Genesis 22:16 - Chol: I T’an Dios

¹⁶ Tsi' yʌlʌ: Tij c'aba' tsac wersa ac'ʌ c t'an, cha'an tsa' jac'ʌ chuqui tsac subeyet. Ma'anic tsa' chʌclebeyon a walobil. Tsa' wʌq'ueyon jini cojach bʌ a walobil.

Chol de Tumbalá Bible

¹⁶ Tsi' yʌlʌ: Tij c'aba' tsac wersa ac'ʌ c t'an, cha'an tsa' jac'ʌ chuqui tsac subeyet. Ma'anic tsa' chʌclebeyon a walobil. Tsa' wʌq'ueyon jini cojach bʌ a walobil.

Jiñi Tsiji' bʌ Wen T'añ cha'añ Estudio

¹⁶ tsi' su'be: —Tij c'aba' tsa' cʌc'ʌ c t'añ, che'en lac Yum, cha'añ tsa' jac'ʌ chuqui tsa' c su'beyet, ma'añic tsa' chʌclibeyon a walobil, tsa' wʌq'ueyon jiñi cojach bʌ a walobil,

Genesis 22:16 Iomraidhean Croise

Genesis 12:2

Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Genesis 22:12

Tsi' yʌlʌ: Mach a tsʌnsan jini ch'iton. Mach ma' tic'lan, come cujilix wola' bʌc'ñan Dios. Tsa' wʌq'ueyon a walobil, jini cojach bʌ a walobil, che'en.

Genesis 22:15

I yángel lac Yum tsi' pejca Abraham ti cha'yajlel. Tsa' loq'ui i t'an ti panchan.

Genesis 22:2

Dios tsi' yʌlʌ: Pʌyʌyix majlel ch'iton bʌ a walobil, jini cojach bʌ a walobil Isaac mu' bʌ a c'uxbin. Cucu ti lum i c'aba' Moríah. Aq'ueñon a walobil cha'an pulbil bʌ c majtan ya' ti jump'ejl wits mu' bʌ caj c pʌsbeñet, che'en.

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

Genesis 26:5

cha'an tsi' jac'ʌ c t'an Abraham. Ti pejtelel chuqui tsac sube tsi' jac'ʌ c mandar, che'en lac Yum.

1 Cronicas 16:16

Jiñʌch tsa' bʌ i yʌq'ue Abraham, jini xuc'ul bʌ t'an tsa' bʌ i yʌq'ue Isaac,

Salmos 105:9

Jiñʌch xuc'ul bʌ t'an tsa' bʌ i yʌq'ue Abraham, Jini xuc'ul bʌ t'an tsa' bʌ i yʌq'ue Isaac,

Exodo 17:16

Tsi' yʌlʌ: La' lac letsan laj c'ʌb ti' tojel i buchlib lac Yum. Lac Yum mi caj i cha'len guerra ti' contra amalecob ti pejtelelel ora, che'en.

Exodo 2:24

Tsi' ña'ta jini xuc'ul bʌ t'an tsa' bʌ i yʌq'ue Abraham yic'ot Isaac yic'ot Jacob.

Exodo 32:13

Ña'tan Abraham yic'ot Isaac yic'ot Israel. Jiñʌch a winicob tsa bʌ a wʌq'ueyob a t'an che' bʌ tsa' wʌlʌ: “Joñon mi caj c p'ojlesan a p'olbal, che' lajal bajche ec' ti panchan. Mi caj cʌq'ueñob la' p'olbal ili lum baqui tsa' cʌlʌ. Mi caj i ch'ʌmob ti' wenta ti pejtelel ora”. Che' tsa' wʌlʌ, che'en Moisés.

Isaias 45:23

Tic bajñel jach tsa cʌc'ʌ c t'an. Tilem ti toj bʌ c pusic'al jini t'an tsa' bʌ loq'ui ti quej. Mach chʌn sujtic. Pejtel winicob mi caj i ñocchocoñob i bʌ tic tojlel. Mi caj i lu' melob i bʌ tic tojlel.

Jeremias 22:5

Pero mi mach la' womic la' jac'beñon c t'an, mi caj i junyajlel jejmel jubel ili otot. P'ulul mi caj i cʌytʌl. Tsa'ix c wa'choco c t'an. Joñon mi caj c ts'ʌctesan, che'en lac Yum”.

Jeremias 44:26

Ubinla i t'an lac Yum, pejteletla ch'oyolet bʌ la ti Judá, añet bʌ la ti Egipto: P'isi ti la' wenta come ñucʌch j c'aba'. Tsa'ix cʌc'ʌ c t'an. Ma'anix mi caj la' chʌn pejcan j c'aba'. Ma'anix mi caj la' chʌn al ti Egipto: “Cuxul lac Yum”, mach chʌn che'etixla.

Jeremias 49:13

Cha'an xuc'ulon jini cha'an tsa' cʌc'ʌ c t'an tij c'aba', che'en lac Yum. Mi caj i jilel Bosra yic'ot pejtel jini xchumtʌl tac ti' joytʌlel. Mi caj i ts'a'lentel, mi caj i p'ajtʌl. Pejtel mu' bʌ i q'uelob mi' cajelob ti bʌq'uen, come junyajlel jisʌbil. Ma'anix mi' cha' colel ti pejtelel ora, che'en.

Jeremias 51:14

Lac Yum tsi' bajñel wa'choco i t'an: Mi caj c pʌyob tilel jomocña bʌ winicob che' bajche' sajc'. Mi caj i mʌjlel i cha'añob, che'en.

Ezequiel 16:8

Che' bʌ tsa' cha' ñumiyon ti a t'ejl, tsaj q'uele x'ixiquetix cajel. Che' jini tsac pʌyʌyet. Tsac bʌc'ʌyet tic pislel. Tsa cʌq'ueyet a pislel cha'an ma' lʌp. Tsac pejcayet, tsa' ochiyonla ti trato. Che' jini tsa' ochiyet tic cha'an.

Amos 6:8

Lac Yum Dios tsi' bajñel ac'ʌ i t'an. Lac Yum, i Dios Panchan yic'ot Pañimil, woli' yʌl: Ts'a' mij q'uel i p'olbal Jacob, come chan mi' melob i bʌ. Ts'a' mij q'uelbeñob i yotot anquese i t'ojol jax ti q'uelol. Mi caj cʌc' ti jisʌntel jini tejclum yic'ot pejtel i chubʌ'an.

Miqueas 7:20

Mi caj a wʌq'ueñon lojon i yutslel a t'an che' bajche' tsa' sube Jacob ti wajali. Mi caj a c'uxbiñon lojon che' bajche' tsa' sube Abraham yic'ot yambʌ c ñojte'el lojon.

Lucas 1:73

che' bajche' tsi' sube lac tat Abraham ba' ora tsi' wa'choco i t'an.