Genesis 21:22 - Chol: I T’an Dios

²² Ti ili ora Abimelec yic'ot i winic Ficol i yum soldadojob tsi' subeyob Abraham: Dios woli' coltañet ti pejtelel chuqui ma' cha'len, che'ob.

Chol de Tumbalá Bible

²² Ti ili ora Abimelec yic'ot i winic Ficol i yum soldadojob tsi' subeyob Abraham: Dios woli' coltañet ti pejtelel chuqui ma' cha'len, che'ob.

Jiñi Tsiji' bʌ Wen T'añ cha'añ Estudio

²² Ti jim bʌ ora Abimelec yic'ot i wiñic Ficol, i yum soldadojob, tsi' su'beyob Abraham: —Dios woli' coltañet ti pejtelel chuqui ma' mel.

Genesis 21:22 Iomraidhean Croise

Genesis 20:14

Abimelec tsi' pʌyʌ tilel tiñʌme' yic'ot wacax yic'ot i mozojob yic'ot criadajob. Tsi' yʌq'ueyob Abraham. Tsa' cha' aq'uenti Abraham Sara i yijñam.

Genesis 20:17

Abraham tsi' pejca Dios ti oración. Dios tsi' lajmesa Abimelec. Tsi' lajmesa ja'el i yijñam Abimelec yic'ot criadajob. Che' jini tsa' mejli i cha' cʌntañob i yalobil.

Genesis 20:2

Abraham tsi' yʌlʌ: Jiñʌch quijti'an jini Sara, che'en, anquese i yijñamʌch. Abimelec jini rey ti Gerar tsi' choco majlel i winic. Tsi' pʌyʌ Sara.

Genesis 26:26

Abimelec tsa' loq'ui ti Gerar. Tsa' tili ba'an Isaac. Tsa' c'oti ja'el Ahuzat, wen cʌmbil bʌ i cha'an, yic'ot Ficol i yum jini soldadojob i cha'an Abimelec.

Genesis 26:28

Tsi' yʌlʌyob: Tsaj q'uele lojon an la' Yum a wic'ot. Tsa cʌlʌ lojon: Yomix mi lac tem lac t'an cha'an uts'at mi laj q'uel lac bʌ

Genesis 28:15

Añon quic'otet. Mi caj cʌntañet baqui jach ma' majlel. Mi caj c cha' pʌyet tilel ti ili lum. Ma'anic mi caj j cʌyet jinto mic mel jini tsa bʌ c subeyet, che'en.

Genesis 30:27

Labán tsi' sube: Awocolic pʌsbeñon i yutslel a pusic'al. Mach a cʌyon come cujil wolix i yʌq'ueñon c wenlel lac Yum cha'an wola' coltañon, che'en.

Genesis 31:5

Jacob tsi' subeyob: Cujil ma'anix mi' chʌn q'uelon ti uts'at la' tat che' bajche' ti ñaxan. Pero i Dios c tat woli' coltañon. Anto quic'ot.

2 Samuel 24:7

Tsa' majliyob ti Tiro jini ts'ajquibil bʌ tejclum. Tsa' ñumiyob ba'an pejtelel i lumalob jini heveojob yic'ot jini cananeojob. Che' jini tsa' c'otiyob c'ʌlʌl ti Neguev ti Judá c'ʌlʌl ti Beerseba.

2 Cronicas 1:1

Wa'chocobilix Salomón i yalobil David ti' ye'tel ti rey. Lac Yum Dios tsi' yʌq'ue cabʌl i ñuclel.

Isaias 45:14

Woli' yʌl lac Yum: Talob jini año' bʌ ti Egipto yic'ot xchoñoñel loq'uemo' bʌ ti Etiopía, yic'ot jini sabeojob, cha'an mi' yochelob ti a wenta ti majtan e'tel. Mi caj i tsʌcleñet majlel. Mi caj i ñocchocoñob i bʌ ti a tojlel cha'an mi' c'ajtiñob i coltʌntel ti wocol t'an, come ya' jach ti a tojlel mi' yajñel Dios, jini jach bʌ Dios. Mi caj i yʌlob: “Isujm, wʌ'an Dios a wic'ot. Ma'anic yambʌ”, che'ob.

Zacarias 8:23

Ti jim bʌ q'uin lujuntiquil winicob loq'uemo' bʌ ti lujump'ejl colem tejclum mi caj i comol chucbeñob i bujc juntiquil judío. Mi caj i yʌlob: “La'ix ajniconla che' bajche' lac pi'ʌl lac bʌ, come cujil lojon an Dios awic'ot”, che'ob. Che' tsi' yʌlʌ i Yum Panchan yic'ot Pañimil.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

Romanos 8:31

¿Chuqui yom mi lac sub, che' jini? Mi woli' coltañonla Dios, ¿majqui mi mejlel i contrajiñonla?

1 Corintios 14:25

Mi' caj ti tsictiyel jini mucul tac bʌ ti' pusic'al. Jini cha'an mi caj i pʌcchocon i bʌ cha'an mi' ch'ujutesan Dios. Mi caj i yʌl: Ya'an Dios la' wic'ot ti isujm, che'en.

Hebreos 13:5

Mach mi la' tsʌjyun taq'uin. Yom tijicña mi la' wajñel yic'ot chuqui tac an la' cha'an. Come Dios tsi' yʌlʌ: “Ma'anic mi caj a cʌytʌl ti meba'. Ma'anic mi caj j cʌyet”, che'en.

Josue 3:7

Che' jini lac Yum tsi' sube Josué: Ti ili q'uin mi caj cʌq'uet ti q'uejlel ti ñuc ti' tojlel pejtel israelob cha'an mi' ña'tañob añon a wic'ot. Che' bajche' tsa' ajniyon quic'ot Moisés, che' ja'el mi caj cajñel a wic'ot.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, winicob mu' bʌ i cha'leñob lot. Mi' cuyob i bʌ ti israelob anquese mach israelobic. Mux caj c pʌyob tilel cha'an mi' ñocchocoñob i bʌ ti' tojel la' woc. Mi caj i ña'tañob c'ux mi cubiñetla.

1 Samuel 24:22

David tsi' yʌq'ue i t'an. Che' jini tsa' sujti Saúl, pero tsa' cha' majli David yic'ot i winicob ya' ti ch'en ba' wen mʌcbilob.

1 Samuel 3:19

Tsi' taja i colel Samuel. Lac Yum tsa' ajni yic'ot ti jujump'ejl q'uin. Jini winicob x'ixicob tsi' p'isiyob ti wenta.