Genesis 24:7 - Chol: I T’an Dios

⁷ Lac Yum, jini Dios am bʌ ti panchan, tsa' bʌ i pʌyʌyon loq'uel ti' yotot c tat ya' tic lumal ba' tsa quila pañimil, jiñʌch tsa' bʌ i pejcayon, tsa' bʌ i yʌq'ueyon i t'an. Tsi' yʌlʌ: “Mi caj cʌq'uen a p'olbal ili lum”. Che' tsi' yʌlʌ Dios, che'en Abraham. Dios mi caj i choc majlel i yángel ti a tojel. Che' jini mux caj a c'ajtiben i yijñam calobil ya'i.

Chol de Tumbalá Bible

⁷ Lac Yum, jini Dios am bʌ ti panchan, tsa' bʌ i pʌyʌyon loq'uel ti' yotot c tat ya' tic lumal ba' tsa quila pañimil, jiñʌch tsa' bʌ i pejcayon, tsa' bʌ i yʌq'ueyon i t'an. Tsi' yʌlʌ: “Mi caj cʌq'uen a p'olbal ili lum”. Che' tsi' yʌlʌ Dios, che'en Abraham. Dios mi caj i choc majlel i yángel ti a tojel. Che' jini mux caj a c'ajtiben i yijñam calobil ya'i.

Jiñi Tsiji' bʌ Wen T'añ cha'añ Estudio

⁷ Lac Yum, i Dios bʌ panchan, tsa' bʌ i pʌyʌyon loq'uel ti yotot c tat ya' tic lumal ba'añ c pi'ʌlob, jiñʌch tsa' bʌ i pejcayon, tsa' bʌ i yʌq'ueyon i t'añ, tsi' yʌlʌ: “Mi caj cʌq'uen a p'olbal ili lum.” Dios mi caj i choc majlel i yángel ti a tojel cha'añ ma' pʌy tilel i yijñam calobil ya'i.

Genesis 24:7 Iomraidhean Croise

Genesis 13:15

Come mi caj cʌq'ueñet pejtel jini lum woli bʌ a q'uel. Mi caj cʌq'ueñob a p'olbal ti pejtelel ora.

Genesis 15:18

Ti jimbʌ q'uin lac Yum tsi' mele xuc'ul bʌ t'an ti' tojlel Abram. Tsi' yʌlʌ: Mi cʌq'ueñob ili lum a p'olbal c'ʌlʌl ti colem ja' am bʌ ti Egipto c'ʌlʌl ti colem ja' i c'aba' Eufrates.

Genesis 16:7

I yángel lac Yum tsi' taja Agar ba'an cuxul bʌ ja' ti jochol bʌ lum, jini cuxul bʌ ja' am bʌ ti' bijlel Shur.

Genesis 17:8

Mi caj cʌq'ueñet yic'ot a p'olbal pejtel i lumal Canaán ba' woliyet ti ñumel majlel. La' cha'añʌch ti pejtelel ora, come Dioson, che'en.

Genesis 21:17

Dios tsi' yubibe i t'an ch'iton. I yángel Dios ti panchan tsi' pejca Agar. Tsi' sube: ¿Chuqui wola' wubin? Mach a cha'len bʌq'uen, come Dios tsi' yubibe i t'an jini ch'iton ya' ba'an.

Genesis 22:11

I yángel lac Yum am bʌ ti panchan tsi' pejca. Tsi' yʌlʌ: Abraham, Abraham, che'en. Tsi' jac'ʌ: Wʌ' añon, che'en.

Genesis 24:40

C yum tsi' subeyon: “Jini lac Yum woli bʌ i cʌntañon majlel mi caj i choc tilel i yángel i pi'leñet majlel cha'an mi' coltañet. Mi caj a sʌclʌben i yijñam calobil ti' tojlel c pi'ʌlob ti' yotot c tat.

Genesis 26:24

Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Esdras 1:2

Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá.

Salmos 103:20

Ch'ujutesanla lac Yum, ángelob cabʌl bʌ la' p'ʌtʌlel, Mu' bʌ la' jac'ben i t'an, mu' bʌ la' melben chuqui mi' yʌl.

Salmos 136:26

Subenla wocolix i yʌlʌ Dios am bʌ ti panchan Come ti pejtelel ora an i yutslel i pusic'al.

Salmos 32:8

Woli' yʌl lac Yum: Mi caj j cʌntesañet. Mi caj c pʌsbeñet jini bij baqui yom ma' majlel. Mi caj c toj'esañet majlel tic wut.

Salmos 34:7

I yAngel lac Yum mi' joy mʌctan jini mu' bʌ i bʌc'ñañob lac Yum. Mi' coltañob.

Salmos 73:24

Mi caj a chʌn toj'esañon majlel ti a t'an che' wʌ'to añon ti pañimil. Ti wi'il mi caj a pʌyon majlel ti panchan ba'an a ñuclel.

Exodo 13:5

Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Exodo 32:13

Ña'tan Abraham yic'ot Isaac yic'ot Israel. Jiñʌch a winicob tsa bʌ a wʌq'ueyob a t'an che' bʌ tsa' wʌlʌ: “Joñon mi caj c p'ojlesan a p'olbal, che' lajal bajche ec' ti panchan. Mi caj cʌq'ueñob la' p'olbal ili lum baqui tsa' cʌlʌ. Mi caj i ch'ʌmob ti' wenta ti pejtelel ora”. Che' tsa' wʌlʌ, che'en Moisés.

Exodo 33:2

Joñon mi caj c chocbeñetla majlel jini ángel ti ñaxan ti la' tojlel. Mi caj c loc'sʌbeñetla jini cananeojob, yic'ot amorreojob, yic'ot hetejob, yic'ot fereseojob, yic'ot heveojob, yic'ot jebuseojob.

Isaias 63:9

Ti pejtelel i wocol c tat lojon tsa' wubi wocol. A bajñel tsa' coltayob ti a c'uxbiya, ti' yutslel a pusic'al. Tsa' ch'uyuyob letsel ti a c'ʌb. Tsa' meq'ueyob majlel. Ma'anic tsa' wis cʌyʌyob.

Daniel 2:44

Che' woliyob ti yumʌntel, jini Dios am bʌ ti panchan mi caj i wa'chocon yambʌ Yumʌl, mach bʌ yujilic jilel. Mi caj i mʌjlel i cha'an. Mi caj i laj jisan pejtel jini yumʌlob. Mi caj i yajñel ti pejtelel ora.

Jonas 1:9

Jonás tsi' subeyob: Hebreojon. Mic bʌc'ñan lac Yum, jini Dios am bʌ ti panchan tsa' bʌ i mele colem ñajb yic'ot lum. Tsi' subeyon majlel ti Nínive pero mach comic majlel, che'en.

Numeros 11:12

¿Calobilob ba? ¿I taton ba? ¿Chucoch mic wersa cʌntañob che' bajche' alʌlob, che' lajal bajche' x'ixic mi' mec' majlel i yalobil cha'an mi' tsu'san? Che'ʌch wolic pʌyob majlel ti jini lum ba' mi caj a wʌq'ueñon lojon che' bajche' tsa' wʌn subeyob c ñojte'el lojon.

Numeros 14:16

“Wersa tsi' tsʌnsayob i Yum, come ma'anic tsa' mejli i cʌntañob ti tiquiñal bʌ pañimil. Ma'anic tsa' mejli i yotsañob ti jini wen bʌ lum, anquese tsi' yʌq'ueyob i t'an cha'an mi caj i yotsañob ya'i”. Che' mi caj i lon alob.

Numeros 14:30

Pero Caleb, i yalobil Jefone, yic'ot Josué i yalobil Nun, mi' cajelob ti ochel ti jini lum cha'an mi' ts'ʌctiyel c t'an.

Hechos 7:5

Dios ma'anic chuqui tsi' yʌq'ue Abraham ilayi, mi ts'ita'ic lum, pero tsi' yʌq'ue i t'an. Tsi' sube mi caj i yotsan ti' yum jini lum yic'ot i p'olbal ja'el anquese maxto anic i yalobil.

Deuteronomio 1:8

Cucula, q'uelela. La' cha'añʌch jini lum come woli cʌq'ueñetla. Yom mi la' wochel ti chumtʌl ya'i che' bajche' tsac wʌn subeyob la' tat Abraham, yic'ot Isaac, yic'ot Jacob. La' cha'añʌch come i p'olbaletla. Che' tsi' yʌlʌ lac Yum.

Deuteronomio 34:4

Lac Yum tsi' sube Moisés: Jiñʌch jini lum woli bʌ cʌq'ueñob israelob che' bajche' tsac subeyob Abraham, yic'ot Isaac, yic'ot Jacob. Wʌle, tsa'ix a q'uele, pero ma'anic mi caj a wochel ya'i, che'en lac Yum.

Hebreos 1:14

Pejtelel jini ángelob, ¿mach ba espíritujobic mu' bʌ i cha'leñob e'tel? ¿Mach ba chocbilobic tilel cha'an mi' cʌntañob jini mu' bʌ caj i coltʌntelob?

Hebreos 11:9

Cha'an tsi' ñopo Dios, Abraham tsa' chumle ya' ti jini yajcʌbil bʌ lum che' bajche' tsi' sube lac Yum. Ya' tsa' chumle ti' lumal yambʌ yumʌlob. Tsa' chumle ti pisil bʌ otot che' bajche' Isaac yic'ot Jacob tsa' bʌ aq'uentiyob jini jach bʌ t'an albil bʌ cha'an Dios.

Josue 1:6

Yom ma' p'ʌtesan a bʌ. Yom ch'ejlet, come mi caj a t'oxben ili lum jini winicob x'ixicob cha'an mi' ch'ʌmob. Jiñʌch jini lum mu' bʌ caj cʌq'ueñob che' bajche' tsac wʌn sube a ñojte'elob.

Josue 24:3

Joñon tsac pʌyʌ loq'uel la' ñojte'el Abraham ya' ti' junwejlel jini colem ja' Eufrates. Tsac pʌyʌ ñumel ti pejtelel i lumal Canaán. Tsac p'ojlesʌbe i p'olbal che' bʌ tsa cʌq'ue Isaac.

Apocalipsis 11:13

Ti jim bʌ ora tsa' tili colem yujquel. Tsa' t'oxle yilal tejclum ti lujumpejt. Jumpejt tsa' jili. Tsa' chʌmiyob ojlil i waxʌclujumbajc' (7,000) winicob cha'an jini yujquel. Jini cuxulob to bʌ tsa' wen cajiyob ti bʌq'uen. Tsi' subuyob ñuc Dios am bʌ ti panchan.

Juezob 2:1

I yAngel lac Yum tsa' loq'ui ti Gilgal. Tsa' letsi majlel ti Boquim. Tsi' yʌlʌ: Joñon tsac loc'sayet ti Egipto. Tsa cotsayet ti jini lum che' bajche' tsac sube a ñojte'elob. Wersa mi' ts'ʌctesan jini t'an tsa' bʌ c mele la' wic'ot.