Genesis 22:1 - Chol: I T’an Dios

¹ Che' bʌ tsa' ujti iliyi, Dios tsi' yʌc'ʌ ti prueba Abraham. Tsi' pejca: Abraham, che'en. Tsi' jac'ʌ: Wʌ' añon, che'en.

Chol de Tumbalá Bible

¹ Che' bʌ tsa' ujti iliyi, Dios tsi' yʌc'ʌ ti prueba Abraham. Tsi' pejca: Abraham, che'en. Tsi' jac'ʌ: Wʌ' añon, che'en.

Jiñi Tsiji' bʌ Wen T'añ cha'añ Estudio

¹ Che' bʌ tsa' ujti iliyi, Dios tsi' q'uelbe i pusic'al Abraham. Tsi' su'be: —Abraham. Abraham tsi' jac'ʌ: —Wʌ'añon.

Genesis 22:1 Iomraidhean Croise

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Genesis 21:11

Wen ch'ijiyem i pusic'al Abraham cha'an c'ux tsi' yubi Ismael, come i yalobilʌch.

Genesis 22:11

I yángel lac Yum am bʌ ti panchan tsi' pejca. Tsi' yʌlʌ: Abraham, Abraham, che'en. Tsi' jac'ʌ: Wʌ' añon, che'en.

Genesis 22:7

Isaac tsi' pejca Abraham i tat: C tat, che'en. Abraham tsi' jac'ʌ: Wʌ' añon calobil, che'en. Isaac tsi' yʌlʌ: Awilan, wʌ'an jini xutunte' yic'ot si'. ¿Baqui an jini tiñʌme' cha'an mi' pulel i majtan Dios? che'en.

Genesis 37:13

Israel tsi' sube José: Ya' añob a wʌscuñob ti Siquem. Woli' buc'sañob tiñʌme'. La'. Mi caj c choquet majlel ba'an a wʌscuñob, che'en. José tsi' sube i tat: Wʌ' añon, che'en.

Genesis 46:2

Dios tsi' pejca Israel che' ti ac'ʌlel. Tsi' yʌlʌ: Jacob, Jacob, che'en. Israel tsi' jac'ʌ: Wʌ' añon, che'en.

2 Samuel 24:1

Tsa' cha' caji ti mich' lac Yum yic'ot pejtelel israelob. Tsi' ña'ta i yʌq'ueñob wocol. Tsi' yotsa ti' pusic'al David cha'an mi' choc ñumel x'e'telob i cha'an, cha'an mi' melob censo ti tejclum tac.

2 Cronicas 32:31

Tsa' tiliyob ti jula' winicob ch'oyolo' bʌ ti Babilonia tsa' bʌ chojquiyob tilel cha'an mi' yubiñob jini ñuc tac bʌ tsa' bʌ i mele Dios ya' ti Jerusalén. Lac Yum tsi' cʌyʌ Ezequías cha'an mi' q'uelben i pusic'al, cha'an mi' yʌc' ti tsictiyel pejtel chuqui an ti' pusic'al.

Salmos 11:5

Lac Yum mi yilʌben i pusic'al jini toj bʌ winic. Ti pejtelel i pusic'al mi' ts'a'len jini jontol bʌ winic yic'ot jini mu' bʌ i lon mulan jisaya.

Exodo 16:4

Lac Yum tsi' sube Moisés: Awilan, mi caj c chocbeñetla tilel i bʌl la' ñʌc' tilem bʌ ti panchan. Jini winicob x'ixicob mi caj i loq'uelob cha'an mi' tempañob bajche' c'amel yom ti jujump'ejl q'uin. Che' jini mi caj j q'uelbeñob i pusic'al cha'an mi' tsictiyel mi mux caj i cha'leñob xʌmbal che' bajche' ts'ijbubil tic mandar.

Exodo 3:4

Che' bʌ lac Yum tsi' q'uele woli' majlel Moisés cha'an mi' q'uele', Dios tsi' pejca ti jini alʌ te': Moisés, Moisés, che'en. Tsi' jac'ʌ: Wʌ' añon, che'en.

Proverbios 17:3

Mi' yulmesʌntel plata ti p'ejt, mi' yʌjq'uel ti c'ajc jini oro, pero lac pusic'al mi' q'uejlel ti Dios.

Isaias 6:8

Che' jini tsa cubibe i t'an lac Yum woli bʌ i yʌl: ¿Majqui mi caj c choc majlel ba'an c cha'año' bʌ? ¿Majqui yom majlel i sub c t'an? che'en. Joñon tsac jac'ʌ: Um ba' añon c Yum. Chocoyon majlel, cho'on.

1 Corintios 10:13

Ma'anic mi junchajpic la' pʌyol ti mulil mach bʌ anic tsi' yubiyob yaño' bʌ. Xuc'ul i pusic'al Dios. Ma'anic mi' yʌq'ueñetla la' taj la' pʌyol ti mulil mach bʌ mejlic la' cuch. Che' mi la' pʌjyel ti mulil, Dios mi' yʌq'ueñetla la' p'ʌtʌlel cha'an mi la' cuch. Che' jini mi mejlel la' loq'uel ba' pʌybilet ti mulil.

Deuteronomio 13:3

mach mi la' ñich'tʌben i t'an jini x'alt'an yic'ot jini mu' bʌ i ñajlen chuqui mi' yujtel, come lac Yum Dios woli' yilan la' pusic'al cha'an mi' q'uel mi isujm woli la' c'uxbin lac Yum Dios ti pejtelel la' pusic'al yic'ot ti pejtelel la' ch'ujlel.

Deuteronomio 8:16

Tsi' yʌq'ueyetla la' c'ux jini maná mach bʌ anic tsi' q'ueleyob la' ñojte'elob. Tsi' yʌq'ueyetla tsic pusic'al yic'ot i yilʌbentel la' pusic'al cha'an yom i yʌq'ueñetla tijicña bʌ ti wi'il bʌ ora.

Deuteronomio 8:2

Yom mi la' ña'tan ja'el i wocolel jini bij ya' ti' tiquiñal pañimil ba' tsi' pʌyʌyetla tilel lac Yum Dios ili cha'c'al jab. Tsi' ju'sʌbeyet la' pusic'al cha'an mi' yilan mi xuc'uletla, cha'an mi la' jac'ben i mandar, o mi mach la' womic la' jac'.

Hebreos 11:17

Cha'an tsi' ñopo Dios Abraham, tsi' yʌc'ʌ Isaac cha'an i majtan Dios che' bʌ tsa' ilʌbenti i pusic'al. Jini tsa' bʌ aq'uenti jini albil bʌ t'an tsi' yʌq'ue Dios cojach bʌ i yalobil ti' majtan.

Santiago 2:21

¿Mach ba anic tsa' q'uejli ti toj lac tat Abraham cha'an ti wen bʌ i melbal che' bʌ tsi' yʌc'ʌ ti chʌmel i yalobil i c'aba' Isaac ya' ti' pulʌntib i majtan Dios?

1 Pedro 1:7

cha'an mi' tsictiyel mi xuc'ul woli la' ñop. Ñumen uts'at i xuc'tʌlel la' pusic'al ti Cristo bajche' oro mu' bʌ i jilel. Wolix la' ñusan wocol che' bajche' mi' ñumel oro ti c'ajc cha'an mi' q'uejlel mi mero oro. Che' ja'el che' ñumenix la' wocol, mi caj i sujbel la' ñuclel, mi caj la' c'uxbintel, mi caj la' q'uejlel ti ñuc che' mi' tsictiyel Jesucristo.

Juezob 2:22

Mi caj cʌc' ti prueba jini israelob cha'an mi' tsictʌyel mi mux i chʌn jac'beñoñob che' bajche' i ñojte'elob, o mi ma'anic, che'en.

1 Samuel 3:4

Lac Yum tsi' pʌyʌ Samuel. Tsi' jac'ʌ: Um ba' añon, che'en.