Genesis 26:24 - Chol: I T’an Dios

²⁴ Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Chol de Tumbalá Bible

²⁴ Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Jiñi Tsiji' bʌ Wen T'añ cha'añ Estudio

²⁴ Ti jiñi jach bʌ ac'ʌlel lac Yum tsi' pʌsʌ i bʌ ba'añ Isaac, tsi' su'be: “Joñon i Dioson a tat Abraham. Mach a cha'len bʌq'uen, come añon quic'otet. Mi caj cʌq'ueñet i yutslel c t'añ yic'ot mi caj c p'ojlesan a walobil cha'añ i c'uxbintel c wiñic Abraham.”

Genesis 26:24 Iomraidhean Croise

Genesis 13:16

Mi caj c p'ojlesan a p'olbal che' bajche' jini ts'ubejn am bʌ ti lum. Mi an majqui mi' tsic jini ts'ubejn mi mejlel i tsic a p'olbal ja'el.

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Genesis 17:7

Mi caj c wa'chocon xuc'ul bʌ c t'an quic'otet quic'ot a p'olbal ti pejtelel ora. Jiñʌch xuc'ul bʌ c t'an: Joñon a Dioson, i Dioson a p'olbalob.

Genesis 17:8

Mi caj cʌq'ueñet yic'ot a p'olbal pejtel i lumal Canaán ba' woliyet ti ñumel majlel. La' cha'añʌch ti pejtelel ora, come Dioson, che'en.

Genesis 21:17

Dios tsi' yubibe i t'an ch'iton. I yángel Dios ti panchan tsi' pejca Agar. Tsi' sube: ¿Chuqui wola' wubin? Mach a cha'len bʌq'uen, come Dios tsi' yubibe i t'an jini ch'iton ya' ba'an.

Genesis 22:17

Mi caj c wen aq'ueñet cutslel. Mi caj c wen p'ojlesʌbeñet a p'olbal jinto lajal ti tsicol che' bajche' ec' am bʌ ti panchan, che' bajche' ji' am bʌ ti' ti' colem ñajb. Mi caj i cha'leñob yumʌl ti' tojlel i contrajob.

Genesis 22:19

Tsa' cha' majli Abraham ba' woli' pijtañob i winicob. Temelob tsa' cajiyob ti majlel ti Beerseba. Ya' tsa' c'oti ti chumtʌl Abraham.

Genesis 24:12

Tsi' yʌlʌ: C Yum, i Dioset c yum Abraham, coltañon ti que'tel ti ili q'uin. Pʌsben c yum Abraham i yutslel a pusic'al.

Genesis 28:13

Ya' wa'al lac Yum ti' chañelal. Tsi' yʌlʌ: Joñon Yumʌlon, i Dioson Abraham a tat, i Dioson Isaac. Mi caj cʌq'ueñet yic'ot a p'olbal jini lum ba' ñololet.

Genesis 28:15

Añon quic'otet. Mi caj cʌntañet baqui jach ma' majlel. Mi caj c cha' pʌyet tilel ti ili lum. Ma'anic mi caj j cʌyet jinto mic mel jini tsa bʌ c subeyet, che'en.

Genesis 28:3

La' i yʌq'ueñet i yutslel i t'an Dios, jini Mach Bʌ Anic i P'isol i P'ʌtʌlel. La' i yʌq'ueñet cabʌl a walobilob. La' i p'olbeñet a walobilob ti mojt ti mojt.

Genesis 30:27

Labán tsi' sube: Awocolic pʌsbeñon i yutslel a pusic'al. Mach a cʌyon come cujil wolix i yʌq'ueñon c wenlel lac Yum cha'an wola' coltañon, che'en.

Genesis 31:5

Jacob tsi' subeyob: Cujil ma'anix mi' chʌn q'uelon ti uts'at la' tat che' bajche' ti ñaxan. Pero i Dios c tat woli' coltañon. Anto quic'ot.

Genesis 39:2

An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Genesis 39:3

I yum José tsi' q'uele an lac Yum yic'ot. Lac Yum tsi' wen colta ti pejtelel chuqui tsi' mele.

Genesis 46:1

Israel tsa' caji ti xʌmbal majlel yic'ot pejtelel i chubʌ'an. Tsa' c'oti ti Beerseba. Tsi' yʌq'ue i majtan Dios, i Dios Isaac. Jini Isaac i tat Jacob.

1 Reyob 17:13

Pero Elías tsi' sube: Mach a cha'len bʌq'uen. Cucu, melbeñon ts'ita' waj. Ch'ʌmbeñon tilel cha'an mij c'ux. Ñaxañon, ti wi'il jatetla.

Exodo 14:13

Moisés tsi' subeyob: Mach la' cha'len bʌq'uen. Ch'ejl'esan la' bʌ. Q'uelela bajche' mi caj i coltañet lac Yum wʌle. Come ma'anix mi caj la' chʌn q'uel jini egiptojob woli bʌ la' q'uel wʌle.

Exodo 3:6

Tsi' yʌlʌ: Joñon i Dioson a tat, i Dioson Abraham, i Dioson Isaac, i Dioson Jacob, che'en. Moisés tsi' mʌcʌ i wut come mach yomic i q'uel Dios cha'an bʌq'uen.

Isaias 12:2

Awilan, Dios jiñʌch caj coltaya. Xuc'ul mi caj c ñop. Ma'anix chuqui mi caj c bʌc'ñan, come c Yum Dios jiñʌch c p'ʌtʌlel. Jiñʌch mu' bʌ j c'ʌyin come caj coltayajʌch.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Isaias 44:2

A Yum tsa' bʌ i meleyet che' cʌntʌbilet to, jiñʌch mu' bʌ caj i coltañet, che'en. Mach a cha'len bʌq'uen c winic Jacob, tojet bʌ. Tsac yajcayet.

Isaias 51:12

Joñon la' Yumon. Mic ñuq'uesʌbeñetla la' pusic'al. Mi cʌq'ueñetla la' tijicñʌyel. ¿Yom ba mi la' bʌc'ñan winicob yujilo' bʌ chʌmel? ¿Mach ba lajalobic bajche' pimel?

Isaias 51:7

Ñich'tanla c cha'añet bʌ la, mu' bʌ la' mel chuqui toj, mu' bʌ la' p'is ti la' wenta j cʌntesʌbal. Mach la' bʌc'ñan winicob yujilo' bʌ a'leya. Mach la' mel la' pusic'al che' mi' p'ajetob.

Lamentaciones 3:57

Tsa' lʌc'tesa a bʌ ti jim bʌ ora che' bʌ tsac pejcayet. Tsa' wʌlʌ: Mach a cha'len bʌq'uen, che'et.

Levitico 26:42

joñon mi caj c ña'tan jini xuc'ul bʌ t'an tsa' bʌ cʌq'ue Jacob, yic'ot Isaac, yic'ot Abraham. Che' jini muq'uix c cha' c'uxbiñob.

Levitico 26:45

Cha'an ti' caj wolij c'uxbin jini israelob, mi caj c chʌn ña'tan jini xuc'ul bʌ c t'an tsa' bʌ cʌq'ue i ñojte'elob cha'an mi' Diosiñoñob. Come tsac loc'sa i ñojte'elob ti Egipto ti' tojlel pejtelel winicob x'ixicob ti yambʌ lum tac. Joñon Yumʌlon, che'en.

Mateo 22:32

Tsi' yʌlʌ: “Joñon I Dioson Abraham, I Dioson Isaac, I Dioson Jacob”, che'en. mach i Diosic chʌmeño' bʌ, pero i Diosʌch cuxulo' bʌ, che'en Jesús.

Lucas 12:32

Mach mi la' cha'len bʌq'uen anquese mach cabʌleticla come la' Tat tsi' pʌyʌyetla ti' yumʌntel, come che'ʌch yom i pusic'al.

Hechos 7:32

“Joñon i Dioson a ñojte'el, i Dioson Abraham, i Dioson Isaac, i Dioson Jacob”, che'en Dios. Mach yomic i chʌn q'uel Moisés, come tsiltsilña jax ti bʌq'uen.

Deuteronomio 13:17

Mach yomic mi la' wis tʌl jini chocbilix bʌ. Che' jini mi caj i lajmel i mich'ajel Dios lac Yum cha'an mi' p'untañetla. Che' jini muq'uix i p'ojlesañetla che' bajche' tsi' wʌn subeyob la' ñojte'elob.

Deuteronomio 31:6

P'ʌtesan la' bʌ. Yom mi la' ch'ejl'an. Mach yomic mi la' bʌc'ñañob, come lac Yum Dios temel mi caj i majlel la' wic'ot. Ma'anic mi caj i cʌyetla. Ma'anic mi caj i choquetla. Che' tsi' yʌlʌ Moisés.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.

Hebreos 13:6

Jini cha'an, yom ch'ejl lac pusic'al mi lac sub: “Lac Yum jiñʌch caj Coltaya. Ma'anic mi caj c bʌc'ñan chuqui mi' tumbeñon winicob”, cho'onla.

Apocalipsis 1:17

Che' bʌ tsaj q'uele, tsa' yajliyon ti' yoc che' bajche' chʌmen bʌ. Tsi' yʌc'ʌ ñoj bʌ i c'ʌb tic jol. Tsi' subeyon: Mach a cha'len bʌq'uen. Añon ti ñaxan, añon ti' yujtibal.

xRut 3:11

Mach a mel a pusic'al. Mi caj c melbeñet pejtel chuqui wola' c'ajtibeñon. Come cʌmbilet i cha'an pejtel c pi'ʌlob. Laj yujilob uts'at bʌ x'ixiquet.