Genesis 22:4 - Chol: I T’an Dios

⁴ Ti' yuxp'ejlel q'uin Abraham tsi' can q'uele pañimil. Tsi' q'uele jini ajñibʌl ti ñajtʌl.

Chol de Tumbalá Bible

⁴ Ti' yuxp'ejlel q'uin Abraham tsi' can q'uele pañimil. Tsi' q'uele jini ajñibʌl ti ñajtʌl.

Jiñi Tsiji' bʌ Wen T'añ cha'añ Estudio

⁴ Ti' yuxp'ejlel q'uiñ Abraham tsi' can q'uele pañimil, tsi' ñajti q'uele jiñi wits.

Genesis 22:4 Iomraidhean Croise

Genesis 22:3

Wen seb tsa' ch'ojyi Abraham ti sʌc'ajel. Tsa' caji' letsʌben i jatojlel burro. Tsi' pʌyʌ majlel cha'tiquil winicob yic'ot Isaac i yalobil. Tsi' xot'o si' cha'an pulbil bʌ i majtan Dios. Tsa' caji ti majlel ya' ba' tsi' sube Dios.

Genesis 22:5

Abraham tsi' sube i winicob: Poj ajñenla ilayi yic'ot jini burro. Ya' samiyon quic'ot jini ch'iton. Mi caj c ch'ujutesan lojon Dios. Ti wi'il cha' talon lojon ba' añetla.

2 Reyob 20:5

Cucu ba'an Ezequías jini yumʌl bʌ ti' tojlel c tejclum. Suben: “Lac Yum, i Dios a ñojte'el David, woli' yʌl: Tsa'ix cubi a woración. Tsa'ix j q'uele ja'el i ya'lel a wut. Awilan mi caj c lajmesañet. Ti yuxp'ejlel q'uin mi caj a cha' ochel tic Templo.

Ester 5:1

Ti' yuxp'ejlel q'uin Ester tsi' xojo i bujc co'ʌl. Tsa' ochi ti mal i yotot rey ba'an i buchlib. Tsa' wa'le ya' ti corredor. Buchul jini rey ti' buchlib ti mal i yotot ya' ti' tojel i ti' otot.

Exodo 15:22

Moisés tsi' pʌyʌ majlel israelob. Tsi' cʌyʌyob jini Chʌchʌc bʌ Ñajb. Tsa' ochiyob ti colem bʌ i tiquiñal lum i c'aba' Shur. Uxp'ejl q'uin tsi' cha'leyob xʌmbal. Ma'anic tsi' tajayob ja'.

Exodo 19:11

Yom chajpʌbilobix chabi. Come chabi lac Yum mi caj i jubel ya' ti Sinaí ti' tojel pejtelel winicob x'ixicob.

Exodo 19:15

Moisés tsi' subeyob: Yom chajpʌbiletix la chabi. Mach yomic mi la' ñochtan x'ixicob, che'en.

Exodo 5:3

Tsi' yʌlʌyob: I Dios hebreojob tsi' pejcayon lojon. Jini cha'an wersa mic majlel lojon uxp'ejl q'uin xʌmbal ya' ti colem bʌ i tiquiñal lum. Mi caj cʌq'uen lojon tsʌnsʌbil bʌ i majtan c Yum Dios, ame i tsʌnsañon lojon ti c'amʌjel yic'ot ti guerra, che'ob.

Oseas 6:2

Ti cha'p'ejl q'uin mi caj i cha' p'ʌtesañonla. Ti' yuxp'ejlel q'uin mi caj i techonla ch'ojyel cha'an mi la cajñel ti' tojlel.

Levitico 7:17

Mi chʌn an to i bʌc'tal jini we'elʌl che' ti yuxp'ejlel q'uin, yomix mi' pulel ti c'ajc. Mi tsa' to chʌn c'uxle i bʌc'tal jini majtañʌl che' ti yuxp'ejlel q'uin, che' jini lolom jach tsi' yʌc'ʌ. Ma'anix mic ch'ʌm tic wenta come tsa'ix ñumi i yorajlel. Majqui jach mi' c'uxe' mi' taj i mul.

Numeros 10:33

Tsi' cʌyʌyob jini wits i c'aba' Sinaí, jiñʌch i wits lac Yum. Uxp'ejl q'uin tsi' tsʌcleyob majlel jini Arca tsa' bʌ majli ti ñaxan cha'an mi' yajcʌbeñob lum ba' mi' c'ajob i yo.

Numeros 19:19

Jini mach bʌ anic i bibi'lel tic wut, la' i tsijcan ti ja' jini bibi' bʌ che' ti yuxp'ejlel q'uin yic'ot che' ti wucp'ejlel q'uin. Che' ujtemix wucp'ejl q'uin i sʌq'uesʌntel mi caj i wuts' i pislel. Mi' caj ti ts'ʌmel. Che' jini cha' sʌquix che' mi' bʌjlel q'uin.

Numeros 31:19

Ña'tanla ja'el wersa mi la' wajñel wucp'ejl q'uin ti' pat tejclum, majqui jach tsi' tsʌnsa winicob, yic'ot majqui tsi' tʌlʌ xchʌmel. Yom mi la' sʌq'uesan la' bʌ che' ti yuxp'ejlel q'uin yic'ot che' ti wucp'ejlel q'uin, yic'ot ja'el jini mu' bʌ la' pʌyob tilel.

Mateo 17:23

Jini winicob mi caj i tsʌnsañob. Ti yuxp'ejlel q'uin mi caj i cha' tejchel ch'ojyel, che'en Jesús. Wen ch'ijiyem tsi' yubiyob xcʌnt'añob.

Lucas 13:32

Jesús tsi' subeyob: Cucula, subenla jini wax: “Awilan, mic choc loq'uel xibajob. Mic cha'len lajmesaya wʌle yic'ot ijc'ʌl. Ti yuxp'ejlel q'uin mi cujtesan que'tel”. Che'ʌch yom ma' suben.

1 Corintios 15:4

Tsa' mujqui. Ti yuxp'ejlel q'uin tsa' cha' ch'ojyi che' bajche' mi' yʌl ti' Ts'ijbujel Dios.

Josue 1:11

Yom mi la' ñumel ti yojlil ya' ba' woli' jijlelob israelob. Yom mi la' subeñob: “Chajpanla i bʌl lac ñʌc', come ti yuxp'ejlel q'uin mi caj la' c'axel ya' ti Jordán ja' cha'an mi la' wochel ti jini lum mu' bʌ i yʌq'ueñetla lac Yum Dios. Mi caj la' ch'ʌm jini lum ti la' wenta”, che'en.

1 Samuel 26:13

Che' jini tsa' letsi majlel David ti yambʌ wits. Ñajt tsa' wa'le ti' pam jini bujtʌl.