Genesis 22:3 - Chol: I T’an Dios

³ Wen seb tsa' ch'ojyi Abraham ti sʌc'ajel. Tsa' caji' letsʌben i jatojlel burro. Tsi' pʌyʌ majlel cha'tiquil winicob yic'ot Isaac i yalobil. Tsi' xot'o si' cha'an pulbil bʌ i majtan Dios. Tsa' caji ti majlel ya' ba' tsi' sube Dios.

Chol de Tumbalá Bible

³ Wen seb tsa' ch'ojyi Abraham ti sʌc'ajel. Tsa' caji' letsʌben i jatojlel burro. Tsi' pʌyʌ majlel cha'tiquil winicob yic'ot Isaac i yalobil. Tsi' xot'o si' cha'an pulbil bʌ i majtan Dios. Tsa' caji ti majlel ya' ba' tsi' sube Dios.

Jiñi Tsiji' bʌ Wen T'añ cha'añ Estudio

³ Wen se'b tsa' ch'ojyi Abraham ti sʌc'ajel, tsi' chajpa i burro tsi' pʌyʌ majlel cha'tiquil i wiñicob yic'ot Isaac i yalobil. Ti wi'il tsi' xot'o si' cha'añ mi' pulben i majtañ Dios, tsa' caji ti majlel ya' ba' tsi' su'be Dios.

Genesis 22:3 Iomraidhean Croise

Genesis 17:23

Abraham tsi' pʌyʌ Ismael i yalobil yic'ot pejtel x'e'telob i cha'an tsa' bʌ i yilayob pañimil ti' yotot yic'ot jini mʌmbilo' bʌ ti' taq'uin, pejtelel winicob ti' yotot Abraham. Tsi' tsepbeyob i pʌchʌlel i bʌc'tal ti jini jach bʌ q'uin, che' bajche' Dios tsi' sube.

Genesis 21:14

Ti yijc'ʌlal tsa' seb ch'ojyi Abraham. Tsi' ch'ʌmʌ waj yic'ot ja' ti pʌchi bʌ i yajñib. Tsi' yʌq'ue Agar. Tsi' yʌc'ʌ ti' quejlab. Tsi' choco majlel Agar yic'ot jini ch'iton. Agar tsa' caji ti ñumel majlel ti jochol bʌ lum i c'aba' Beerseba.

Genesis 22:18

Winicob x'ixicob ti pejtelel pañimil mi caj i yʌq'uentelob i wenlel c t'an ti' tojlel a p'olbal, cha'an tsa' jac'beyon c t'an, che'en lac Yum.

Genesis 22:2

Dios tsi' yʌlʌ: Pʌyʌyix majlel ch'iton bʌ a walobil, jini cojach bʌ a walobil Isaac mu' bʌ a c'uxbin. Cucu ti lum i c'aba' Moríah. Aq'ueñon a walobil cha'an pulbil bʌ c majtan ya' ti jump'ejl wits mu' bʌ caj c pʌsbeñet, che'en.

Genesis 22:4

Ti' yuxp'ejlel q'uin Abraham tsi' can q'uele pañimil. Tsi' q'uele jini ajñibʌl ti ñajtʌl.

Salmos 119:60

Tsac se'ñu c bʌ cha'an mic jac'beñet a mandar.

Eclesiastes 9:10

Ti pejtelel chuqui ma' mel, mele bajche' yom melol, come ma'anix e'tel ba' ma' majlel. Ma'anix chuqui ma' wis ña'tan a mel.

Mateo 10:37

Jini mu' bʌ i ñumen c'uxbin i tat i ña' bajche' mi' c'uxbiñon mach uts'atic mij q'uel. Jini mu' bʌ i ñumen c'uxbin i yalobil bajche' mi' c'uxbiñon mach uts'atic mij q'uel.

Lucas 14:26

Mi an majqui mi' ñochtañon mach bʌ anic mi' ts'a'len i tat, i ña', i yijñam, i yalobilob, i yijts'iñob, i yʌscuñob, i chichob, yic'ot i cuxtʌlel ja'el, mach mejlic ti ochel ti xcʌnt'an c cha'an.

Gálatas 1:16

che' bʌ tsi' pʌsbeyon i Yalobil. Tsi' yʌc'ʌ ti tsictiyel i Yalobil ti joñon che' bajche' yom i pusic'al cha'an mic sub Cristo ti' tojlel jini mach bʌ i cʌñʌyobic Dios. Che' jini ma'anic tsaj c'ajtibe winicob i sujmlel jini wen t'an.

Hebreos 11:8

Abraham tsi' ñopo Dios. Jini cha'an tsi' jac'ʌ i pʌyol. Tsa' majli i taj i lum tsa' bʌ subenti mi caj i yʌq'uentel. Tsa' loq'ui anquese mach ña'tʌbilic i cha'an baqui woli' majlel.

Josue 3:1

Che' ti wen sʌc'ajel Josué yic'ot pejtelel winicob israelob tsa' loq'uiyob ya' ti Sitim ya' ba' tsa' jijliyob ti lejchempat tac. Tsa' cajiyob ti c'otel ya' ti Jordán ja'. Ya' tsa' jijliyob.

Josue 8:10

Tsa' ch'ojyi ti wen sʌc'ajel. Tsi' pʌyʌ tilel jini soldadojob. Tsa' majliyob ti guerra ti' contra Hai. Ñaxan tsa' majli Josué yic'ot soldadojob israelob añobix bʌ i jabilel.