Genesis 20:9 - Chol: I T’an Dios

^9-10 Abimelec tsi' pʌyʌ tilel Abraham. Tsi' sube: ¿Chucoch tsa' lotiyon? Ma'anic chuqui tsac tumbeyet. ¿Chucoch ma' lon aq'ueñon lojon c taj ñuc bʌ c mul joñon quic'ot jini año' bʌ tic lumal? Mach wenic bajche' tsa' melbeyon. ¿Mach ba anic a pusic'al? ¿Chucoch che'ʌch tsa' mele bajche' iliyi? che'en Abimelec.

Chol de Tumbalá Bible

^9-10 Abimelec tsi' pʌyʌ tilel Abraham. Tsi' sube: ¿Chucoch tsa' lotiyon? Ma'anic chuqui tsac tumbeyet. ¿Chucoch ma' lon aq'ueñon lojon c taj ñuc bʌ c mul joñon quic'ot jini año' bʌ tic lumal? Mach wenic bajche' tsa' melbeyon. ¿Mach ba anic a pusic'al? ¿Chucoch che'ʌch tsa' mele bajche' iliyi? che'en Abimelec.

Jiñi Tsiji' bʌ Wen T'añ cha'añ Estudio

⁹ Ti wi'il Abimelec tsi' pʌyʌ tilel Abraham, tsi' su'be: —¿Chucoch tsa' melbeyon lojon che' bajche' iliyi? ¿Chuqui c mul ti a tojlel, cha'añ ma' ch'ʌmbeñon tilel tic tojlel yic'ot tic yumʌntel ili ñuc bʌ mulil? Jiñi mach bʌ yomic ma' mel, tsa' melbeyon.

Genesis 20:9 Iomraidhean Croise

Genesis 12:18

Faraón tsi' pʌyʌ tilel Abram. Tsi' yʌlʌ: Mach uts'atic bajche' tsa' melbeyon. ¿Chucoch ma'anic tsa' subeyon mi a wijñam jini x'ixic?

Genesis 20:8

Jini cha'an Abimelec seb to tsa' ch'ojyi ti sʌc'ajel. Tsi' pʌyʌ tilel pejtel i winicob. Tsi' subeyob pejtel iliyi. Tsa' wen cajiyob ti bʌq'uen jini winicob.

Genesis 26:10

Abimelec tsi' yʌlʌ: Mach wenic chuqui tsa' melbeyon lojon. Bʌbʌq'uen mi' pejcan a wijñam juntiquil winic. Tsa'ic i pejca, tsac taja lojon c mul, che'en Abimelec.

Genesis 29:25

Ti sʌc'ajel Jacob tsi' q'uele jiñʌch Lea tsa' bʌ i pʌyʌ. Jacob tsi' sube Labán: ¿Chuqui tsa' melbeyon? Wucp'ejl jab tsac melbeyet a we'tel cha'an mic pʌy Raquel. ¿Chucoch tsa' lotiyon? che'en.

Genesis 34:7

Che' bʌ tsi' yubiyob i yalobilob Jacob, tsa' sujtiyob tilel ti' yotot. Tsi' meleyob i pusic'al. Tsi' wen cha'leyob mich'ajel cha'an tsi' mele Hamor chuqui jisil ti' tojlel Israel che' bʌ tsa' ñole yic'ot xch'oc bʌ i yalobil Jacob. Mach che'ic yom melol.

Genesis 38:24

Che' ñumenix cha'p'ejl uxp'ejl uw tsa' subenti Judá: Tamar a wʌ'lib tsi' mele i bʌ bajche' xmoja. Awilan, cʌntʌbilix i yalobil cha'an tsi' mele bajche' xmoja. Che'ʌch tsa' subenti. Judá tsi' yʌlʌ: Pʌyʌ tilel jini x'ixic cha'an mi' pulel ti c'ajc, che'en.

Genesis 39:9

Ma'anic yambʌ ñuc bʌ ti' wenta c yum. Ma'anic chuqui tsi' loto ti' bajñel p'ʌtʌlel, cojach jatet, come i yijñamet. ¿Bajche' mi mejlel c cha'len jini ñuc bʌ mulil? ¿Bajche' mi mejlel c cha'len mulil ti' contra Dios? che'en.

2 Samuel 12:5

David tsi' wen mich'le jini winic tsa' bʌ i ch'ʌmʌ jini tiñʌme'. Tsi' sube Natán: Ti isujm mic subeñet come cuxul lac Yum, an i mul jini winic tsa' bʌ i mele che' bajche' jini. Yom mi' tsʌnsʌntel, che'en.

2 Samuel 13:12

Jini xch'oc tsi' jac'ʌ: Mach comic. Leco jax muq'uet ti t'an, come mach i t'ojolic mi' yujtel ti' tojlel israelob bajche' iliyi. Mach a mel chuqui quisintic jax.

Exodo 32:21

Moisés tsi' sube Aarón: ¿Chuqui tsi' melbeyetob ili tejclum cha'an tsa' ch'ʌmʌ tilel ti' tojlelob ñuc bʌ mulil? che'en.

Exodo 32:35

Lac Yum tsi' yʌq'ueyob jini winicob x'ixicob wocol, come tsi' subeyob Aarón cha'an mi' melbeñob alʌ tat wacax.

Proverbios 28:10

Jini mu' bʌ i yʌsan ti mulil jini toj bʌ lajalʌch bajche' jini mu' bʌ i top' lum cha'an mi' yʌc' ti yajlel yambʌ. Ya jach mi' caj ti yajlel ajñel. Jini tojo' bʌ mi caj i yʌq'uentelob chuqui uts'at.

Levitico 20:10

Che' an winic mu' bʌ i pi'lʌben i yijñam i pi'ʌl, jini winic yic'ot jini x'ixic wersa yom mi' tsʌnsʌntelob.

Romanos 2:11

Come Dios mach jelchojquic jach mi' c'uxbin winicob x'ixicob.

Tito 1:11

Yom mi' tijq'uelob come ti' caj i t'an woli' laj cʌyob jini wen t'an ti cabʌl otot. Woli' cʌntesañob chuqui mach tojic cha'an mi' tajob taq'uin.

Hebreos 13:4

Ña'tanla uts'at ñujpuñel, uts'at mi' pʌy i yijñam winic. Yom xuc'ul mi' pi'leñob i bʌ. Come majqui jach mi' taj i yixic, mi an i yijñam, o mi ma'anic i yijñam, Dios mi caj i mel.

Josue 7:25

Josué tsi' yʌlʌ: ¿Chucoch tsa' wʌc'ʌyon lojon ti wocol? Lac Yum mi caj i yʌq'ueñet wocol, che'en. Pejtelel jini israelob tsi' juluyob ti xajlel jinto tsa' chʌmi. Tsi' puluyob ti c'ajc.