Genesis 26:14 - Chol: I T’an Dios

¹⁴ An i cha'an tiñʌme' yic'ot wacax yic'ot cabʌl winicob x'ixicob. Tsʌytsʌyña i pusic'al jini filisteojob cha'an i chubʌ'an Isaac.

Chol de Tumbalá Bible

¹⁴ An i cha'an tiñʌme' yic'ot wacax yic'ot cabʌl winicob x'ixicob. Tsʌytsʌyña i pusic'al jini filisteojob cha'an i chubʌ'an Isaac.

Jiñi Tsiji' bʌ Wen T'añ cha'añ Estudio

¹⁴ Añ i cha'añ ca'bʌl tʌñʌme' yic'ot ca'bʌl wacax yic'ot ca'bʌl x'e'telob i cha'añ. Jiñi filisteojob tsʌytsʌyñayob i pusic'al cha'añ i chu'bʌañ Isaac.

Genesis 26:14 Iomraidhean Croise

Genesis 12:16

Faraón tsi' yʌq'ue i majtan Abram che' bʌ tsi' q'uele jini x'ixic. An i cha'an Abram tiñʌme', yic'ot wacax, yic'ot tat burro, yic'ot mozojob, yic'ot criadajob, yic'ot i ña'al tac burro, yic'ot camello tac.

Genesis 13:2

Wen chumul Abram. An i cha'an wacax yic'ot plata yic'ot oro.

Genesis 24:35

Lac Yum tsi' wen aq'ue Abraham i yutslel i t'an. Cabʌlix i ñuclel. Lac Yum tsi' yʌq'ue cabʌl tiñʌme', yic'ot wacax, yic'ot plata, yic'ot oro, yic'ot x'e'telob, yic'ot criadajob, yic'ot camello, yic'ot burro.

Genesis 25:5

Abraham tsi' yʌq'ue Isaac pejtelel i chubʌ'an.

Genesis 30:43

Jini cha'an wen rico tsa' majli Jacob. Wen cabʌl tsa' p'ojli i tiñʌme'. An i cha'an ja'el xch'oc bʌ criada, yic'ot mozojob, yic'ot cabʌl camello, yic'ot burro.

Genesis 37:11

Tsʌytsʌñayob i pusic'al i yʌscuñob cha'an José. Pero i tat tsi' chʌn ña'tʌbe i t'an.

Job 1:3

An i cha'an cabʌl i yʌlac' ja'el, wucp'ejl mil tiñʌme', uxp'ejl mil camello, jo'c'al i yuxbajc' (1,000) tat wacax yic'ot jo'c'al i cha'bajc' (500) i ña'al burro. An cabʌl i winicob ja'el. Ma'anic ñuc bʌ winic lajal bajche' Job ti pejtelel lum ya' ba' mi' pasel q'uin.

Job 42:12

Lac Yum ñumen tsi' yʌq'ue i yutslel che' ñoxix. Tsi' cha' taja i wenlel che' bajche' ti yambʌ ora che' ch'iton to. Tsa' p'ojli i yʌlac' c'ʌlʌl añʌchix i cha'an chʌnlujump'ejl mil (14,000) tiñʌme' yic'ot wʌcp'ejl mil camello, yic'ot cha'p'ejl mil wacax, yic'ot jump'ejl mil burro.

Job 5:2

Jini tonto bʌ mi' bajñel tsʌnsan i bʌ ti mich'ajel. Jini mu' bʌ i lon mich'len i pi'ʌlob cha'an tsʌytsʌyña i pusic'al mi' bajñel jisan i bʌ.

Salmos 112:10

Jini xjontolil mi caj i mel i pusic'al che' mi' q'uel. Mich' mi caj i q'uel, tsʌytsʌña jax i pusic'al, pero mi caj i sʌc jilel. Jini jontolo' bʌ ma'anic mi caj i tajob chuqui tac yomob.

Salmos 112:3

Wen chumul jini winic. An cabʌl i chubʌ'an ti' yotot. Mi caj i chʌn ña'tʌntel cha'an toj bʌ i melbal.

Proverbios 10:22

Mi' yochel ti rico jini mu' bʌ i taj i yutslel i pusic'al lac Yum. Mach xʌbʌlic ti ch'ijiyem bʌ chu' bʌ mi' yʌq'uentel ti Dios.

Proverbios 27:4

Jontol jax jini woli bʌ ti mich'ajel. Bʌbʌq'uen ja'el. Pero ñumen wocol ti cuchol jini tsʌytsʌña jax bʌ i pusic'al.

Eclesiastes 4:4

Tsa' caji j q'uel tsʌytsʌyña jax i pusic'alob winicob. Chuqui tac jach mi' ganarin jini bʌx bʌ ti e'tel mi' mulʌbeñob i pi'ʌlob. Yom mi' lolon tajob ja'el. Pero lolom jach mi' tsʌjyubeñob i chubʌ'an i pi'ʌl. To'ol ic' jach woli' yajñesañob.

1 Samuel 18:9

Che' ti yijc'ʌlal tsa' c'oti ti' tojlel Saúl jini jontol bʌ espíritu chocbil bʌ tilel ti Dios. Che' jini Saúl tsa' caji ti capa wots'ol bʌ t'an ti' yotot. David tsa' cha' caji' ñijcan jini arpa che' bajche' ti yambʌ ora. Chucul i cha'an i lanza jini Saúl.