Genesis 21:6 - Chol: I T’an Dios

⁶ Sara tsi' yʌlʌ: Dios tsi' yʌc'ʌyon ti tijicña bʌ tse'ñal cha'an wen tijicñayon. Pejtel mu' bʌ i yubiñob mi' cajelob ti tse'ñal cha'an tijicñayob, che'en.

Chol de Tumbalá Bible

⁶ Sara tsi' yʌlʌ: Dios tsi' yʌc'ʌyon ti tijicña bʌ tse'ñal cha'an wen tijicñayon. Pejtel mu' bʌ i yubiñob mi' cajelob ti tse'ñal cha'an tijicñayob, che'en.

Jiñi Tsiji' bʌ Wen T'añ cha'añ Estudio

⁶ Che' jiñi Sara tsi' yʌlʌ: “Dios tsi' yʌc'ʌyon ti tijicña bʌ tse'ñal. Majqui jach mi' yu'bin mi' cajel ti tse'ñal quic'ot.”

Genesis 21:6 Iomraidhean Croise

Genesis 17:17

Abraham tsi' pʌcchoco i bʌ. Tsi' cha'le tse'ñal. Tsi' yʌlʌ ti' pusic'al: ¿Mejl ba i tilel calobil che' anix jo'c'al c jabilel? ¿Mejl ba i tilel i yalobil Sara che' anix lujump'ejl i jo'c'al i jabilel? Che'ʌch tsi' ña'ta.

Salmos 113:9

Mi' yʌq'uen i cʌntan i yalobil jini to'ol wa'al jach bʌ x'ixic. Tijicña i pusic'al mi' mec' i yalobilob. ¡Aleluya!

Salmos 126:2

Tsa' cajiyonla ti tse'ñal cha'an wen tijicñayonla. Ju'ucñayonla ti t'an yic'ot c'ay. Tsa' caji' yʌlob winicob x'ixicob ti yan tac bʌ lum: Lac Yum tsi' pʌsbeyob ñuc tac bʌ i melbal, che'ob.

Isaias 49:15

Pero mach isujmic. ¿Mu' ba ñajʌyel i cha'an x'ixic i yalobil? ¿Mu' ba i cʌy i c'uxbin i yalobil tsa' bʌ i yʌc'ʌ ti pañimil? Añʌch mu' bʌ i cʌy mu' bʌ i ñajʌyel i cha'an. Pero joñon mach che'icon. Mach ñajʌyiyetic c cha'an.

Isaias 49:21

Che' jini mi caj a wʌl ti a pusic'al: “¿Majqui tsi' yʌq'ueyon cabʌl calobilob? Come tsʌnsʌbilob lamital jini calobilob. Lamital tsa' pʌjyiyob majlel ti yambʌ lum. ¿Majqui tsi' cosayob che' añon tic bajñel? ¿Baqui tsa' tiliyob?” che'et.

Isaias 54:1

Cha'len c'ay, to'ol wa'alet bʌ x'ixic mach bʌ anic a walobil. Yom tijicñayet. Cha'len c'ay ti pejtelel a pusic'al jatet Jerusalén, mach bʌ anic tsa' cha'le bajq'uel. Come ñumen mi caj a mec' a walobil bajche' jini am bʌ i ñoxi'al.

Jeremias 20:15

La' p'ajlec jini winic tsa' bʌ i lon ñuq'uesʌbe i pusic'al c tat che' bʌ tsa' tili i suben: Anix ch'iton bʌ a walobil, che'en.

Lucas 1:14

Tijicña mi caj a wubin. Mi caj i ñuc'an a pusic'al. Tijicña jax mi caj i yubiñob cabʌlob che' mi yilan pañimil a walobil.

Lucas 1:58

I pi'ʌlob ti chumtʌl yic'ot i pi'ʌlob Elisabet tsi' yubiyob bajche' Dios tsi' p'unta Elisabet. Tijicñayob i pusic'al yic'ot Elisabet.

Romanos 12:15

Yom tijicñayetla yic'ot jini tijicñayo' bʌ. Cha'lenla uq'uel yic'ot jini mu' bʌ i cha'leñob uq'uel.

Hebreos 11:11

Abraham tsi' ñopo Dios. Jini cha'an tsa' mejli i tech i yalobil, anquese cabʌlix i jabilel. Xñejep'ix Sara ja'el. Pero Abraham tsi' ñopo mi caj i ts'ʌctiyel i t'an Dios che' bajche' tsa' subenti.

1 Samuel 1:26

Che' jini Ana tsi' sube Elí: ¿A cʌñʌyon ba? Joñon tsac pejca lac Yum wʌ' ti a t'ejl che' bʌ tsa' q'ueleyon che' woliyon ti oración.