌ a wʌq'ueyob a t'an che' bʌ tsa' wʌlʌ: “Joñon mi caj c p'ojlesan a p'olbal, che' lajal bajche ec' ti panchan. Mi caj cʌq'ueñob la' p'olbal ili lum baqui tsa' cʌlʌ. Mi caj i ch'ʌmob ti' wenta ti pejtelel ora”. Che' tsa' wʌlʌ, che'en Moisés.

Exodo 6:4

Tsa cʌq'ueyob xuc'ul bʌ c t'an cha'an mi caj cʌq'ueñob i lumal Canaán ba' tsa' poj ajniyob yic'ot Jacob.

Hechos 3:25

Jatetla i yalobiletla x'alt'añob. I cha'añetla jini trato bʌ t'an subebilo' bʌ lac ñojte'el cha'an Dios che' bʌ tsi' sube Abraham: “Ti pejtelel año' bʌ ti pañimil mi caj i tajob i wenlel cha'an a p'olbal”, che'en.

Gálatas 3:16

Dios tsi' yʌq'ue Abraham yic'ot juntiquil i p'olbal jini albil bʌ t'an. Ma'anic tsi' yʌlʌ i p'olbalob, pero i p'olbal, come juntiquil jach, jiñʌch Cristo.

Gálatas 3:8

Wʌn ts'ijbubil ti' t'an Dios, mi caj i ñusʌbeñob i mul. Mi caj i yotsañob jini gentilob ti' wenta che' mi' ñopob Dios. Jini cha'an tsa' wʌn subenti Abraham jini wen t'an: “Ti a tojlel mi caj i tajob i wenlel pejtel tejclumob”.

Deuteronomio 13:17

Mach yomic mi la' wis tʌl jini chocbilix bʌ. Che' jini mi caj i lajmel i mich'ajel Dios lac Yum cha'an mi' p'untañetla. Che' jini muq'uix i p'ojlesañetla che' bajche' tsi' wʌn subeyob la' ñojte'elob.

Deuteronomio 9:5

Mach cha'anic tojetla mi cha'anic wen la' pusic'al mi caj la' wochel ti chumtʌl ti lum, pero cha'an jontolob. Jini cha'an lac Yum mi caj i chocob loq'uel ti la' tojlel cha'an mi' ts'ʌctiyel i t'an tsa' bʌ i wʌn subeyob la' ñojte'elob, Abraham yic'ot Isaac yic'ot Jacob.

Hebreos 11:2

Che'ʌch tsi' ñopoyob Dios jini winicob ti oñiyi. Jini cha'an Dios tsi' q'ueleyob ti uts'at.