Genesis 22:8 - Chol: I T’an Dios

⁸ Abraham tsi' yʌlʌ: Calobil, Dios mi caj i chajpan tiñʌme' cha'an mic pulben i majtan, che'en. Temel tsa' majliyob.

Chol de Tumbalá Bible

⁸ Abraham tsi' yʌlʌ: Calobil, Dios mi caj i chajpan tiñʌme' cha'an mic pulben i majtan, che'en. Temel tsa' majliyob.

Jiñi Tsiji' bʌ Wen T'añ cha'añ Estudio

⁸ Abraham tsi' jac'ʌ: —Calobil, Dios mi caj i yʌc' tʌñʌme' cha'añ mi' pulel cha'añ i majtañ. Temel tsa' majliyob.

Genesis 22:8 Iomraidhean Croise

Genesis 18:14

¿Mach ba mejlic c mel pejtel chuqui tac wocol? Cha' talon che' i yorajlelix mic ts'ʌctesan c t'an. Mi caj i yilan pañimil i yalobil Sara, che'en.

Genesis 22:14

Abraham tsi' yotsʌbe i c'aba' jini ajñibʌl: Lac Yum mi caj i yʌq'ueñonla lac majtan, che'en. Che'ʌch i c'aba' c'ʌlʌl wʌle. Mi' yʌlob: Ya' ti wits i cha'an lac Yum mi caj i yʌq'ueñonla lac majtan, che'ob.

Genesis 22:7

Isaac tsi' pejca Abraham i tat: C tat, che'en. Abraham tsi' jac'ʌ: Wʌ' añon calobil, che'en. Isaac tsi' yʌlʌ: Awilan, wʌ'an jini xutunte' yic'ot si'. ¿Baqui an jini tiñʌme' cha'an mi' pulel i majtan Dios? che'en.

Genesis 22:9

Tsa' c'otiyob ya' ba' tsi' yʌlʌ Dios. Abraham tsi' mele pulʌntib ya'i. Tsi' yotsʌbe i si'il. Tsi' cʌchʌ Isaac i yalobil. Tsi' ñolchoco ti' pam pulʌntib, ya' ti pam si'.

2 Reyob 2:6

Elías tsi' cha' sube Eliseo: A wocolic cʌlejen ilayi, come lac Yum woli' chocon majlel ti Jordán ja', che'en. Eliseo tsi' yʌlʌ: Ti' c'aba' jini cuxul bʌ Dios, ma'anic mi caj j cʌyet cha'an ma' bajñel cha'len xʌmbal, che'en. Jini cha'an temel tsa' majliyob ti Jordán ja'. Che' bʌ tsa' majliyob, tsi' tsajcayob majlel lujuntiquil i yuxc'al (50) ch'iton x'alt'añob. Tsa' ñajti wa' cʌleyob i q'uelob Elías yic'ot Eliseo ya' ti' ti' Jordán ja'.

2 Cronicas 25:9

Pero Amasías tsi' sube jini x'e'tel i cha'an Dios: Jixcu jini c taq'uin tsa' bʌ cʌq'ueyob jini soldadojob ti Israel, ¿mach ba muq'uic i laj sajtel? che'en. Jini x'e'tel i cha'an Dios tsi' jac'ʌ: La' sajtic. Lac Yum mi mejlel i yʌq'ueñet yambʌ taq'uin ñumen bajche' ti ñaxan, che'en.

Mateo 19:26

Jesús tsi' q'ueleyob. Tsi' subeyob: Mach mejlicob winicob pero Dios mi mejlel i mel ti pejtelel, che'en.

Juan 1:29

Ti yijc'ʌlal Juan tsi' q'uele wolix i tilel Jesús. Tsi' yʌlʌ: Awilan, jiñʌch i Tiñʌme Dios mu' bʌ i ch'ʌm majlel i mul pejtel pañimil.

Juan 1:36

Juan tsi' q'uele Jesús woli bʌ ti xʌmbal ñumel ti lʌc'ʌl. Tsi' yʌlʌ: Q'uelela i Tiñʌme' Dios, che'en.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jini jun ba' otsʌbilob i c'aba' jini año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jini bʌte'el. Jini jun i cha'añʌch jini Tiñʌme' tsa' bʌ tsʌnsʌnti.

Apocalipsis 5:12

Tsi' yʌlʌyob ti c'am bʌ t'an: Uts'at jini Tiñʌme' tsa' bʌ tsʌnsʌnti. Uts'at mi' ch'ʌm i ye'tel yic'ot i chubʌ'an, yic'ot i ña'tʌbal, yic'ot i p'ʌtʌlel yic'ot i ñuclel. Uts'at mi lac sub i ñuclel, che'ob.

Apocalipsis 5:6

Tsaj q'uele ya'an jini Tiñʌme' ti' tojel i buchlib Dios, joyol ti chʌntiquil querubiñob yic'ot ancianojob. Tsiquil tsa' tsʌnsʌnti jini Tiñʌme' pero cha' cuxul. An wucts'ijt i xulub i yejtal i p'ʌtʌlel yic'ot wucp'ejl i wut. Jiñʌch wuctiquil espíritu i cha'an Dios chocbilo' bʌ tilel ti pejtelel pañimil.

Apocalipsis 7:14

Tsac sube: C yum, a wujil jatet, cho'on. Tsi' subeyon: Tsa' loq'uiyob ti ñuc bʌ wocol. Tsa'ix i wuts'uyob i pislel. Tsi' sʌq'uesayob ti' ch'ich'el jini Tiñʌme'.