Genesis 22:11 - Chol: I T’an Dios

¹¹ I yángel lac Yum am bʌ ti panchan tsi' pejca. Tsi' yʌlʌ: Abraham, Abraham, che'en. Tsi' jac'ʌ: Wʌ' añon, che'en.

Chol de Tumbalá Bible

¹¹ I yángel lac Yum am bʌ ti panchan tsi' pejca. Tsi' yʌlʌ: Abraham, Abraham, che'en. Tsi' jac'ʌ: Wʌ' añon, che'en.

Jiñi Tsiji' bʌ Wen T'añ cha'añ Estudio

¹¹ Che' jiñi i yángel lac Yum am bʌ ti panchan tsi' pejca: —¡Abraham, Abraham! Abraham tsi' jac'ʌ: —Wʌ'añon.

Genesis 22:11 Iomraidhean Croise

Genesis 16:7

I yángel lac Yum tsi' taja Agar ba'an cuxul bʌ ja' ti jochol bʌ lum, jini cuxul bʌ ja' am bʌ ti' bijlel Shur.

Genesis 21:17

Dios tsi' yubibe i t'an ch'iton. I yángel Dios ti panchan tsi' pejca Agar. Tsi' sube: ¿Chuqui wola' wubin? Mach a cha'len bʌq'uen, come Dios tsi' yubibe i t'an jini ch'iton ya' ba'an.

Genesis 21:18

La' teche ch'ojyel jini ch'iton. Tijicñesʌben i pusic'al, come mi caj c p'ojlesan cha'an mi' sujtel ti colem tejclum, che'en.

Genesis 22:1

Che' bʌ tsa' ujti iliyi, Dios tsi' yʌc'ʌ ti prueba Abraham. Tsi' pejca: Abraham, che'en. Tsi' jac'ʌ: Wʌ' añon, che'en.

Genesis 22:10

Abraham tsi' ch'ʌmʌ cuchillo. Tsi' sʌts'ʌ i c'ʌb cha'an mi' tsʌnsan i yalobil.

Genesis 22:12

Tsi' yʌlʌ: Mach a tsʌnsan jini ch'iton. Mach ma' tic'lan, come cujilix wola' bʌc'ñan Dios. Tsa' wʌq'ueyon a walobil, jini cojach bʌ a walobil, che'en.

Genesis 22:16

Tsi' yʌlʌ: Tij c'aba' tsac wersa ac'ʌ c t'an, cha'an tsa' jac'ʌ chuqui tsac subeyet. Ma'anic tsa' chʌclebeyon a walobil. Tsa' wʌq'ueyon jini cojach bʌ a walobil.

Genesis 24:7

Lac Yum, jini Dios am bʌ ti panchan, tsa' bʌ i pʌyʌyon loq'uel ti' yotot c tat ya' tic lumal ba' tsa quila pañimil, jiñʌch tsa' bʌ i pejcayon, tsa' bʌ i yʌq'ueyon i t'an. Tsi' yʌlʌ: “Mi caj cʌq'uen a p'olbal ili lum”. Che' tsi' yʌlʌ Dios, che'en Abraham. Dios mi caj i choc majlel i yángel ti a tojel. Che' jini mux caj a c'ajtiben i yijñam calobil ya'i.

Genesis 31:11

I yángel Dios tsi' subeyon tic ñajal: “Jacob”, che'en. Tsa cʌlʌ: “Wʌ' añon”, cho'on.

Genesis 37:13

Israel tsi' sube José: Ya' añob a wʌscuñob ti Siquem. Woli' buc'sañob tiñʌme'. La'. Mi caj c choquet majlel ba'an a wʌscuñob, che'en. José tsi' sube i tat: Wʌ' añon, che'en.

Genesis 46:2

Dios tsi' pejca Israel che' ti ac'ʌlel. Tsi' yʌlʌ: Jacob, Jacob, che'en. Israel tsi' jac'ʌ: Wʌ' añon, che'en.

Genesis 48:16

Jini Angel tsa' bʌ i mʌñʌyon loq'uel ti pejtelel jontolil, la' i yʌq'ueñob i wenlel jini ch'itoñob. La' i ch'ʌmbeñon j c'aba' jini ch'itoñob. La' i ch'ʌmob i c'aba' c ñojte'elob, Abraham yic'ot Isaac. La' p'ojlicob ti pañimil cha'an wen cabʌl mi' majlelob, che'en.

Exodo 3:2

I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Exodo 3:4

Che' bʌ lac Yum tsi' q'uele woli' majlel Moisés cha'an mi' q'uele', Dios tsi' pejca ti jini alʌ te': Moisés, Moisés, che'en. Tsi' jac'ʌ: Wʌ' añon, che'en.

Isaias 6:8

Che' jini tsa cubibe i t'an lac Yum woli bʌ i yʌl: ¿Majqui mi caj c choc majlel ba'an c cha'año' bʌ? ¿Majqui yom majlel i sub c t'an? che'en. Joñon tsac jac'ʌ: Um ba' añon c Yum. Chocoyon majlel, cho'on.

Hechos 26:14

Che' bʌ tsa' yajliyon lojon ti lum tic pejtelel lojon, tsa cubi t'an woli bʌ i pejcañon. Tsi' subeyon ti' t'an hebreojob: “Saulo, Saulo, ¿chucoch wola' tic'lañon? Wola' lʌlʌp tec' jini jay bʌ i ñi' te' cha'an ma' low a bʌ”, che'en.

Hechos 9:4

Tsa' yajli ti lum. Tsi' yubi t'an tsa' bʌ i sube: Saulo, Saulo, ¿chucoch ma' tic'lañon? che'en.

Juezob 2:1

I yAngel lac Yum tsa' loq'ui ti Gilgal. Tsa' letsi majlel ti Boquim. Tsi' yʌlʌ: Joñon tsac loc'sayet ti Egipto. Tsa cotsayet ti jini lum che' bajche' tsac sube a ñojte'elob. Wersa mi' ts'ʌctesan jini t'an tsa' bʌ c mele la' wic'ot.

1 Samuel 3:10

Lac Yum tsa' cha' tili ti wa'tʌl ti' tojlel Samuel. Tsi' cha' pʌyʌ che' bajche' tsi' pejca ti ñaxan. Tsi' yʌlʌ: Samuel, Samuel, che'en. Samuel tsi' jac'ʌ: Subeñon chuqui a wom c Yum, come a winicon. Wolic ñich'tañet, che'en.

1 Samuel 3:4

Lac Yum tsi' pʌyʌ Samuel. Tsi' jac'ʌ: Um ba' añon, che'en.