Genesis 22:12 - Chol: I T’an Dios

¹² Tsi' yʌlʌ: Mach a tsʌnsan jini ch'iton. Mach ma' tic'lan, come cujilix wola' bʌc'ñan Dios. Tsa' wʌq'ueyon a walobil, jini cojach bʌ a walobil, che'en.

Chol de Tumbalá Bible

¹² Tsi' yʌlʌ: Mach a tsʌnsan jini ch'iton. Mach ma' tic'lan, come cujilix wola' bʌc'ñan Dios. Tsa' wʌq'ueyon a walobil, jini cojach bʌ a walobil, che'en.

Jiñi Tsiji' bʌ Wen T'añ cha'añ Estudio

¹² Jiñi ángel tsi' su'be: —Mach a tsʌnsan jiñi ch'itoñ, mach ma' tic'lan, come cujilix woli' a bʌc'ñan Dios, come ma'añic tsa' ñusa cha'añ ma' wʌq'ueñon a walobil, jiñi cojach bʌ a walobil.

Genesis 22:12 Iomraidhean Croise

Genesis 20:11

Abraham tsi' yʌlʌ: Tsac cha'le iliyi come tsac ña'ta ma'anic i bʌc'ñʌntel Dios ilayi. Tsa cʌlʌ mux caj i tsʌnsañoñob a winicob cha'an quijñam. Che'ʌch tsac lon ña'ta.

Genesis 22:13

Abraham tsi' can q'uele pañimil. Tsi' q'uele juncojt i tat tiñʌme' ya' ti' pat, joc'ol i xulub ti' xʌc' te'. Abraham tsa' majli. Tsi' chucu jini tiñʌme'. Tsi' yʌq'ue Dios pulbil bʌ i majtan. I q'uexolʌch i yalobil.

Genesis 22:16

Tsi' yʌlʌ: Tij c'aba' tsac wersa ac'ʌ c t'an, cha'an tsa' jac'ʌ chuqui tsac subeyet. Ma'anic tsa' chʌclebeyon a walobil. Tsa' wʌq'ueyon jini cojach bʌ a walobil.

Genesis 22:2

Dios tsi' yʌlʌ: Pʌyʌyix majlel ch'iton bʌ a walobil, jini cojach bʌ a walobil Isaac mu' bʌ a c'uxbin. Cucu ti lum i c'aba' Moríah. Aq'ueñon a walobil cha'an pulbil bʌ c majtan ya' ti jump'ejl wits mu' bʌ caj c pʌsbeñet, che'en.

Genesis 26:5

cha'an tsi' jac'ʌ c t'an Abraham. Ti pejtelel chuqui tsac sube tsi' jac'ʌ c mandar, che'en lac Yum.

Genesis 42:18

Che' ti yuxp'ejlel q'uin José tsi' subeyob: Melela che' bajche' mic subeñetla cha'an mi la' coltan la' bʌ, come mic bʌc'ñan Dios.

Nehemias 5:15

Jini ñaxan bʌ gobernadorob tsa' bʌ i cha'leyob i yumʌntel che' maxto tilemonic tsi' yʌq'ueyob al bʌ i cuch. Tsi' ch'ʌmʌyob waj yic'ot vino yic'ot cha'c'al sʌsʌc bʌ taq'uin ti' c'ʌb jujuntiquil winic i wenta tojoñel. Ma'anic tsi' tojoyob i bʌl i ñʌc'. I winicob ja'el tsi' cha'leyob i yumʌntel ti' tojlel xtejclumob. Mach che'ic tsac mele joñon cha'an wolic bʌc'ñan Dios.

Job 1:1

Tsa' chumle ti lum i c'aba' Uz juntiquil winic uts'at bʌ i pusic'al, i c'aba' Job. Tsi' c'uxbi Dios. Tsi' cʌnta i bʌ cha'an ma'anic mi' taj mulil.

Job 28:28

Tsi' sube winicob: Ubinla. Jiñʌch la' ña'tibal che' mi la' bʌc'ñan la' Yum Dios. Jini jach mi' ch'ʌmben isujm mu' bʌ i junyajlel cʌy i mul, che'en.

Job 5:19

Ma'anic mi caj a wʌjq'uel ti jilel anquese mi' cʌlʌx tajet wocol. Jujunyajl mi caj i coltañet loq'uel.

Salmos 1:6

Come lac Yum mi' cʌntan jini tojo' bʌ ti' bijlel. Pero i bijlel jini jontolo' bʌ mi' yʌc'ob ti jilel.

Salmos 111:10

Jiñʌch i cajibal lac ña'tʌbal che' mi lac bʌc'ñan lac Yum. Mi' wen ña'tañob pañimil pejtel mu' bʌ i jac'beñob i mandar. Mux i sujbel i ñuclel lac Yum ti pejtelel ora.

Salmos 147:11

Pero tijicña lac Yum cha'an jini mu' bʌ i c'uxbiñob, mu' bʌ i xuc'chocoñob i pusic'al ti' yutslel i t'an.

Salmos 2:11

Yom mi la' bʌc'ñan lac Yum che' mi la' ch'ujutesan. Yom tsiltsilña che' mi' ñucan la' pusic'al.

Salmos 25:12

¿Majqui jini winic mu' bʌ i bʌc'ñan lac Yum? Lac Yum mi caj i cʌntesan majlel ti wen bʌ bij.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Exodo 20:20

Moisés tsi' jac'beyob: Mach la' cha'len bʌq'uen. Tsa' tili Dios cha'an mi' q'uel la' pusic'al. Yom mi la' bʌc'ñan Dios cha'an ma'anic mi la' cha'len mulil, che'en.

Proverbios 1:7

Jiñʌch i cajibal lac ña'tʌbal che' mi lac bʌc'ñan lac Yum. Jini tontojo' bʌ ts'a' mi' yubiñob i cʌntesʌntel yic'ot i tic'ol.

Eclesiastes 12:13

Cojach jini mic sub. Bʌc'ñan Dios, jac'ben i mandar, come jiñʌch mu' bʌ i wersa c'ajtibeñet.

Jeremias 19:5

Tsa' la' wa'chocobe i pulʌntib i majtan Baal ba' mi la' pul ti c'ajc la' walobilob. Mach c mandaric. Ma'anic tsac wis ña'ta j c'ajtibeñet.

Jeremias 32:40

Mi caj cotsañob ti xuc'ul bʌ t'an quic'ot. Jiñʌch xuc'ul bʌ t'an mach bʌ yujilic jejmel ti pejtelel ora. Ma'anix mi caj j cʌyob. Mi caj c chʌn coltañob ti pejtelel ora. Mi caj j cʌntesañob cha'an mi' c'uxbiñoñob ti pejtelel ora, cha'an ma'anix mi' chʌn tʌts'ob i bʌ tic tojlel.

Malaquias 4:2

Pero mach che'ic jatetla mu' bʌ la' bʌc'ñan j c'aba'. Mi caj i pasel ti la' tojlel jini Q'uin mu' bʌ i yʌq'ueñetla toj bʌ la' pusic'al. Mi caj i lajmesañetla. Libre mi caj la' loq'uel che' bajche' i yal wacax mu' bʌ i colel ba' cʌchʌl. Mi caj la' wubin i tijicñʌyel la' pusic'al.

Mateo 16:24

Jesús tsi' sube xcʌnt'añob i cha'an: Mi an majqui yom i tsajcañon, la' i cʌy chuqui yom ti' bajñel pusic'al. La' i ch'ʌm i cruz. La' i tsajcañon.

Mateo 19:29

Jujuntiquil tsa' bʌ i cʌyʌ i yotot, mi i yʌscuñob, mi i yijts'iñob, mi i tat, mi i ña', mi i yalobilob, mi i lumal, cha'an tij c'aba' mi caj i taj yambʌ jo'c'al i ñumel bajche' jini tsa' bʌ i cʌyʌ. Mi caj i taj ja'el i cuxtʌlel mach bʌ anic mi' jilel.

Mateo 5:16

Che' yom mi la' pʌsbeñob winicob x'ixicob la' sʌclel yic'ot wen bʌ la' we'tel. Che' mi' q'uelob mi caj i tsictesañob i ñuclel la' Tat am bʌ ti panchan.

Juan 3:16

Come che'i tsi' wen c'uxbi jini año' bʌ ti pañimil Dios. Tsi' yʌc'ʌ cojach bʌ i Yalobil. Majqui jach mi' ñop i Yalobil, ma'anic mi' sajtel. Mi' taj i cuxtʌlel mach bʌ anic mi' jilel.

Hechos 9:31

Tsa' ñʌjch'i i tic'lʌntel jini xñopt'añob ti pejtelel Judea yic'ot ti Galilea yic'ot ti Samaria. Tsa' p'ʌtesʌntiyob. Tsi' chʌn bʌc'ñayob lac Yum. Tsa' ñuc'ayob i pusic'al cha'an Ch'ujul bʌ Espíritu. Tsa' wen p'ojliyob.

Romanos 5:8

Pero tsa' chʌmi Cristo cha'añonla che' xmulilon tola. Che' jini, Dios tsi' pʌsbeyonla c'ux mi' yubiñonla.

Romanos 8:32

Dios ma'anic tsi' p'unta i Yalobil, pero tsi' yʌc'ʌ ti chʌmel cha'añonla ti lac pejtelel. ¿Mach ba muq'uic i yʌq'ueñonla yic'ot Cristo pejtelel chuqui yom lac cha'an?

1 Corintios 10:13

Ma'anic mi junchajpic la' pʌyol ti mulil mach bʌ anic tsi' yubiyob yaño' bʌ. Xuc'ul i pusic'al Dios. Ma'anic mi' yʌq'ueñetla la' taj la' pʌyol ti mulil mach bʌ mejlic la' cuch. Che' mi la' pʌjyel ti mulil, Dios mi' yʌq'ueñetla la' p'ʌtʌlel cha'an mi la' cuch. Che' jini mi mejlel la' loq'uel ba' pʌybilet ti mulil.

2 Corintios 8:12

Mi an majqui yom i yʌc' majtañʌl, la' i yʌc' loq'uem bʌ ti' chubʌ'an, mi on o mi mach onic. Mach mejlic i yʌc' chuqui mach i cha'anic.

Hebreos 11:19

Abraham tsi' ña'ta an i p'ʌtʌlel Dios cha'an mi' cha' tech loq'uel ba'an chʌmeño' bʌ. Che' bʌ tsi' yʌc'ʌ i yalobil, che'ʌch tsa' ujti yilal. Tsi' cha' pʌyʌ sujtel.

Hebreos 12:28

La' lac chʌn suben Dios wocolix i yʌlʌ cha'an woli la cochel ti' yumʌntel mach bʌ yujilic ñijcʌyel. La' lac ch'ujutesan Dios ti uts'at yic'ot pejtel lac pusic'al yic'ot bʌq'uen.

Santiago 2:18

An majqui mi caj i subeñet: Jatet wola' ñop Dios cha'an ma' taj a coltʌntel, pero joñon wolic pʌs wen bʌ c melbal. ¿Bajche' mi caj a pʌsbeñon ti isujm mi wola' ñop che' ma'anic wen bʌ a melbal? Pero wen tsiquil wolic ñop Dios che' mic pʌsbeñet wen bʌ c melbal, che'en.

Apocalipsis 19:5

Tsa' loq'ui t'an ti' buchlib Dios. Tsi' yʌlʌ: Subenla i ñuclel lac Dios pejteletla i winiquet bʌ la mu' bʌ la' bʌc'ñan, ch'o'ch'oquet bʌ la yic'ot ñuquet bʌ la, che'en.

1 Samuel 15:22

Samuel tsi' yʌlʌ: ¿Tijicña ba mi' q'uel lac Yum jini pulbil bʌ i majtan yic'ot tsʌnsʌbil bʌ i majtan che' ma'anic wola' jac'ben i t'an? Yom cu mi la cʌq'uen tsʌnsʌbil bʌ i majtan Dios. Pero ñumen yom mi lac jac'ben i t'an.